اِفِسُسیان 2:9 - کتاب مقدس به زبان مازندرانی - گویش شرقی

⁹ و این کارائه نتیجه نییه، تا هیچ‌کس شه ره اِفتخار نَکِنه.

گیله ماز

⁹ و این اَمی اَعمالِ جی نییِه، تا هیچکَس نَتَّنِه خودِش رِه فخر هَکونِه.

کتاب مقدس به زبان مازندرانی - گویش غربی

⁹ و هَین کارایی نتیجه نیِه، تا هیچکَس شِرِه افتخار نَکِنِه.

اِفِسُسیان 2:9 Iomraidhean Croise

رومی ایشون 11:6

ولی اگه فِیض راهِ جِم بوئه، دییه اَعمالِ وِسه نییه؛ والا فِیض دییه فِیض نییه. ولی اگه اَعمالِ راهِ جِم بوئه، دییه فیضِ وِسه نییه؛ والا عَمِل دییه عَمِل نییه.

رومی ایشون 3:20

چوون هیچ آدِمی دَنییه که شَریعتِ اَعمالِ به جا بیاردنِ هِمراه، خِدائه نَظِر صالح بَووه، بلکه شَریعَت، گِناهِ اِما ره سِراغ دِنه.

رومی ایشون 4:2

چوون اگه اِبراهیم شه اَعمالِ هِمراه صالح بِشمارِسه بونِسه، یه چی اِفتخارِ وِسه داشته؛ ولی نا خِدائه پَلی.

رومی ایشون 9:11

هر چَن قبل از اون که وِشون دِنیا بیِّن، و خوارِ کار یا بَدِ کار هاکانِن- اینِ وِسه که خِدائه هَدِف، شه انتخابِ دِله پابرجا بَمونه، نا اَعمالِ راهِ جِم، بلکه وه طَریقِ جِم که دَعوِت کانده

رومی ایشون 9:16

پَس، آدِمیِ خواسه یا وه تَقِلّا ره ربطی نِدارنه، بلکه خِدایی ره مربوطه که رَحم کانده.

دوم تیموتائوس 1:9

خِدایی که اِما ره نِجات هِدا و اِما ره مِقدَّسِ زندگیِ وِسه دَعوِت هاکارده. اینِ نا اَمه کارائه خاطِری، بلکه شه هدف و فیضِ وِسه، که مَسیحْ عیسیِ دِله از اَزل اِما ره هِدا،