اِفِسُسیان 5:21 - کتاب مقدس به زبان مازندرانی - گویش شرقی

²¹ مَسیحِ حِرمتِ خاطِری، هَمدییهِ جِم اِطاعت هاکانین.

گیله ماز

²¹ مَسیح حُرمَتِ خاطِری، هَمدِیگَرِ جی اطاعت هَکُنید.

کتاب مقدس به زبان مازندرانی - گویش غربی

²¹ مَسیحی حِرمتی خاطری، هَمدیَری جا اطاعت هاکِنین.

اِفِسُسیان 5:21 Iomraidhean Croise

اوّلین نامِه قُرنتیانی سِه 16:16

این طی آدِمونِ مطیع بوئین و همین طی، هر کسِ دییه مطیع بوئین که این خدمِتِ دِله همکاری کانده و زَحمِت کَشِنه.

دوّمین نامه قرنتیانِ وَسین 5:11

پَس چوون خِداوندِ تَرسِ مَعنی ره دومبی، مَردِمِ قانع کامبی. ولی اونچی هَسیمی خِدائه وِسه دیارِ و اُمید دارمه شِمه وجدانِ وِسه هم دیار بوئه.

دوّمین نامه قرنتیانِ وَسین 7:1

پَس ای عزیزون، اِسا که اِما این وعده‌ها ره دارمی، بِئین شه ره هر جسم و روحِ ناپاکیِ جِم پاک هاکانیم و خِدائه تَرسِ هِمراه، مِقَدّس بییَنِ کامل هاکانیم.

غَلاطیان 5:13

چوون که اِی بِرارون، شِما آزادیِ وِسه دَعوِت بَینی، فِقَط شه آزادی ره یِتا فرصتِ واری جِسمِ وِسه استفاده نَکِنین، بلکه مِحبّتِ هِمراه، هَمدییه ره خِدمِت هاکانین.

اِفِسُسیان 5:22

ای زَنها، شه شی هائه جِم اِطاعت هاکانین، هَمون‌طی که خِداوندِ جِم اِطاعت کاندینی.

اِفِسُسیان 5:24

پَس هَمون‌طی که کلیسا، مَسیحِ جِم اِطاعت کانده، زَنها هم وِنه هر کارِ دِله شه شی هائه جِم اِطاعت هاکانِن.

فیلیپیان 2:3

هیچ کاری ره خودخواهی و چِش و هم چِشیِ سَر نَکِنین، بلکه فروتنیِ هِمراه بَقیه ره شه جِم بِهتَر بَدونین.

اول تیموتائوس 2:11

زِنا وِنه ساکت بوئه و کاملِ اطاعتِ هِمراه تَعلیم بَیره.

اول تیموتائوس 3:4

وه وِنه شه خانِواده ره خوار بَچِرخونه و شه وَچونِ جوری بار بیاره که تِمومِ احترامِ هِمراه وه جِم اِطاعت هاکنِن.

نامِه مَسیحینی عبرانی نِژادی سِه 13:17

شه رَهبرونِ جِم اِطاعت هاکانین و وِشونِ تَسلیم بوئین؛ چوون وِشون شِمه جانهائه جِم محافظت کاندِنه و وِنه حِساب پَس هادِن. بییِلین این کارِ، خِشالیِ هِمراه هاکانِن نا آه و نالهِ هِمراه، چوون این شِمه نفع نییه.

اول پِطرُس 2:13

خِداوندِ خاطِری، هر صاحب مَنصبِ جِم که آدِمونِ میون تَعیین بَییه، اِطاعت هاکانین، خوانه پادشاه بوئه که همه ئه جِم سَرترِ،

اول پِطرُس 2:17

همه ره حِرمت بییِلین، بِرارونِ مِحَبَّت هاکانین، خِدا تَرس بوئین و پادشاه ره اِحترام بییِلین.

اول پِطرُس 5:5

همین طی شِما هم ای جوونون، مشایخِ جِم اِطاعت هاکانین. شِما همه شه رفتارِ دِله هَمدییهِ هِمراه فروتنی ره دَپوشین، چوون، «خِدا مغرورونِ روب رو اِیست کانده، ولی فروتنونِ فِیض دِنه»