کولُسیان 2:16 - کتاب مقدس به زبان مازندرانی - گویش شرقی

¹⁶ پَس نییِلین هیچ کی شِما ره اونچیِ خَوِری که خارنِنی و نوشِنِنی، یا عید، تازه ماه و مِقدَّسِ شنبه روزِ خَوِری، قِضاوت هاکانه.

گیله ماز

¹⁶ پَس نُزارید هیچکی شِمِرِه اونچه یه باره که خارنین و نوشِنین، یا عیدها و تازه ماه و مُقدس شنبه یه روز خَبَری، قضاوت هَکونه.

کتاب مقدس به زبان مازندرانی - گویش غربی

¹⁶ پَس نِلین هیچکی شِمارِ اونچی ای خَوَری گه خارِنی و نوشِنِنی، یا عید و تازِه ماه و مِقدّسِ شنبه ای روزی خَوَری، قضاوت هاکِنِه.

کولُسیان 2:16 Iomraidhean Croise

اِنجیلِ مَتّی 15:11

اون چی که آدِمِ دِهونِ جِم جِر شونه وه ره نَجِس نَکانده بلکه اون چی آدِمِ دِهونِ جِم بیرون اِنه؛ اونِ که آدِمِ نَجِس کانده.

مَرقُس 7:19

چوون وه دلِ دِله نَشونه، بلکه وه اِشکِم دِله شونه و بعد دَفع بونه.» عیسی شه این گَبِ هِمراه، بااوته که تِمومِ غِذاها پاکِنه.

اعمال رَسولان 15:20

ولی وِنه یِتا نامهِ دِله وِشونِ جِم بِخوائم که بِت‌هائه قِروونی خِراک، زِنا، خفه بَییهِ حیوونونِ گوشت و خونِ جِم دوری هاکانِن.

رومی ایشون 14:10

پَس تِ چه شه بِرابرِ قِضاوِت کاندی؟ یا تِ چه شه بِرارِ کِچیک اِشمارِنی؟ چوون اِما همه خِدائه داوِریِ تَختِ پَلی اِیست کامبی.

غَلاطیان 4:10

روزا و ماهها و فصلها و سالها ره دارنِنی!

کولُسیان 2:20

اگه شِما مَسیحِ هِمراه نسبت به این دِنیائه اصول بَمِردِنی، چه کِسایی واری که اِنگاری هَمتی این دِنیا ره تعلق دارنِنه، اون قانونا ره عمل کاندینی، اون قانونایی که گانه:

نامِه مَسیحینی عبرانی نِژادی سِه 13:9

جورواجور و عَجیب غریب تَعلیم هائه هِمراه گمراه نَووین؛ چوون این خوارِ که آدِمیِ دِل، فیضِ هِمراه قِوَّت بَیره، نا اون خِراکهائه هِمراه که وِشونی که اونائه دِمبال شونِنه، وِشونِ وِسه منفعتی نِدارنه .

نامِه مَسیحینی عبرانی نِژادی سِه 9:10

بلکه اینا فِقَط خِراکی ها و نوشیدنی ها و جورواجورِ غِسل ها و قانونایی نه که تَنِ ربط دارنِنه و فِقَط تا مووقه ای اعتبار دارنِنه که خِدا تازه ترتیب هاده.

یعقوبِ نامه 4:11

ای برارون، هَمدییهِ بَدِ نارین. اونی که یِتا بِرارِ علیه بَد باره و یا شه بِرارِ داوِری هاکانه، شَریعتِ علیه بَد گانه و شَریعتِ داوِری کانده. ولی اگه تِ شَریعتِ داوِری کاندی، تِ شَریعَت داور بَئی نا اونی که وه ره به جا یارنه!