اِفِسُسیان 6:17 - کتاب مقدس به زبان مازندرانی - گویش شرقی

¹⁷ نِجاتِ کِلاهخودِ شه سَر بییِلین و روحِ شمشیر که هَمون خِدائه کِلامِ ره، ‌شه دَس بَیرین.

گیله ماز

¹⁷ نِجاتِ کُلاهخودِ شیمی سَر بَنین و روحِ شَمشیر که خُدایِ کلامِ رِه، شیمی دَس بَگیرین.

کتاب مقدس به زبان مازندرانی - گویش غربی

¹⁷ نِجاتی کِلاهخودِ شی سَر بِلین و روحی شَمشیر گه هَمون خِدایی کلامِ رِه، شی دَس بَیرین.

اِفِسُسیان 6:17 Iomraidhean Croise

اِنجیلِ مَتّی 4:4

عیسی وه جِواب بااوته: توراتِ دِله بَنوِشته بَییه: اِنسان فِقَط نونِ هِمراه زِنده نییه، بلکه، هر کِلامی كه خِدائه دِهونِ جِم بیرون اِنه.'»

اِنجیلِ مَتّی 4:7

عیسی جِواب هِدا: «این هم توراتِ دِله بَنوِشته بَییه که: خِداوَند شه خِدا ره آزمود نَکِن.'»

اِفِسُسیان 5:26

تا وه ره خِدائه کِلامِ اوهِ هِمراه پاک هاکانه و این‌طی کلیسا ره تَقدیس هاکانه،

اوّل تِسالونیکیان 5:8

ولی از اونجه که اِما روزِ جِم هَسیمی، وِنه هوشیار بوئیم، و ایمون و مِحبّتِ زره ره شه تَن دَکُنیم، و نِجاتِ امیدِ، کِلاهخودِ واری شه سَر بییِلیم.

نامِه مَسیحینی عبرانی نِژادی سِه 4:12

چوون خِدائه کِلام زنده ئه و کار کانده و هر دِ دَمِ شَمشیرِ جِم تیز تَرِ، جوری وِرینه که نفس و روح و مفاصل و مغز و اِستکا ره سیوا کانده، و فکرا و دلِ نیّتها ره تشخیص دِنه

نامِه مَسیحینی عبرانی نِژادی سِه 6:5

و خِدائه کِلامِ خواری و آیندهِ دورانِ قِوَّت هائه طعمِ، مِزه هاکاردِنه،

یوحنایِ مکاشفه 1:16

و شه راسِ دَسِ دِله هفتا ستاره داشته و وه دِهونِ جِم یِتا دِ دَمِ تیزِ شمشیر بیرون بییَمو بییه، و وه دیم اِفتاب واری بییه که تِمومِ شه قِوَّتِ هِمراه تابِسه.

یوحنایِ مکاشفه 12:11

و وِشون، وَرهِ خونِ هِمراه و شه شِهادتِ کِلامِ هِمراه وه سَر حریف بَینه. چوون که وِشون شه جانِ دوس نِداشتِنه، حَتّی تا مَرگِ مووقه.

یوحنایِ مکاشفه 19:15

و وه دِهونِ جِم یِتا تیزِ شمشیر بیرون اییَمو، تا اونِ هِمراه ملّتها ره بَزِنه. «آهنی عصائه هِمراه وِشونِ سَر حکومت کانده.» وه خِدائه قادرِ مطلقِ غیظ و غَضِبِ اَنگورِ، شِرابِ حوضِ دِله لَگِد مال کانده.

یوحنایِ مکاشفه 2:16

پَس تووبه هاکان، واِلا خَله زود تِ پَلی اِمبه و شه دِهونِ شَمشیرِ هِمراه وِشونِ علیه جَنگ کامبه.