اِفِسُسیان 4:16 - کتاب مقدس به زبان مازندرانی - گویش شرقی

¹⁶ وه دِله ئه که تِمومِ تَن هر مَفصلِ هِمراه که اونِ ربط دارنه، چِفت و بَس بونه و چَسبِنه تا هر عضوی دِرِس کار هاکانه، تَن رشد کانده و شه ره مِحَبَّتِ دِله بَنا کانده.

گیله ماز

¹⁶ اونه جییِه که تمام بَدَن به وسیله هر مَفصلی که اوشانِ وَسین آماده هَبا، به هم چِفت و بَس بونَن وقتیکه هر عضوی دُرس عَمل هَکونِه، باعث بونه بَدَن رشد هَکونه تا خودِش رِه مِحبتِ دِلِه بَنا هَکونِه.

کتاب مقدس به زبان مازندرانی - گویش غربی

¹⁶ وی دِلِئه گه دِشتِه تَن هر مفصلی هَمرا گه اونِه ربط دارنِه چِفت و بَس وونِه و چَسبِنِه تا هر عضوی دِرِس کار هاکِنِه، تَن رشد کِنِّه و شِرِه مِحبتی دِلِه بَنا کِنِّه.

اِفِسُسیان 4:16 Iomraidhean Croise

اِنجیلِ یوحنا 15:5

«مِن اَنگور دارِمه و شِما مِ رَزِنی. کِسی که مِ دِله موندِنه و مِن وه دِله، وه اونیِ که خَله میوه یارنه؛ چوون مِ جِم سیوا، هیچ کاری نَتوندِنی هاکانین.

رومی ایشون 12:4

چوون هَمون‌ طی که اِما یِتا تَنِ دِله خَله اعضا دارمی و تِمومِ اعضا یه اِندا وظیفه نِدارنِنه.

اوّلین نامِه قُرنتیانی سِه 10:17

چوون که نون یِتائه، اِما هم که یَته خَیلیمی، یه تَن هَسیمی، چوون همه یِتا نونِ جِم سَهم وَرمی.

اوّلین نامِه قُرنتیانی سِه 13:13

پَس اِسا، این سه تا موندِنه: ایمون، امید و مِحَبَّت. ولی اینائه دِله ئه گَت تِرین، مِحبَّتِ.

اوّلین نامِه قُرنتیانی سِه 8:1

و اِسا بِت هائه پیشکَش بَییه خِراکِ خَوِری: دومبی که «اِما همه مَعرفتِ دارمی.» همین مَعرفت، غرورِ باعث بونه ولی مِحَبَّت، آدِمِ بنا کانده.

غَلاطیان 5:22

ولی خِدائه روحِ ثَمره، مِحَبَّت، خِشالی، صِلح و سِلامتی، صَبر، مِهرَوونی، خواری، وِفاداری،

غَلاطیان 5:6

چوون مَسیحْ عیسیِ دِله نا خَتنه بَیّن مهمِّ نا ختنه‌ نَیِّن، بلکه مهم ایمونیِ که مِحبَّتِ طَریقِ جِم کار کانده.

اِفِسُسیان 1:4

چوون قبل از اینکه دِنیا خَلق بَووه، اِما ره مَسیحِ دِله اِنتخاب هاکارده تا وه حِضور مِقَدَّس و بی‌عیب بوئیم. و مِحَبَّتِ دِله،

اِفِسُسیان 3:17

تا مَسیح، ایمونِ طریق، شِمه دلهائه دِله بَمونه، و مِحبَّتِ دِله بِنه دَوِندین، پابرجا بَووین،

اِفِسُسیان 3:7

مِن طِبقِ خِدائه فیضِ هَدیه، این اِنجیلِ خادم بَیمه که وه قِدرَتِ عملِ طَریق مِ ره هِدا بَییه.

اِفِسُسیان 4:12

تا مِقدَّسینِ خدمِتِ کارِ وِسه، آماده هاکانِن، مَسیحِ تَنِ بنائه وِسه،

اِفِسُسیان 4:15

بلکه حَییقَتِ بااوتِنِ هِمراه مِحَبَّتِ دِله، هر‌ لحاظِ جِم اونِ اِندا که سَرِ، یعنی مَسیح، رشد کامبی.

فیلیپیان 1:9

مِ دعا اینِ که شِمه مِحَبَّت ویشتر و ویشتر بَووه و معرفت و فَهمِ کاملِ هِمراه بوئه،

کولُسیان 2:19

این طی آدِم دییه سَرِ کَش وصل نییه؛ اون سَری که تِمومِ تَن وه هِمراه جان گِرنه و مفصل ها و بندهائه طریق وصل بونه و اون طی که خِدا خوانه رشد کانده.

کولُسیان 2:2

تا دلگرم بَووین، هَمون طی که مِحبَّتِ دِله هَمدییهِ هِمراه متحد هَسِنی، و اون اطمینانِ کامل و بی حدِّ حِساب پِر بوئِنِ که فَهمِ جِم به دَس اِنه سود بَوِرین و این راهِ جِم، خِدائه راز، یعنی مَسیحِ بِشناسین،

اوّل تِسالونیکیان 1:3

شِمه کار، که ایمونِ راهِ جِم هسه و زَحمِتی که مِحبَّتِ راهِ دِله کَشِنِنی و شِمه امیدِ پایداری که اَمه خِداوند عیسی مَسیحِ دِله ئه، خِدا و اَمه آسِمونی پییِرِ روب رو شه یاد یارمی.

اوّل تِسالونیکیان 2:13

اِما هم هَمِش خِدا ره اینِ خاطِری شِکر کامبی، که اون مووقه که خِدائه کِلامِ قبول هاکاردینی، اون کِلام که اَمه جِم بِشنُسینی، اونِ نا آدِمیِ کِلامِ واری، بلکه خِدائه کِلامِ واری قبول هاکاردینی، هَمون طی که حَییقَتاً هم هَسه؛ که شِما ایموندارونِ میون کار کانده.

اوّل تِسالونیکیان 3:12

و هَمون‌ طی که اَمه مِحَبَّت، شِما ره ویشتر بونه، خِداوند شِمه مِحَبَّتِ، هَمدییه ره و تِمومِ مَردِم وِسه زیاد و سَرمشت هاکانه.

دوّم تِسالونیکیان 1:3

اِی بِرارون، اِما هَمش وِنه خِدا ره شِمه خاطِری شِکر هاکانیم، و دِرِس هم اینِ، چوون شِمه ایمون این طی رشد کانده و هر کِدوم از شِمائه مِحَبَّت هَمدییه ره ویشتر بونه.

اول تیموتائوس 1:5

اَمه منظور این دستورِ جِم مِحبَّتِ، مِحبَّتی که پاکِ دِل، خوارِ وجدان و خالِصِ ایمونِ جِم اِنه.

اول پِطرُس 1:22

اِسا که حَییقَتِ اِطاعت هاکاردِن هِمراه، شه جانها ره پاک هاکاردینی تا بی‌ریائه بِرارونه مِحَبَّت دارین، هَمدییه ره خالص و پاکِ دِلِ هِمراه دوس دارین.

اوّل یوحنا 4:16

پَس اِما اون مِحبَّتیِ که خِدا اَمه وِسه دارنه ره بِشناسیمی و اونِ باوِر دارمی. خِدا مِحبَّتِ، و اونی که مِحبَّتِ دِله موندِنه، خدائه دِله موندِنه و خِدا وه دِله موندِنه.