اعمال رَسولان 9:2 - کتاب مقدس به زبان مازندرانی - گویش شرقی

² و وه جِم دَمشقِ عبادتگاه هائه وِسه نامه بَخواسه تا اونایی ره که عیسیِ دِمبالِرو هَسِنه و وِشونِ اَهل طریقت گاتِنه ره چه زِنا و چه مَردی، دَسگیر هاکانه و اورشَلیم بیاره.

گیله ماز

² و اونه جی دَمِشقِ عِبادتگاهانِ وَسین نامِه بِخَسِّه تا اوشانیکه عیسی یه دُمّالرُو هَیسَن و اوشانِه اَهل طریقت گونه بان، چه زِنا و چه مَردای رِه، دَسگیر هَکونِه وبه اورشلیمِ بیارِه.

کتاب مقدس به زبان مازندرانی - گویش غربی

² و ویجا دَمِشقی عِبادتگاهایی سِه نامِه بَخوایسِه تا اونانیگه عیسایی دِمالرُو هَسِّنِه و وِشونِه اَهل طریقت گِتِنِه، چی زَنا و چی مَردی رِه، هَماسِه و اورشلیمی سِه بیارِه.

اعمال رَسولان 9:2 Iomraidhean Croise

اِنجیلِ مَتّی 10:17

شِمه حِواس، مَردِمِ بوئه، چوون وِشون شِما ره مَحکَمِه تَحویل دِنِنه و شِما ره شه عِبادَتگاهِ دِله فَلِک وَندِنه و شِلاق زَندِنه

اِنجیلِ یوحنا 14:6

عیسی وه ره بااوته: «مِن راه و راستی و زِندِگی هَسِمه؛ هیچ کی جِز مِ طَریقِ جِم، آسِمونی پییِرِ پَلی نِنّه.

اعمال رَسولان 18:25

خِداوندِ راهِ دِله، آموزش بَییته بییه و روحِ حِرارتِ هِمراه گَب زوئه و ‌دِرِسیِ هِمراه عیسیِ خَوِری تَعلیم دائه، هر چَن فِقَط یحییِ تعمیدِ جِم خَوِر داشته.

اعمال رَسولان 19:23

هَمون مووقه، اَهل ’طریقتِ‘ علیه یِتا گَتِ بَلوا بِلِند بَییه.

اعمال رَسولان 19:9

ولی بعضیا سَرسختی کاردِنه و ایمون نیاردِنه و همهِ چِشِ پَلی اَهلِ، ’طریقتِ‘ بَد گاتِنه. پَس پولُس شه شاگردونِ بَییته و وِشونِ جِم دور بَییه، و تِمومِ روز، تیرانوسِ مدرسهِ دِله بحث کارده و گَب زوئه.

اعمال رَسولان 24:14

ولی شِمه پَلی اِعتراف کامبه که طبقِ طَریقت که وِشون وه ره یِتا فِرقه دوندِنه، شه پییِرونِ خِدا ره پَرَسِش کامبه و هر اونچی هم که تورات و پیغمبِرونِ نوِشتهِ دِله بَنوِشته بَییه ره اعتقاد دارمه.

اعمال رَسولان 24:22

اون وَخت فِلیکْس که طَریقتِ خَله خوار اِشناسیه، محاکمه ره یه وَختِ دییهِ وِسه بییِشته و بااوته: «وَختی فَرمونده لیسیاس بِیّه، اون مووقه شِمه شکایتِ وِسه تَصمیم گِرمه.»

اعمال رَسولان 26:10

و این هَمون کاری بییه که اورشَلیم دِله هاکاردِمه. مِن گَت گَتِ کاهِنونِ جِم مجوز گِتِمه و مِقدّسونِ زیادی ره زندونی کاردِمه، و وَختی مَرگِ مَحکوم بونِسِنه، وِشونِ علیه رأی دامه.

اعمال رَسولان 26:12

«یِتا از این سَفِرهائه دِله، اون حِکم و اِختیارِ کاملِ هِمراه که گَت گَتِ کاهِنونِ جِم بَییتِمه، دمشقِ شَهر راهی بَیمه.

اعمال رَسولان 6:9

اون مووقه چَن نَفِر، یِتا عبادتگاه جِم، که اونِ اسم «آزاد بَییه هائه عبادتگاه» بییه، که قیرَوانِ یَهودیونِ جِم و اسکندریه و کیلیکیه و آسیائه مَنطقهِ جِم هم بینه، استیفانِ هِمراه بَحث هاکاردِنه.

اعمال رَسولان 7:19

اون پادشاه اَمه قومِ هِمراه حیلهِ هِمراه رِفتار هاکارده و اَمه پییِرونِ خَله ظِلم هاکارده و وِشونِ مَجبور هاکارده که شه چِلیکِ وَچونِ بیرون وِل هاکانِن تا زنده نَمونِن.

اعمال رَسولان 9:14

و اینجه هم، گَت گَتِ کاهنونِ جِم این اِختیارِ دارنه تا هر کی که تِ اسمِ ایمون دارنه ره دَسگیر هاکانه.»

اعمال رَسولان 9:21

هر کی وه پِیغومِ اِشنُسه مات و مبهوت بونِسه و گاته: «مگه این هَمون نییه که اورشَلیمِ دِله اونایی میون که عیسیِ اسمِ شه زِوون یاردنه، آشوب کارده. مگه اینِ وِسه اینجه نییَمو تا وِشونِ دَستگیر هاکانه و گَت گَتِ کاهنونِ پَلی بَوِره؟»

دوّمین نامه قرنتیانِ وَسین 11:32

دمشق شَهرِ دِله، اون حاکم که حارِثِ پادشاه تعیین هاکارده، نِگهوونونی ره دَمِشقِ شَهرِ دِله بییِشته تا مِ ره بَیرِن.

غَلاطیان 1:17

و اورشَلیمِ دِله هم اونایی که قبلتر از مِن رسول بینهِ پَلی هم نَشیمه؛ بلکه عَربستان بوردِمه و اَی هم دمشق بَردَگِردِسِمه.