اِفِسُسیان 3:12 - کتاب مقدس به زبان مازندرانی - گویش شرقی

¹² اِما مَسیحِ دِله و اون ایمونِ طریق که وه ره دارمی، تومبی جِرأت و اطمینانِ هِمراه خِدا ره نَزدیک بَوویم.

گیله ماز

¹² اَما مسیحِ دِلِه و اون ایمانی که اونه داریم هَمرَه، تانیم جُرأت و اطمینانِ هَمره خُدا رِه نَزیک هَبیم.

کتاب مقدس به زبان مازندرانی - گویش غربی

¹² اَما مسیحی دِلِه و هون ایمونی طریق گه وِرِه دارمی، بَتِمّی جِرأت و اطمینانی هَمرا خِدارِه نَزیک بَووئیم.

اِفِسُسیان 3:12 Iomraidhean Croise

اِنجیلِ یوحنا 14:6

عیسی وه ره بااوته: «مِن راه و راستی و زِندِگی هَسِمه؛ هیچ کی جِز مِ طَریقِ جِم، آسِمونی پییِرِ پَلی نِنّه.

رومی ایشون 3:22

این صالحی که خِدائه جِم هَسه، عیسیِ مَسیحِ ایمونِ راهِ جِم هَسه و همهِ کِسائه نَصیب بونه که ایمون یارنِنه. چوون هیچ فرقی نییِلنه.

رومی ایشون 5:2

اِما وه طَریقِ جِم، و ایمونِ راهِ جِم، این فیضی که اَلان وه دِله استواریمی ره به دَس بیاردیمی، و خِدائه جِلالِ امیدِ دِله خِشالی کامبی.

دوّمین نامه قرنتیانِ وَسین 3:4

اِما مَسیحِ طَریقِ جِم، خِدائه پَلی این طی اِطمینانِ دارمی.

اِفِسُسیان 2:18

چوون وه طریق، اِما دِتا، یِتا روحِ دِله، آسِمونی پییِرِ دَسرسی دارمی.

نامِه مَسیحینی عبرانی نِژادی سِه 10:35

پَس شه اطمینانِ جِم دَس نَکِشین، چوون یِتا گَتِ پاداش شه دِمبال دارنه.

نامِه مَسیحینی عبرانی نِژادی سِه 3:6

ولی مَسیح، یِتا ریکائه واری خِدائه سِره سَر وِفادارِ، و اِما وه سِره هَسیمی، اگه راس راسی شه اِطمینان و افتخارِ شه امیدِ دِله قایم داریم.

اول پِطرُس 3:18

چوون مَسیح هم اَت کَش گِناهونِ وِسه عِذاب بَکِشیه، یعنی اون صالح، اونایی وِسه که صالح نینه، تا اِما ره خِدائه پَلی بیاره. وه جِسمِ دِله بَکوشته بَییه، ولی روحِ دِله، زنده بَییه

اوّل یوحنا 2:28

اِسا، ای وَچون، وه دِله بَمونین تا مووقه ای که وه ظِهور هاکانه، مِطمَئِن بوئیم و وه بییَموئَنِ مووقه وه جِم شَرمِنده نَوویم.

اوّل یوحنا 3:21

ای عزیزون، اگه اَمه دِل، اِما ره مَحکوم نَکِنه، خِدائه حِضور مِطمئِنیمی