غَلاطیان 1:22 - کتاب مقدس به زبان مازندرانی - گویش شرقی

²² یَهودیهِ کلیساها که مَسیحِ دِله دَرِنه، هَمتی مِ قیافه ره نِشناسینه.

گیله ماز

²² یَهودیه یه کِلیساها که مسیحِ دِلِه دَرِن، هَلَه می قیافِه رِه نِشناسِنه بان.

کتاب مقدس به زبان مازندرانی - گویش غربی

²² یَهودیه ای کِلیساها گه مسیحی دِلِه دَرِنِه، حَلا می قیافِه رِه نِشناسینِه.

غَلاطیان 1:22 Iomraidhean Croise

اعمال رَسولان 9:31

این طی کلیسا تِمومِ یهودیه و جلیل و سامِره دِله آرامش بَییته و قِوَّت گِته. وِشون خِداوندِ تَرسِ دِله زندگی کاردِنه و روح‌القُدُسِ تشویقِ هِمراه وِشونِ تعداد ویشتر بونِسه.

رومی ایشون 16:10

آپِلیسِ که شه آزمودِ مَسیحِ دِله پَس هِدا ره سِلام بَرِسونین. آریستوبولُسِ خانواده ره سِلام بَرِسونین.

رومی ایشون 16:3

پْریسکیلا و آکیلائه وِسه، که مِ همکارون مَسیحْ عیسی دِله هَسِنه، سِلام بَرِسونین.

رومی ایشون 16:7

مِ فامیلون وِسه، آندْرونیکوس و یونیا که مِ هِمراه زِندونِ دِله دَیینه ره سِلام بَرِسونین. وِشون رَسولونِ میون، سَرشِناسِ آدِمونینه که مِ جِم قبلتر مَسیحِ ایمون داشتِنه.

رومی ایشون 16:9

اَمه همکار اوربانوسِ مَسیحِ دِله، و مِ عزیزِ رَفِق، اِستاخیسِ، سِلام بَرِسونین.

اوّلین نامِه قُرنتیانی سِه 1:30

وه خاطِریِ که شِما عیسی مَسیحِ دِله دَرِنی. اون عیسی مَسیح که خِدائه طَرِفِ جِم اَمه وِسه حِکمَت بَییه، یعنی صالحی، قدّوسیت و آزادی.

اوّلین نامِه قُرنتیانی سِه 7:17

فِقَط، هر کی هَمون طی زندگی هاکانه که خِداوند وه وِسه در نَظِر بَییته و خِدا اونِ وِسه وه ره دَعوِت هاکارده. این حکمیِ که مِن تِمومِ کلیساهائه دِله گامبه.

فیلیپیان 1:1

پولُس و تیموتائوسِ طَرِف جِم، مَسیحْ عیسیِ نوکرون تِمومِ مِقدَّسینِ وِسه که مَسیحْ عیسیِ دِله فیلیپیِ شَهرِ دِله دَرِنه، ناظِرون و شَماسون:

اوّل تِسالونیکیان 1:1

پولُس و سیلاس و تیموتائوسِ طَرِفِ جِم، تِسالونیکیِ کلیسائه شَهرِ وِسه که خِدائه پییِر و خداوند عیسی مَسیحِ دِله دَرِنی: فِیض و صِلح و سِلامتی شِمه وِسه بِیّه.

اوّل تِسالونیکیان 2:14

چوون ای بِرارون، شِما خِدائه کلیساها که یَهودیهِ مَنطقهِ دِله مَسیحْ عیسیِ دِله دَرِنهِ جِم، سَرمَخش بَییتینی: چوون شِما هم شه هموطنونِ جِم، هَمون عِذاب ها ره بَدینی که وِشون یَهودیونِ جِم بَدینه،

دوّم تِسالونیکیان 1:1

پولُس و سیلاس و تیموتائوسِ طَرِف جِم، تِسالونیکی شَهرِ کلیسائه وِسه که اَمه پییِر، خِدا، و خِداوند عیسی مسیح‌ِ دِله دَرِنه: