اعمال رَسولان 9:24 - کتاب مقدس به زبان مازندرانی - گویش شرقی

²⁴ ولی شائول وِشونِ نَخشهِ جِم خَوِردار بَییه. وِشون، شو و روز شَهرِ دروازههائه پَلی کشیک کَشینه تا وه ره بَکوشِن.

گیله ماز

²⁴ وَلی شائول اوِشانِ دَسیسه یه جی خَبَردار هَبا. اوشان شُو و روز شَهرِ دَروازِه یه وَر کِشیک کَشِنِه بان تا اونِه بَکوشَن.

کتاب مقدس به زبان مازندرانی - گویش غربی

²⁴ ولی شائول وِشونی دَسیسه ای جا خَوَردار بَوِه. وِشون شُو و روز شَهری دَروازِه ای وَر کِشیک کَشینِه تا وِرِه بَکوشِن.

اعمال رَسولان 9:24 Iomraidhean Croise

اعمال رَسولان 20:19

چی طی تِمومِ فروتنی و اَسریِ هِمراه خِداوندِ خِدمِت کاردمه، سختیهایی که یَهودیونِ نخشهِ پِشتی مِ سَر بییَمو ره تِحَمُّل هاکاردِمه.

اعمال رَسولان 20:3

پولُس سه ماه، اونجه بَمونِسه. مووقه ای که قَصد داشته کَشتیِ هِمراه سوریه بُوره، یَهودیون وه علیه نَخشه بَکِشینه. پَس تَصمیم بَییته مقدونیهِ راهِ جِم بَردَگِرده.

اعمال رَسولان 23:30

بَعد وَختی خَوِردار بَیمه وه علیه نَخشه بَکِشینه، دَرجا وه ره شِمه پَلی بَفرِسیمه. وه شاکیونِ هم دَستور هِدامه تا شکایتیِ که وه جِم دارنِنه ره شِمه پَلی بیارِن.»

اعمال رَسولان 25:11

اِسا اگه خَطایی هاکاردِمه یا کاری مِ جِم سَر بَزو که مَرگِ مِستحق بوئه، بَمِردِنِ جِم تَرسی نِدارمه. ولی اگه اتهامایی که اینا مِ ره زَندِنه، بی خودیه، هیچ کَس نَتونده مِ ره وِشونِ دَس تَسلیم هاکانه. مِ خوامبه قضیه، اِمپراطورِ محکمه دِله رسیدگی بَووه.»

اعمال رَسولان 25:3

وِشون اِصرارِ هِمراه فِستوسِ جِم بَخواسِنه وِشونِ سَر مِنّت بییِلّه و پولُسِ اورشَلیم بَفرِسه، چوون کمین نیشته بینه تا راه دِله وه ره بَکوشِن.

اعمال رَسولان 9:25

ولی شائولِ شاگِردون، وه ره شَبونه یِتا زمبیلِ دِله بییِشتِنه و شَهرِ دیفار شِکافِ جِم وه ره جِر بَفرِسینه.

دوّمین نامه قرنتیانِ وَسین 11:32

دمشق شَهرِ دِله، اون حاکم که حارِثِ پادشاه تعیین هاکارده، نِگهوونونی ره دَمِشقِ شَهرِ دِله بییِشته تا مِ ره بَیرِن.