اعمال رَسولان 9:21 - کتاب مقدس به زبان مازندرانی - گویش شرقی

²¹ هر کی وه پِیغومِ اِشنُسه مات و مبهوت بونِسه و گاته: «مگه این هَمون نییه که اورشَلیمِ دِله اونایی میون که عیسیِ اسمِ شه زِوون یاردنه، آشوب کارده. مگه اینِ وِسه اینجه نییَمو تا وِشونِ دَستگیر هاکانه و گَت گَتِ کاهنونِ پَلی بَوِره؟»

گیله ماز

²¹ هر کی اونِه پِیغامِ اِشنَوِسّه مات و مَبهوت بونِه با و گونِه با: «مَگِه این هَمون نیِه که اورشلیمِ دِلِه اوشانِ میَن که عیسی یه اِسمِ خودِشانِه زَبان هارنِه بان آشوب کانِه با. مَگِه اینه وَسین ایجه نوماَ تا اوشانِه دَسگیر هَکونِه و گَتِه کاهِنانِ وَر بَبِرِه؟»

کتاب مقدس به زبان مازندرانی - گویش غربی

²¹ هر کی وی پِیغِمِ اِشنُسِه مات و مَبهوت وونِسِه و گِتِه: «مَگِه هَین هَمونی نیِه گه اورشلیمی دِلِه اونانی میِن گه عیسایی اِسمِ شی زِوون اُردِنِه آشوب کِردِه. مَگِه هَینِسه هَیجِه نیمو تا وِشونِه هَماسِه و گَت گَتِه کاهِنِنی وَر بَوِرِه؟»

اعمال رَسولان 9:21 Iomraidhean Croise

اعمال رَسولان 2:12

پَس همه حیرون و سَرگردون هَمدییه ره گاتِنه: «این اتّفاقِ مَعنی چیه؟»

اعمال رَسولان 2:6

وَختی این صِدا بِلِند بَییه، جَمیِّت جَمع بَینه. وِشون بِهت بَزو بینه، چوون وِشونِ جِم هر کِدوم اِشنُسنه که اونا، وِشونِ زِوون گَب زَندِنه.

اعمال رَسولان 3:10

و بِفَهمِسِنه که وه همونیِ که قبلِاً صَدِقه بَییتِنِ وِسه ’قَشنگِ دروازهِ‘ پَلی نیشته؛ پَس، اونچیِ جِم وه وِسه اِتّفاق دَکِته بییه، خَله تَعجِّب هاکاردِنه.

اعمال رَسولان 4:13

وَختی وِشون پِطرُس و یوحنائه جِرأتِ بَدینه و بِفَهمِسِنه که وِشون بی سِواد و عادی هَسِنه، تَعجِب هاکاردِنه و بِفَهمِسِنه عیسیِ هِمراه دَینه.

اعمال رَسولان 7:59

وَختی استیفانِ سَنگسار کاردِنه، وه بِلِندِ صِدائه هِمراه بااوته: «ای عیسیِ خِداوند، مِ روحِ قبول هاکان!»

اعمال رَسولان 8:3

ولی سولُس تِمومِ شه غیظِ هِمراه کلیسا ره حمله کارده و سِره سِره گِردِسه، زَن ها و مَردا ره بیرون کَشییه و زِندونِ دِله دِم دائه.

اعمال رَسولان 9:22

ولی شائول روز به روز ویشتر قِوَّت گِته و دَمشقِ یَهودیونِ وِسه دلیلِ هِمراه ثابت کارده که عیسی، هَمون مَسیحِ موعود هَسه.

دوّم تِسالونیکیان 1:10

هَمون طی که وه، اون روزی دِله که اِنه، شه ایموندارونِ دِله جِلال گِرنه و تِمومِ اونایی که وه ره ایمون بیاردِنه، بِهت کاندِنه. و شِما هم وِشونِ هِمرانی، چوون اَمه شِهادتِ ایمون بیاردینی.

اوّل یوحنا 3:1

هارِشین پییِر چَنده اِما ره مِحَبَّت هاکارده تا خِدائه وَچون بااوته بَوویم! و همین طی هم هَسیمی! اینِ وِسه ئه که دِنیا اِما ره نِشناسِنه، چوون که وه ره نِشناسیه.