اِفِسُسیان 6:9 - کتاب مقدس به زبان مازندرانی - گویش شرقی

⁹ اِی اَربابون، شه نوکِرونِ هِمراه همین‌طی رِفتار هاکانین، و وِشونِ خط و نِشون بَکِشییَنِ جِم دَس بَکِشین، چوون دوندِنی، وه که هم وِشونِ اَربابِ و هم شِمه اربابِ، آسمونِ دِله دَره، و وه هیچ کسِ میون فرق نییِلنه.

گیله ماز

⁹ اِی اَربابان، شیمی پاکارانِ هَمره اینجور رَفتار هَکُنید، وَ اوشانِ خط و نِشان بَکِشییَنِ جی دَس بَکِشین، چون دانید اونیکه هم اوشانِ اَربابِ و هم شیمی اَربابِ، آسِمانِ دِلِه دَرِه، وَ اون هیچکسِ میَن فرق نُزارنه.

کتاب مقدس به زبان مازندرانی - گویش غربی

⁹ اِی اَربابِن، شی نوکَرِنی هَمرا هَمینجور رَفتار هاکِنین، و وِشونی خط و نِشون بَکِشینی جا دَس بَکِشین، چون دِنِّنی ویگه هَم وِشونی اَرباب و هَم شِمِه اَربابِ، آسِمونی دِلِه دَرِه، و وی هیچکسی میِن فرق نِلنِه.

اِفِسُسیان 6:9 Iomraidhean Croise

اِنجیلِ مَتّی 22:10

اون نوکِرون کَر و کوچهِ دِله بُوردِنه هر کی ره پی دا هاکاردِنه، -چه خوار و چه بَد- شه هِمراه بیاردِنه و آروسی مَنزِل، مِهمونونِ جِم پِر بَییه.

اِنجیلِ مَتّی 22:8

بعد شه نوکِرونِ بااوته: 'آروسیِ جَشن آمادِهِ، ولی کِسایی که دَعوِت هاکارده بیمِه، لیاقت نِداشتِنه جشنِ وِسه بِیِّن.

اِنجیلِ مَتّی 24:48

ولی اَگه اون بَدِ نوکِر شه هِمراه باره مِ اَرباب به این زودیا نِنّه

اِنجیلِ مَتّی 24:51

وه ره تیکه تیکه کانده و دِرویونِ سَرگُذِشت گِرِفتار کانده اونجه که بِرمه هاکاردِن دَره و تَرسِ جِم دَندون دَندونِ کَش خوارنه.

اِنجیلِ مَتّی 7:12

دیگرون هِمراه هَمون طی رِفتار هاکانین كه خوانِنی شِمه هِمراه رِفتار هاکانِن. اینِ تِمومِ تورات و پِیغَمبِرونِ بَنوِشته.

لوقا 6:31

مَردِمِ هِمراه هَمون‌ طی رِفتار هاکانین که اِنتظار دارنِنی شِمه هِمراه رِفتار هاکانِن.

اِنجیلِ یوحنا 13:13

شِما مِ ره اِسّا و شه آقا صِدا کاندینی و دِرِس هم گانِنی، چوون هَسِمه.

اعمال رَسولان 10:34

بعد پِطرُس شه گَبِ این طی شِروع هاکارده: «اِسا بِفَهمِسِمه که واقعا خِدا مَردِمِ میون هیچ فَرقی نییِشته؛

رومی ایشون 2:11

چوون خِدا فرق نیییلنه.

اوّلین نامِه قُرنتیانی سِه 1:2

خِدائه کلیسائه وِسه که قُرِنتُسِ شَهرِ دِله دَره، اونایی که مَسیح عیسیِ دِله تَقدیس بَینه و دَعوِت بَینه تا مِقَدَّس زندگی هاکانِن، تِمومِ اونائه هِمراه که هر جائه دییه اَمه خِداوند عیسی مَسیحِ اِسمِ خوندِنِنه، که اَمه خِداوند و وِشونِ خِداوندِ:

اوّلین نامِه قُرنتیانی سِه 7:22

چوون کِسی که خِداوندِ طَرِفِ جِم نوکِری وِسه دَعوِت بَییه، خِداوند وه ره آزاد هاکارده. هَمون طی اونی هم که آزادیِ دِله دَعوِت بَییه، مَسیحِ نوکِرِ.

کولُسیان 3:25

چوون هر کی بَدی هاکانه، شه بَدِ کارِ عَوِضِ وینده و هیچ فرقی وجود نِدارنه.

کولُسیان 4:1

ای اربابون، شه نوکِرونِ هِمراه عدل و اِنصافِ هِمراه رِفتار هاکانین، چوون دوندِنی شِما هم یِتا اَرباب، آسِمون دِله دارنِنی.

یعقوبِ نامه 2:13

چوون داوِری، نسبت به اونی که رحم نَکارده بوئه، بی‌رَحم بونه. ولی رَحم، داوِری ره پیروز بونه!

یعقوبِ نامه 2:8

اگه راس راسی شاهانه شَریعتِ طبقِ اون مِقدَّسِ نوِشته به جا بیارین که گانه: «شه هَمساده ره شه واری دوس دار،» خوار، کار کاندینی.

یعقوبِ نامه 5:4

اِسا اون کارگرونِ دَسمِز که شِمه زِمین سَر دِرو هاکاردِنه، و شِما حیلهِ هِمراه وِشونِ دَسمِزِ نِدانی، شِمه علیه داد زَنده. اَره، دروگرونِ داد، خِداوندِ لشکرهائه گوش بَرِسیه.