اعمال رَسولان 8:27 - کتاب مقدس به زبان مازندرانی - گویش شرقی

²⁷ پَس فیلیپُس بِلِند بَییه و راه دَکِته، اونجه یِتا خواجه‌ مَردی دَییه که حَبشهِ جِم بییه. وه یِتا از حَبشهِ مَلکهِ درباریون بییه که وه اسم «کَنداکِه» بییه و مَلکهِ خَزونه‌داری وه دَس دَییه. وه اورشَلیم بییَمو بییه تا خِدا ره پَرسش هاکانه.

گیله ماز

²⁷ پس فیلیپُس وَرِسَه و را دَکِتِه. اوجِه ایتا خواجِه مَردای دَبا که حَبَشه یه جی با. اون حَبَشه یه مَلکِه یه دَرباریان جی با که اونِه اِسم کَنداکِه با، وَ مَلکِه یه خزانِه داری اونِه دَس دَبا. اون به اورشلیمِ بوما با تا خدا رِه پَرَسِش هَکونِه.

کتاب مقدس به زبان مازندرانی - گویش غربی

²⁷ پس فیلیپُس پِرِسا و راه دَکِتِه. اوجِه یَتِه خواجِه مَردی دَوِه گه حَبَشه ای جا وِه. وی یَتِه از حَبَشه ای مَلکِه ای دَربارین وِه گه وی اِسم کَنداکِه وِه، و مَلکِه ای خزونِه داری وی دَس دَوِه. وی اورشلیمی سِه بیمو وِه تا خِدارِه پَرَسِش هاکِنِه.

اعمال رَسولان 8:27 Iomraidhean Croise

اِنجیلِ مَتّی 12:42

جِنوبِ مَلَکِه، داوِریِ روز بِلِند بونه و این نَسلِ مَردِمِ مَحکوم کانده، چوون که وه دِنیائه اون ورِ جِم بییَمو تا سِلِیمونِ پادشاهِ حِکمَتِ بِشنُئه و اونی كه اینجه دَره، سِلِیمونِ جِم گَت تِرِ.

اِنجیلِ یوحنا 12:20

اونائه دِله که عیدِ عبادتِ وِسه، اورشَلیم بییَمو بینه، بَعضی یونانی بینه.

اعمال رَسولان 8:28

اَلان دَییه گِردِسه و شه اَرابهِ دِله نیشته بییه و اِشعیائه پِیغَمبِرِ کتابِ خوندِسه.

نامِه مَسیحینی عبرانی نِژادی سِه 11:8

ایمونِ هِمراه بییه که اِبراهیم اون مووقه که دَعوِت بَییه، اِطاعت هاکارده و راهی بَییه اون جایی بورده که بعد وه اِرث بونِسه؛ و بدون اینکه بَدونه کِجه شونه، راهی بَییه.