کولُسیان 1:25 - کتاب مقدس به زبان مازندرانی - گویش شرقی

²⁵ که طبقِ نظارتِ خِدمِت که خِدا مِ ره بِسپارِسه، کلیسائه خادِم بَیمه، تا خِدائه کِلامِ، کامل شِما ره بِشناسونِم

گیله ماز

²⁵ من طبق مأمورییَتی که خُدا مَره بِسپارِسِّه، کلیسایِ خادم هَبام، تا خُدایِ کلامِ کامِل شِمِرِه بِشناسانَم،

کتاب مقدس به زبان مازندرانی - گویش غربی

²⁵ گه طبقِ نِظارتی خِدمت گه خِدا مِنِه بِسپارِسِه، کلیسایی خادم بَوِمِه، تا خِدایی کلامِ کامِل شِمارِ بِشناسانَم،

کولُسیان 1:25 Iomraidhean Croise

اوّلین نامِه قُرنتیانی سِه 3:5

مگه آپولُس کیِ؟ پولُس کیِ؟ وِشون فِقَط خادمونینه که خِدا هر کِدومِ یِتا وظیفه‌ هِدا تا وِشونِ طریق شِما ایمون بیارین.

اوّلین نامِه قُرنتیانی سِه 9:17

چوون اگه این کارِ شه میلِ هِمراه اِنجام دامه، پاداش گِتِمه؛ ولی اگه مِ میلِ هِمراه نَبوئه، فِقَط شه وظیفه ره اِنجام دِمبه.

اِفِسُسیان 3:2

و بی شک شِما این جَریانِ خَوِری بِشنُسینی که خِدائه فیضِ نِظارت شِمه خِدمِت وِسه مِ ره هِدا بَییه.

اِفِسُسیان 3:7

مِن طِبقِ خِدائه فیضِ هَدیه، این اِنجیلِ خادم بَیمه که وه قِدرَتِ عملِ طَریق مِ ره هِدا بَییه.

کولُسیان 1:23

اگه راس راسی شِما ایمونِ دِله، محکم و پابرجا بوئین و اون انجیلِ امیدِ جِم تِکون نَخُرین، هَمون انجیل که آسمونِ بِنِ تِمومِ خلقتِ وِسه اِعلام بَییه، و مِن، پولُس، اونِ نوکِر بَیمه.

اوّل تِسالونیکیان 3:2

اِما تیموتائوسِ که اَمه بِرار و خِدائه همکار، مَسیحِ انجیلِ کارِ دِله هَسه ره شِمه پَلی بَفرِسیمی تا شِما ره شِمه ایمونِ دِله تقویت و تَشویق هاکانه،

اول تیموتائوس 4:6

اگه این چیا ره بِرارونِ یاد هادی، مَسیحْ عیسیِ نوکِر بونی، که ایمونِ کِلامِ دِله و خوارِ تَعلیم که اونِ دِمبال دَری تَربیت بونی.