کولُسیان 2:23 - کتاب مقدس به زبان مازندرانی - گویش شرقی

²³ هر چَن وَختی که شه این بِساته دینِ جِم و تَنِ ریاضت و تَنِ سَخت بَییتِنِ جِم گَب زَندِنه، حکیمانه به نَظِر اِنه، ولی اونا از این که هِوا و هَوسِ دَمِ بَیرِن، هیچ کاری وِشونِ دَسِ بَر نِننه.

گیله ماز

²³ وَ هر چَن وختی که خودِشان این بَساتِ دینِ جی و تَنِ ریاضت و تَنِ سخت بِیتنِ جی گَب زَنِن، حکیمانِه به نظر هَنِه، ولی اوشان از اینکه هوا و هوسِ جلوه هَگیرَن هیچ کاری اوشانِ دَس بَر نییَنِه.

کتاب مقدس به زبان مازندرانی - گویش غربی

²³ و هر چَن وختی گه شی هَین بَساتِ دینی جا و تَنی ریاضت و تَنی سخت بَیتنی جا گَب زَنِنِه، حکیمانِه به نظر اِنِه، ولی اونان از هَینگه هوا و هوسی دَمِ بَیرن هیچ کاری وشونی دَس بَرنیِنِه.

کولُسیان 2:23 Iomraidhean Croise

رومی ایشون 13:14

پَس خِداوند عیسی مَسیحِ شخصیتِ یِتا لِواسِ واری دَپوشین، جِسمِ هِوا و هَوسِ وِسه تدارک نَوینین تا وه خواسه ها ره به جا بیارین.

اِفِسُسیان 5:29

چوون هیچ کی هیچ وَخت شه تَنِ جِم بیزار نییه، بلکه وه ره غِذا دِنه و وه جِم مِواظبت کانده، هَمون طی که مَسیح، کلیسائه جِم مواظبت کانده.

کولُسیان 2:18

نییِلین کِسی که شِما ره محروم هاکانه. این اصرارِ هِمراه که وِنه تَنِ خوار داشتِن و فرشته ها ره پَرَسِش هاکاردِن. این طی آدِم فِقَط شه رؤیاها ره تکیه کانده و بدونِ اینکه دلیلی داره شه بی خودی فکرهائه هِمراه مَغرور بونه.

کولُسیان 2:22

اینا همه اون چیایی خَوِریِ که استفاده هاکاردِنِ هِمراه از بین شونه، وآدمیِ دستورات و تعلیمِ سَر بِنا بَییه.

کولُسیان 2:8

هوشیار بوئین تا هیچ کس شِما ره فلسفه و بیخودی گول بَزوئِنِ هِمراه گرفتار نَکِنه، که نا مَسیحِ سَر، بلکه آدِمائه رَسم و رسومات و این دِنیائه اصولِ سَر پابرجائه.

اول تیموتائوس 4:3

وِشون، آروسی هاکاردِنِ مَنع کاندِنه و دَستور دِنِنه اون غِذاهایی ره نَخُرِن که خِدا خلق هاکارده تا اونایی که حَییقَتِ ایمون دارنِنه و اونِ اِشناسِنِنه، شِکر هاکاردِنِ هِمراه غِذا هائه جِم بَخُرِن.

اول تیموتائوس 4:8

چوون هر چَن تربیت هاکاردِن اَت کم تَنِ وِسه فایده‌ دارنه، ولی دینداری همه چیِ وِسه فایده دارنه، چوون هم این زندگی ره وَعده دِنه، هم زندگی ای که اِنه ره.