کولُسیان 1:4 - کتاب مقدس به زبان مازندرانی - گویش شرقی

⁴ چوون اِما شِمه ایمونِ خَوِری، مَسیحْ عیسیِ دِله و مِحبّتی که تِمومِ مِقدّسینِ دارنِنی ره بِشنُسیمی،

گیله ماز

⁴ چون اَما شیمی ایمان باره مسیحِ عیسی دِلِه و محبتی که تمامِ مُقَدَسینِ دارین رِه بِشنَوِسّیم.

کتاب مقدس به زبان مازندرانی - گویش غربی

⁴ چون اَما شِمِه ایمونی خَوَری مَسیحْ عیسایی دِلِه و مِحبتی گه دِشتِه مِقَدَّسینِ دارِنی رِه بِشنُسِمی،

کولُسیان 1:4 Iomraidhean Croise

دوّمین نامه قرنتیانِ وَسین 7:7

و نا فِقَط تیتوس بییَموئِنِ جِم، بلکه اون تَسِلّیِ که، تیتوس شِمه جِم بَییته بییه. تیتوس شِمه حسرتِ جِم، غُصّه و غیرتی که شِما مِ ره دارنِنی، مِ وِسه خَوِر بیارده، اون طی که مِن ویشتر خِشال بَیمه.

غَلاطیان 3:26

چوون مَسیحْ عیسیِ دِله، شِما همه، ایمونِ خاطِری، خِدائه ریکائونِنی.

غَلاطیان 3:28

دییه نا یَهودی مَعنی دارنه نا یونانی، نا نوکِر نا آزاد، نا مَردی نا زِنا، چوون شِما همه مَسیحْ عیسی دِله یِتا هَسینی.

غَلاطیان 5:6

چوون مَسیحْ عیسیِ دِله نا خَتنه بَیّن مهمِّ نا ختنه‌ نَیِّن، بلکه مهم ایمونیِ که مِحبَّتِ طَریقِ جِم کار کانده.

اِفِسُسیان 1:15

اینِ وِسه، هَمون طی که مِنِم شِمه ایمونِ تَعریفِ، عیسیِ خِداوندِ و شِمه مِحبَّتِ، تِمومِ مِقدَّسینِ بِشنُسِمه،

اِفِسُسیان 6:18

و هَمش، هر جور دِعا و خواهشِ هِمراه، خِدائه روحِ دِله دِعا هاکانین و هَمینِ وِسه بیدار و هوشیار بوئین و هَمش پایداریِ هِمراه تِمومِ مِقَدَّسینِ وِسه دِعا هاکانین.

کولُسیان 1:9

اینِ وِسه، اِما هم اون روزِ جِم که اینِ بِشنُسیمی، شِمه دِعا هاکاردِنِ جِم دَس نَکِشیمی، خِدائه جِم خوامبی که شِما، وه ارادهِ بِشناسییِنِ هِمراه، هر حِکمَت و روحانی فَهمِ دِله پِر بَووین؛

اوّل تِسالونیکیان 1:3

شِمه کار، که ایمونِ راهِ جِم هسه و زَحمِتی که مِحبَّتِ راهِ دِله کَشِنِنی و شِمه امیدِ پایداری که اَمه خِداوند عیسی مَسیحِ دِله ئه، خِدا و اَمه آسِمونی پییِرِ روب رو شه یاد یارمی.

اوّل تِسالونیکیان 3:6

ولی اِسا که تیموتائوس شِمه پَلیِ جِم اَمه پَلی بَردَگِردِسه و شِمه ایمون و مِحبَّتِ جِم، اَمه وِسه خوارِ خَوِر بیارده. و خَوِر هِدا که شِما هَمِش اَمه جِم خواریِ هِمراه یاد کاندینی و اَمه بَدیئِنِ وِسه ذوق دارنِنی، هَمون طی که اِما هم شِمه بَدیئِنِ وِسه ذوق دارمی.

دوّم تِسالونیکیان 1:3

اِی بِرارون، اِما هَمش وِنه خِدا ره شِمه خاطِری شِکر هاکانیم، و دِرِس هم اینِ، چوون شِمه ایمون این طی رشد کانده و هر کِدوم از شِمائه مِحَبَّت هَمدییه ره ویشتر بونه.

فیلیمون 1:5

چوون مِن تِ مِحَبَّت و ایمونِ خَوِری که خِداوندْ عیسی و تِمومِ مِقدَّسینِ دارنی ره اِشنُمبه،

نامِه مَسیحینی عبرانی نِژادی سِه 6:10

چوون خِدا بی‌انصاف نییه که شِمه کار و مِحبَّتیِ که وه اسمِ خاطِری، مِقدّسینِ خِدمِتِ دِله سِراغ هِدانی ره یاد هاکانه، هَمون طی که هَمتی هم دَره کاندینی.

اوّل یوحنا 3:14

اِما دومبی که مَرگِ جِم رَد بَیمی و زندگی ره بَرِسیمی، چوون بِرارونِ دوس دارمی. هر کی مِحَبَّت نَکِنه، مَرگِ دِله موندِنه.

اوّل یوحنا 3:23

و وه حِکم اینِ که وه ریکا عیسی مَسیحِ اسمِ ایمون بیاریم و هَمدییه ره مِحَبَّت هاکانیم، هَمون طی که اِما ره دَستور هِدا.

اوّل یوحنا 4:16

پَس اِما اون مِحبَّتیِ که خِدا اَمه وِسه دارنه ره بِشناسیمی و اونِ باوِر دارمی. خِدا مِحبَّتِ، و اونی که مِحبَّتِ دِله موندِنه، خدائه دِله موندِنه و خِدا وه دِله موندِنه.