اِفِسُسیان 3:16 - کتاب مقدس به زبان مازندرانی - گویش شرقی

¹⁶ که طبقِ شه جِلالِ دولتمندی، شِما ره هاده، تا خِدائه روحِ طریق، شه باطنِ دِله، قوی و قِد دار بَووین،

گیله ماز

¹⁶ و دُعا کانم که طبقِ خودِشِه جَلال دولتمندی شِمِرِه هَدِه، تا شیمی باطِنِ دِلهِ اونه روحِ کمک هَمرَه قَوی و رَسدار هَبین،

کتاب مقدس به زبان مازندرانی - گویش غربی

¹⁶ گه طبقِ شی جَلالی دولتمندی شِمارِ هادِه، تا خِدایی روحی طریق، شی باطِنی دِلِه قوی و قِدّار بَووئین،

اِفِسُسیان 3:16 Iomraidhean Croise

اِنجیلِ مَتّی 6:13

اِما ره آزمودِ دِله نیار بلکه اِما ره شیطانِ جِم رهایی هاده،

رومی ایشون 2:29

بلکه یهودی اونِ که باطنِ دِله یهودی بوئه و خَتنه هم کاری دلیه، که خِدائه روح اونِ اِنجام دِنه، نا یِتا نوشتهِ طَریقِ جِم. این طی کِسی ره خِدا تحسین کانده، نا آدِم.

رومی ایشون 7:22

چوون که مِن، شه باطِنِ دِله خِدائه شَریعتِ جِم کِیف کامبه،

رومی ایشون 9:23

تا شه گَتِ جِلالِ اون ظرفایی سَر که اونا ره رحم هاکارده، دیار هاکانه ظرفایی که اونا ره قبلتر جِلالِ وِسه آماده هاکارده؟

اوّلین نامِه قُرنتیانی سِه 16:13

هوشیار بوئین؛ ایمونِ دِله پایدار بَمونین؛ مَرد بوئین و قوی بَووین.

دوّمین نامه قرنتیانِ وَسین 12:9

ولی خِداوند مِ ره بااوته: «مِ فِیض تِ وِسه وَسّه، چوون مِ قِوَّت، ضعف هائه دِله کامل بونه.» پَس اینِ وِسه مِن قبل از این خِشالیِ هِمراه شه ضعف ها ره اِفتخار کامبه تا مَسیحِ قِوَّت مِ سَر بَمونه.

دوّمین نامه قرنتیانِ وَسین 4:16

پَس نا امید نَوومبی. هر چَن اَمه ظاهر دره از بین شونه، اَمه باطن هر ‌روز تازه‌تر بونه.

اِفِسُسیان 1:18

تا شِمه دِلِ چش رووشن بَووه، تا اون امیدی که خِدا شِما ره اونِ وِسه دَعوِت هاکارده، بِشناسین و خِدائه اون بی حدّ و حِساب و پِرجلالِ میراثِ، مِقدّسینِ دِله بِفَهمین،

اِفِسُسیان 1:7

اِما مَسیحِ دِله، وه خونِ طریق، آزادی دارمی، که این هَمون خَطاهائه بَخشِشِ، که اونِ، شه بی حدّ و حِسابِ فیضِ اِندا،

اِفِسُسیان 2:7

تا اون زمون هائه دِله که خوانه بِیّه، وه شه بی حدّ و حِسابِ فیضِ، شه مِهروونیِ طریق نسبت به اِما، مَسیحْ عیسیِ دِله، سِراغ هاده.

اِفِسُسیان 3:15

که هر خانِواده آسمونِ دِله و زِمینِ سَر، وه جِم اِسم گِرنه،

اِفِسُسیان 3:8

هر چَن که مِن تِمومِ مِقَدَّسینِ میون همهِ جِم کَمتَرینِمه، این فِیض مِ ره هِدا بَییه تا مَسیحِ بی حدّ و حِسابِ گَنج ها ره غیرِیَهودیونِ اِعلام هاکانِم،

اِفِسُسیان 6:10

سرآخِر، خِداوندِ دِله، و اون قِوَّتِ دِله، که وه قِدرَتِ جِم اِنه، قَوی بَووین.

فیلیپیان 4:13

اونِ طَریقِ جِم که مِ ره قِوَّت دِنه، هر کاری ره تومبه هاکانِم.

فیلیپیان 4:19

و مِ خِدا، تِمومِ شِمه احتیاجاتِ، طبقِ شه پِرجلالِ دولت، مَسیحْ عیسیِ دِله برطَرِف کانده.

کولُسیان 1:11

و تِمومِ قِوَّتِ هِمراه که وه پِرجلالِ قِدرَتِ جِم اِنه، قِوَّت بَیرین تا خِشالیِ هِمراه کاملاً صبر و تِحَمُّل دارین؛

کولُسیان 1:27

خِدا این طی بَخواسه که وِشونِ بِشناسونه که این راز، غیرِ یَهودیونِ میون چه گَتِ جلالیه، این راز اینِ که مَسیح شِمه میون، جِلالِ امیدِ.

کولُسیان 2:2

تا دلگرم بَووین، هَمون طی که مِحبَّتِ دِله هَمدییهِ هِمراه متحد هَسِنی، و اون اطمینانِ کامل و بی حدِّ حِساب پِر بوئِنِ که فَهمِ جِم به دَس اِنه سود بَوِرین و این راهِ جِم، خِدائه راز، یعنی مَسیحِ بِشناسین،

دوم تیموتائوس 4:17

ولی خِداوند مِ هِمراه بییه و مِ ره قِوَّت هِدا تا اون پِیغوم، مِ طَریقِ جِم کاملاً اِعلام بَووه و تِمومِ غیر یَهودیون اونِ بِشنُئِن. و این طی شیرِ دِهونِ جِم دَر بوردِمه.

نامِه مَسیحینی عبرانی نِژادی سِه 11:34

تَشِ اَلوکِ دَکوشتِنه و شَمشیرِ دَمِ جِم جان در بَوِردِنه؛ وِشونِ ضعف ها، قِوَّت بَییه، جَنگ دِله قِددار بَینه و اَجنبی هائه لشکریونِ تار و مار هاکاردِنه.

اول پِطرُس 3:4

بلکه بییِلین شِمه قشنگی شِمه اون درونی آدِم بوئه که شِمه دِلِ دِلِئه و نَونه اونِ چِشِ هِمراه بَدیئِن، و یِتا آرووم و ملایمِ روح هِمراه قشنگ بَییه، که این طی قَشِنگی خِدائه نَظِر خَله با ارزشِ.