کولُسیان 2:14 - کتاب مقدس به زبان مازندرانی - گویش شرقی

¹⁴ و اون قرضهائه سندِ که قانونائه طریق اَمه علیه بَنوِشته بَییه ره باطل هاکارده و از بین بَوِرده و صلیبِ سَر میخکوب هاکارده.

گیله ماز

¹⁴ و اون قرضهایِ سَنَد رِه که قانونهایِ طریقِ جی اَمی عَلیِه بَنویشتِ هَبا رِه باطِل هَکُردِه و اَز بین بَبِردِه. و صلیبِ سَر میخکوب هَکُردِه.

کتاب مقدس به زبان مازندرانی - گویش غربی

¹⁴ و هون قرضهایی سَنَدِ گه قانونهایی طریقی جا اَمِه علِیه بَنوِشت بَوِه رِه باطِل هاکِردِه و از بِین بَوردِه. و صلیبی سَر مِخکوب هاکِردِه.

کولُسیان 2:14 Iomraidhean Croise

لوقا 1:6

هر دِتا خِدائه نَظِر دِله صالح بینه و تِمومِ خِداوندِ اَحکام و دستوراتِ بی‌عیب به جا یاردِنه.

اعمال رَسولان 3:19

پَس توبه هاکانین و خِدائه سَمت بَردَگِردین تا شِمه گِناهون پاک بَووه و خِداوندِ حِضور جِم شِمه وِسه وختایی بِیّه که شِما ره تازگی هاده،

کولُسیان 2:20

اگه شِما مَسیحِ هِمراه نسبت به این دِنیائه اصول بَمِردِنی، چه کِسایی واری که اِنگاری هَمتی این دِنیا ره تعلق دارنِنه، اون قانونا ره عمل کاندینی، اون قانونایی که گانه:

دوّم تِسالونیکیان 2:7

چوون این بی‌دینیِ راز همین اَلان هم دَره کار کانده، فِقَط تا مووقه ای که، اونی که تا اَلان وه دَمِ گِرنه، از بین بوره.

نامِه مَسیحینی عبرانی نِژادی سِه 7:18

چوون یَت وَر، اون اَوِّلین حِکم، اینِ وِسه که ضعیف و بی فایده بییه ره کِنار بییِشتِنه،

نامِه مَسیحینی عبرانی نِژادی سِه 8:13

خِدا یِتا ’جَدیدِ‘ عَهدِ گَب بَزوئِنِ هِمراه، اون اَوِّلین عَهدِ بی اِعتبار کانده؛ و اونچی که ارزشِ جِم کَفِنه، کهنه بونه و آمادِئه که از بین بوره.

اول پِطرُس 2:24

مَسیح شه اَمه گِناهونِ شه تَنِ دِله صلیبِ سَر دوش بَکِشیه، تا اِما گِناهونِ وِسه بَمیریم و صالحیِ وِسه زندگی هاکانیم، وه زخم هایِ هِمراه شِفا بَییتینی.