اعمال رَسولان 9:27 - کتاب مقدس به زبان مازندرانی - گویش شرقی

²⁷ ولی بَرنابا شائولِ بَییته و رَسولونِ پَلی بیارده، بااوته که چی طی دمشقِ راه دِله خِداوندِ بَدیئه و چی طی خِداوند وه هِمراه گَب بَزو و وه چی طی دمشقِ دِله شِجاعَتِ هِمراه، به اسم عیسی تَعلیم دائه.

گیله ماز

²⁷ وَلی بَرنابا، شائولِ بِیتِه و رَسولانِ وَر بیاردِه، باگوتِه که چِطور دَمِشقِ راهِ دِلِه خداوَندِ بَدییِه و چِطور خُداوَند اونِه هَمرهَ گَب بَزه و اون چِطور دَمشقِ دِلِه شجاعَتِ هَمرهَ به اِسمِ عیسی تعلیم هَدَه.

کتاب مقدس به زبان مازندرانی - گویش غربی

²⁷ ولی بَرنابا، شائولِ بَیتِه و رَسولِنی وَر بیاردِه، بُتِه گه چِتی دَمِشقی راهی دِلِه خِداوَندِ بَئیه و چِتی خِداوَند وی هَمرا گَب بَزو و وی چِتی دَمشقی دِلِه شِجاعَتی هَمرا به اِسمِ عیسی تعلیم داوِه.

اعمال رَسولان 9:27 Iomraidhean Croise

اعمال رَسولان 11:22

وَختی این خَوِر اورشَلیمِ کلیسا بَرِسیه، برنابا ره اَنطاکیه بَفرِسینه.

اعمال رَسولان 11:25

پَس بَرنابا تارسوسِ شَهر بُورده تا شائولِ پی دا هاکانه.

اعمال رَسولان 12:25

وَختی بَرنابا و شائول شه مأموریتِ تِموم هاکاردِنه، اورشَلیمِ جِم بَردَگِردِسِنه و یوحنائه مَعروف به مَرقُسِ هَم شه هِمراه بیاردِنه.

اعمال رَسولان 13:2

مووقه ای که وِشون روزه بینه و دَینه خِداوندِ پرسِش کاردِنه، روح القدُس بااوته: «بَرنابا و شائولِ کاریِ که مِن وِشونِ اونِ وِسه دَعوت هاکاردِمه، سیوا هاکانین.»

اعمال رَسولان 15:2

پَس وَختی پولُس و برنابا خَله وِشونِ هِمراه مِخالِفت و بَحث هاکاردِنه، این طی قِرار بییِشتِنه که اون دِ تا، چَن نَفِرِ دییهِ هِمراه که وِشونِ جِم بینه اورشَلیم بورِن و این قضیه ره رَسولون و مشایخِ هِمراه در میون بییِلِّن.

اعمال رَسولان 4:13

وَختی وِشون پِطرُس و یوحنائه جِرأتِ بَدینه و بِفَهمِسِنه که وِشون بی سِواد و عادی هَسِنه، تَعجِب هاکاردِنه و بِفَهمِسِنه عیسیِ هِمراه دَینه.

اعمال رَسولان 4:29

اِسا، ای خِداوند، وِشونِ تهدیدها ره هارِش و خادِمونِ لِطف هاکان تا تِمومِ شه جِرأتِ هِمراه تِ کِلامِ بارِن،

اعمال رَسولان 4:36

یوسِف هم که لاویِ قَبیلهِ جِم و قپرسی بییه و رَسولون وه ره برنابا یعنی ’تشویقِ ریکا‘ لَقب هِدا بینه،

اعمال رَسولان 9:17

پَس حَنانیا راه دَکِته و اون سِره دِله بُورده. شه دَسا ره سولُسِ سَر بییِشته، بااوته: «شائول بِرار، خِداوند عیسی که وَختی اینجه اییَموئی راه دِله تِ وِسه ظاهر بَییه، مِ ره بَفرِسیه تا شه بینایی ره دِواره به دَس بیاری و روح‌ القدسِ جِم پِر بَووی.»

اعمال رَسولان 9:29

وه یَهودیونِ یونانی‌زِوونِ هِمراه گَب زوئه و بَحث کارده، ولی وِشونِ نیّت این بییه که وه ره بَکوشِن.

اوّلین نامِه قُرنتیانی سِه 15:8

و سَر آخِر مِ وِسه هم، چِلیکِ وَچه ای واری که نارَس دِنیا بییَمو بوئه، ظاهر بَییه.

اوّلین نامِه قُرنتیانی سِه 9:6

فِقَط مِن و برنابا هَسیمی که وِنه شه زندگیِ وِسه کار هاکانیم؟

غَلاطیان 2:13

دییه یَهودیون هم این دِروییِ دِله، وه هِمراه هَمدَس بَینه، جوری که حَتّی بَرنابا هم وِشونِ دِرویی خاطِری از راه به دَر بَییه.

غَلاطیان 2:9

وَختی که یَعقوب و کیفا و یوحنا که به نظر اییَمو کلیسائه سِتون بینه، اون فیضی که مِ نَصیب بَییه بییه ره بَدینه، مِن و بَرنابائه هِمراه دَس رفاقت هِدانه تا اِما غیریَهودیونِ پَلی بوریم و وِشون یَهودیون پَلی بورِن.