اعمال رَسولان 8:40 - کتاب مقدس به زبان مازندرانی - گویش شرقی

⁴⁰ ولی فیلیپُس شه ره اَشدودِ مَنطقهِ دِله پی دا هاکارده. وه تِمومِ اون مَنطقهِ شهرهائه دِله گِردِسه و انجیل خَوِرِ خِشِ دائه، تا قیصریهِ شَهر بَرِسیه.

گیله ماز

⁴⁰ وَلی فیلیپُس خودِشه اَشدودِ منطقه یه دِلِه پیداهَکوردِه. اون تمام اون منطقه یه شَهرایِ دِلِه گَردِنِه با و اِنجیلِ خَبَرِ خوشِ دَنِه با، تا به قیصریه شَهر بَرِسییَه.

کتاب مقدس به زبان مازندرانی - گویش غربی

⁴⁰ ولی فیلیپُس شِرِه اَشدودی مَنطقِه ای دِلِه بَنگیتِه. وی دِشتِه هون مَنطقِه ای شَهرایی دِلِه گِرِسِه و اِنجیلی خَوَرِخِشِ داوِه، تا قیصریه ای شَهری سِه بَرِسیِه.

اعمال رَسولان 8:40 Iomraidhean Croise

اعمال رَسولان 10:1

قیصریهِ شَهرِ دِله یِتا رومی اَفسر که وه اسم کُرنِلیوس بییه، زندگی کارده وه رومِ گُردان فَرمونده، معروف به «ایتالیایی گُردان» بییه.

اعمال رَسولان 10:24

فِردا، قیصریهِ شَهر بَرِسینه. کُرنِلیوس شه فامیلون و نزیکِ رَفِقونِ جَمع ‌هاکارده بییه و وِشونِ چِش به راه بییه تا بِیِّن.

اعمال رَسولان 11:11

«هَمون مووقه، سه نَفِر که قیصریهِ شَهرِ جِم مِ پَلی بَفرِسی بَییه بینه، اون سرهِ دِله که دَیمه بَرِسینه.

اعمال رَسولان 12:19

هیرودیس دَستور هِدا همه جا، پِطرُسِ دِمبال بَگِردِن؛ و وَختی وه ره پی دا نکاردِنه سربازونِ جِم بازجویی هاکارده و وِشونِ بَکوشتِنِ حکمِ هِدا. بعد پِطرُس یَهودیهِ جِم قیصریهِ شَهر بُورده و چَن وَخت اونجه بَمونِسه.

اعمال رَسولان 18:22

وَختی قیصریه دِله کَشتیِ جِم جِر بییَمو، بورده و کلیسائه مَردِمِ مِلاقات هاکارده بعد اَنطاکیهِ سَمت راه دَکِته.

اعمال رَسولان 21:16

شاگردونِ جِم بَعضیا که قیصریه زندگی کاردِنه هم اَمه هِمراه بییَمونه و اِما ره مِناسونِ سِره بَوِردِنه تا وه مِهمون بوئیم. مِناسون، اَهلِ قبرس و یِتا از قدیمی شاگِردون بییه.

اعمال رَسولان 21:8

فِردائه اون روز، اونجه جِم بوردیمی و قیصریهِ شَهر بییَمومی. مُبَشر فیلیپُس سِره بوردیمی که یِتا از اون هَفت نَفِری بییه که خِدمِتِ وِسه انتخاب بَییه بییه و وه پَلی بَمونِسیمی.

اعمال رَسولان 23:23

پَس فَرمونده دِ نَفِر شه اَفسرونِ شه پَلی صدا هاکاردو وِشونِ بااوته: «دویست تا پیاده سرباز، هِفتاد تا سِواره سرباز و دویست تا نیزه‌دار آماده هاکانین تا اِمشو ساعت نه قیصریه بورِن.

اعمال رَسولان 23:33

وَختی سِواره‌ سَربازون قیصریهِ شَهر بَرِسینه، اون نامه ره فرموندارِ تَحویل هِدانه و پولُسِ هم وه پَلی بیاردِنه.

اعمال رَسولان 25:1

فِستوس سه روز بعد از اینکه شه محلِ فرمونداری بییَمو، قیصریهِ جِم اورشَلیم بُورده.

اعمال رَسولان 25:13

بعد از این که چَن روز بُگذِشته، آگْریپاسِ پادشاه و بِرنیکی، فِستوسِ خِش آمِدگوییِ وِسه، قیصریهِ شَهر بییَمونه.

اعمال رَسولان 25:4

ولی فِستوس وِشونِ جِواب بااوته: «پولُس قیصریهِ شَهر، زِندونِ دِله دَره و مِن شه قَصد دارمه به زودی اونجه بُورِم.

اعمال رَسولان 25:6

فِستوس بعد از هشت دَه روز که وِشونِ هِمراه دَییه، قیصریه بَردَگِردِسه، فِردائه اون روز، مَحکمه ره تشکیل هِدا و دَستور هِدا پولُسِ بیارِن.

اعمال رَسولان 8:25

پِطرُس و یوحنا بعد از اینکه شِهادِت هِدانه و خِداوندِ کِلامِ اِعلام هاکاردِنه، اورشَلیم بَردَگِردِسِنه و سامرهِ خَله روستاهائه دِله، اِنجیل خَوِرِ خِشِ هِدانه.

اعمال رَسولان 9:30

وَختی بِرارون این جَریانِ جِم خَوِردار بَینه، شائولِ قیصریه شَهر بَوِردِنه و اونجه جِم، تارسوسِ شَهر، راهی هاکاردِنه.

رومی ایشون 15:19

وه اینِ نشونه ها و معجِزاتِ قِوَّتِ هِمراه، یعنی خِدائه روحِ قِوَّتِ هِمراه اِنجام هِدا، اون طی که اورشَلیمِ جِم تا «ایلیریکوم» بوردِمه و کاملاً مَسیحِ اِنجیلِ خِدمتِ اِنجام هِدامه.