اِفِسُسیان 1:1 - کتاب مقدس به زبان مازندرانی - گویش شرقی

¹ پولُسِ طَرِف جِم که خِدائه خواسِ هِمراه، مَسیحْ عیسیِ رَسولِ، مِقدَّسینی ره که اَفِسُسِ شَهرِ دِله دَرِنه، اونایی که مَسیحْ عیسیِ دِله وِفادارِنه:

گیله ماز

¹ پولُس طَرَفِ جی که خدایِ خواسِّ هَمرَه عیسی مسیحِ رَسولِ، مقدّسینِ وَسین که اَفِسُسِ شهرِ دِلِه دَرِن، اوشانیکه مسیحِ عیسی دِلِه وَفا دارِن:

کتاب مقدس به زبان مازندرانی - گویش غربی

¹ پولُسی طرفی جا گه خِدایی خواسی هَمرا مَسیحْ عیسایی رَسولِ، مِقدّسینی سِه گه اَفِسُسی شهری دِلِه دَرِنِه، اونانیگه مَسیحْ عیسایی دِلِه وَفادارِنِه:

اِفِسُسیان 1:1 Iomraidhean Croise

لوقا 16:10

«اونی که کَمِ دِله اَمین بوئه، زیادِ دِله هم اَمینِ، و اونی که کمِ دِله اَمین نَبوئه، زیادِ دِله هم اَمین نییه.

اعمال رَسولان 16:15

وَختی لیدیه شه خانِواده هِمراه غسلِ تَعمید بَییته، خَله اِصرار هاکارده و اِما ره بااوته: «اگه باوِر دارنِنی که خِداوندِ ایمون بیاردِمه، بِئین و مِ سِره دِله بَمونین.» سَرآخِر وه خواسهِ تَسلیم بَیمی.

اعمال رَسولان 18:19

وَختی اَفِسُسِ شَهر بَرِسینه، پولس شه هَمسَفِرونِ جِم سیوا بَییه و شه، عبادتگاه بُورده، یَهودیونِ هِمراه بَحث هاکارده.

اعمال رَسولان 18:21

و وِشونِ هِمراه خِداحافظی هاکارده، بااوته: «اگه خِدا بِخوائه اَی دِواره شِمه پَلی اِمبه.» بعد یِتا کَشتی سِوار بَییه و اَفِسُسِ جِم بورده.

اعمال رَسولان 9:13

ولی حَنانیا جِواب هِدا: «خِداوندا، خَیلیائه جِم، این مَردیِ خَوِری بِشنُسِمه که تِ مِقدَّسِ آدِمونِ اورشَلیمِ دِله آزار اَذیّت بَرِسِندیه.

رومی ایشون 1:1

پولُسِ طَرِف جِم، مَسیحْ عیسیِ نوکِر، که رسالتِ وِسه انتخاب بَییه و خِدائه اِنجیلِ وِسه وَقف بَییه؛

رومی ایشون 1:7

همهِ اونایی وِسه که رومِ شَهرِ دِله دَرِنه، که خِدا وِشونِ دوس دارنه و دَعوِت بَینه تا خِدائه مِقدَّسِ قوم بوئِن: فِیض و صِلح و سِلامتی اَمه پییِر، خِدا و خِداوندْ عیسیِ مَسیحِ طَرِفِ جِم، شِمه وِسه بِیّه.

رومی ایشون 8:1

پَس اِسا اونایی وِسه که مَسیحْ عیسی دِله دَرِنه، دییه هیچ مَحکومیتی دَنیه،

اوّلین نامِه قُرنتیانی سِه 4:12

شه دَسائه هِمراه کار کامبی و زَحمِت کَشِمبی. وَختی اِما ره نَفرین هاکانِن، وِشونِ وِسه دِعائه خیر کامبی؛ و وَختی آزار بَوینیم، تِحَمّل کامبی؛

اوّلین نامِه قُرنتیانی سِه 4:17

همینِ وِسه تیموتائوسِ که مِ عزیزِ وچه ئه و خِداوندِ دِله وِفادارِ ره شِمه پَلی بَفرِسیمه. تا مِ راه ها ره مَسیحْ عیسیِ دِله شِمه یاد بیاره، هَمون طی که اون راه ها ره تِمومِ کلیساهائه دِله، همه جا تَعلیم دِمبه.

دوّمین نامه قرنتیانِ وَسین 1:1

پولُسِ طَرِف جِم که خِدائه خواسِ هِمراه مَسیحِ عیسیِ رَسولِ، و اَمه بِرار تیموتائوس، خِدائه کلیسائه وِسه قُرِنتُسِ شَهرِ دِله، و اَخائیهِ مَنطقهِ سرتاسرِ تِمومِ مقدّسینِ وِسه:

غَلاطیان 1:1

پولُسِ طَرِف جِم، رَسولی که وه رِسالت نا آدِمونِ جِم و نا آدِمِ طریق، بلکه عیسی مَسیح و خِدائه پییِرِ جِم هَسه، که وه ره مِرده هائه جِم زنده هاکارده،

غَلاطیان 3:26

چوون مَسیحْ عیسیِ دِله، شِما همه، ایمونِ خاطِری، خِدائه ریکائونِنی.

غَلاطیان 3:28

دییه نا یَهودی مَعنی دارنه نا یونانی، نا نوکِر نا آزاد، نا مَردی نا زِنا، چوون شِما همه مَسیحْ عیسی دِله یِتا هَسینی.

غَلاطیان 3:9

پَس اونایی که ایمونِ تِکیه دارنِنه، ابراهیمِ هِمراه، اون مَردِ ایمون، بَرکَت گِرنِنه.

اِفِسُسیان 1:15

اینِ وِسه، هَمون طی که مِنِم شِمه ایمونِ تَعریفِ، عیسیِ خِداوندِ و شِمه مِحبَّتِ، تِمومِ مِقدَّسینِ بِشنُسِمه،

اِفِسُسیان 2:10

چوون اِما خِدائه دَسِ کاریمی، و مَسیحْ عیسیِ دِله خَلق بَیمی تا خوارِ کارا هاکانیم، اون کارایی که خِدا قبلتر آماده هاکارده تا اونائه دِله قَدِم بییِلیم.

اِفِسُسیان 2:13

ولی اِسا مَسیحْ عیسیِ دِله، شِما که یه وَختی دور بینی، مَسیحِ خونِ طَریق نزیک بَینی.

اِفِسُسیان 2:6

و خِدا اِما ره مَسیحِ هِمراه زنده هاکارده و آسِمونی جاهائه دِله مَسیحْ عیسیِ هِمراه هِنیشِندیه،

اِفِسُسیان 6:21

اینِ وِسه که مِ حالِ روزِ جِم خَوِردار بوئین و بَدونین چی کامبه، تیخیکوس، که عزیزِ بِرار و خِداوندِ دِله وِفادارِ خادِمِ، همه چی ره شِما ره گانه.

کولُسیان 1:2

مَسیحِ دِلهِ مِقدّسین و وِفادارِ بِرارون که کولُسیِ شَهرِ دِله دَرِنه: فِیض و صِلح و سِلامتی، اَمه پییِر خِدائه طَرِفِ جِم، شِمه وِسه بِیّه.

یوحنایِ مکاشفه 17:14

وِشون وَرهِ هِمراه جَنگ کاندِنه، ولی اون وَره وِشونِ سَر پیروز بونه، چوون وه، خِداوندِ خِداوندون و پادشاهِ پادشاهون هَسه - و اونایی که وه هِمراه دَرِنه وه دَعوِت بَییه ها، و انتخاب بَییه ها و وه وِفادارونِنه.»

یوحنایِ مکاشفه 2:10

اون عِذاب هائه جِم که خَله زود کَشِنی، نَتِرس. هارِش، اِبلیس خَله زود شِمه جِم بَعضیا ره زِندونِ دِله دِم دِنه تا آزمود بَووین و ده روز عِذاب بَکِشین. تا مَرگ وِفادار بَمون، که مِن زندگیِ تاجِ تِ ره دِمبه.

یوحنایِ مکاشفه 2:13

دومبه کِجه موندِنی، اونجه که شیطانِ پادشاهیِ تَختِ. با این وجود مِ اسمِ قایم بَچِسبِسی و حَتَّی اون روزائه دِله که آنتیپاس، مِ اون وِفادارِ شاهد که شِمه میون، اونجه که شیطان موندِنه، وه ره بَکوشتِنه، ایمونی که مِ ره داشتی ره اِنکار نَکاردی.