اعمال رَسولان 9:19 - کتاب مقدس به زبان مازندرانی - گویش شرقی

¹⁹ غِذا بَخُرده و اَی شه قِوِّتِ به دَس بیارده. شائول چَن روز شاگردونِ هِمراه دَمشقِ دِله دَییه.

گیله ماز

¹⁹ غذا بُخاردِ و باز هَم خودِشِه قوَّت بِدَس بیاردِه. شائول چَن روز شاگِردانِ هَمرهَ دَمشقِ دِلِه دَبا.

کتاب مقدس به زبان مازندرانی - گویش غربی

¹⁹ غذا بَخاردِه و اَی هَم شی قِوَّت بِدَس بیاردِه. شائول چَن روز شاگِردِنی هَمرا دَمشقی دِلِه دَوِه.

اعمال رَسولان 9:19 Iomraidhean Croise

اعمال رَسولان 11:26

و وَختی وه ره پی دا هاکارده، وه ره اَنطاکیه بیارده. وِشون اونجه یَک سالِ تِموم، کلیسائه آدِمونِ هِمراه جَمع بونِسِنه و یِتا گَتِ جَمیَّتِ تَعلیم دانه. اَنطاکیهِ دِله بییه که اَوِّلین کَش عیسیِ شاگِردونِ «مَسیحی» بااوتِنه.

اعمال رَسولان 11:29

پَس شاگِردون تَصمیم بَییتِنه هر کِدوم، شه تِوانِ اِندا، یَهودیهِ بِرارونِ وِسه کُمِک بَفرِسِن.

اعمال رَسولان 26:20

بلکه اَوِّل دَمشقیونِ میون، بعد اورشَلیم و تِمومِ یَهودیهِ مَنطقه دِله، و غیرِیهودیونِ میون هم، این پِیغومِ اِعلام هاکاردِمه که وِنه توبه هاکانِن و خِدائه سَمت بَردَگِردِن و شه عَملِ هِمراه نِشون هادِن که واقعاً توبه هاکاردِنه.

اعمال رَسولان 9:18

هَمون مووقه یه چی پولَکِ واری شائولِ چِشائه جِم جِر دَکَته و اَی بَتونِسه بَوینه. بعد بِلِند بَییه و غُسلِ تَعمید بَییته.

اعمال رَسولان 9:26

وَختی شائول اورشَلیم بَرِسیه، خواسه شاگردونِ مِلحق بَووه، ولی همه وه جِم تَرسینه، چوون باوِر نَکاردِنه وه واقعاً عیسیِ شاگرد بَییه بوئه .

اعمال رَسولان 9:38

چوون لُدَّه، یافائه نَزیکی بییه، وَختی شاگِردون بِفَهمِسِنه پِطرُس لُدَّه دِله دَره، دِ نَفِرِ وه پَلی بَفرِسینه و بااوتِنه: خواهش کامبی «دَرجا اَمه پَلی بِرو.»

غَلاطیان 1:17

و اورشَلیمِ دِله هم اونایی که قبلتر از مِن رسول بینهِ پَلی هم نَشیمه؛ بلکه عَربستان بوردِمه و اَی هم دمشق بَردَگِردِسِمه.