اعمال رَسولان 8:14 - کتاب مقدس به زبان مازندرانی - گویش شرقی

¹⁴ وَختی رَسولون اورشَلیمِ دِله خَوِردار بَینه که سامِریون خِدائه کِلامِ قبول هاکاردِنه، پِطرُس و یوحنا ره وِشونِ پَلی بَفرِسینه.

گیله ماز

¹⁴ وَختِی رَسولان اورشلیمِ دِلِه خَبَردار هَبان که سامِریِان خُدای کَلامِ قبول هَکُردَن، پِطرُس و یوحنا رِه اوشانِ وَر بَرِساندِن.

کتاب مقدس به زبان مازندرانی - گویش غربی

¹⁴ وختی رَسولِن اورشلیمی دِلِه خَوَردار بَوِنِه گه سامِریِن خِدایی کَلامِ قَبول هاکِردِنِه، پِطرُس و یوحنا رِه وِشونی وَر بَرِسانینِه.

اعمال رَسولان 8:14 Iomraidhean Croise

اِنجیلِ مَتّی 13:23

ولی تیمی که خوارِ زِمینِ دِله دَکاشته بَییه کِسیِ که کِلامِ اِشنُنِه و اونِ فَهمِنه. وه حَییقَتاً باروَر بونه، صَد شَصت یا سی بِرابر بار یارنه.

لوقا 22:8

عیسی، پِطرُس و یوحنا ره بَفرِسیه و بااوته: «بُورین و پِسَخِ عیدِ شومِ اَمه وِسه تَهیّه بَوینین تا بَخُریم.»

اِنجیلِ یوحنا 12:48

اونیِ وِسه که مِ ره رد هاکانه و مِ گَب ها ره قَبول نَکِنه، یِتا دییه داوِر دَره؛ هَمون گَب هایی که بَزومه قیامِتِ روز وه ره داوِری کانده.

اعمال رَسولان 11:1

رَسولون و بِرارون تِمومِ یَهودیهِ مَنطقهِ دِله بِشنُسِنه که غیریهودیون هم خِدائه کِلامِ قبول هاکاردِنه.

اعمال رَسولان 15:4

وَختی اورشَلیم بَرِسینه، کلیسا و رَسولون و مشایخ وِشونِ پیشواز بییَمونه. پولُس و بَرنابا هر اونچی خِدا وِشونِ دَسِ هِمراه هاکارده بییه ره وِشونِ بااوتِنه.

اعمال رَسولان 17:11

این یَهودیون اون یَهودیونِ جِم که تِسالونیکیِ دِله دَینه نَجیب‌تر بینه، وِشون اِشتیاقِ هِمراه پِیغومِ قبول هاکاردِنه و هر روز مِقَدَّسِ نوِشته ها ره خوندِسِنه تا بَوینِن پولُس و سیلاسِ گَب خِدائه کِلامِ واری هَسه یا نا.

اعمال رَسولان 2:41

پَس اونایی که پطرسِ پِیغومِ قبول هاکاردِنه، تَعمید بَییتِنه. هَمون روز حدود سه هزار نَفِر، وِشونِ مِلحَق بَینه.

اعمال رَسولان 8:1

سولُس اِستیفانِ بَکوشتِنِ هِمراه موافق بییه. از اون روز به بعد، یِتا گَتِ آزار اذیّت اورشَلیمِ کلیسائه علیه شِروع بَییه، جوری که به جِز رَسولون، همه، یهودیه و سامِرهِ مَنطقهِ سَمت پَخش و پِلا بَینه.

غَلاطیان 2:9

وَختی که یَعقوب و کیفا و یوحنا که به نظر اییَمو کلیسائه سِتون بینه، اون فیضی که مِ نَصیب بَییه بییه ره بَدینه، مِن و بَرنابائه هِمراه دَس رفاقت هِدانه تا اِما غیریَهودیونِ پَلی بوریم و وِشون یَهودیون پَلی بورِن.

اوّل تِسالونیکیان 2:13

اِما هم هَمِش خِدا ره اینِ خاطِری شِکر کامبی، که اون مووقه که خِدائه کِلامِ قبول هاکاردینی، اون کِلام که اَمه جِم بِشنُسینی، اونِ نا آدِمیِ کِلامِ واری، بلکه خِدائه کِلامِ واری قبول هاکاردینی، هَمون طی که حَییقَتاً هم هَسه؛ که شِما ایموندارونِ میون کار کانده.

اوّل تِسالونیکیان 3:2

اِما تیموتائوسِ که اَمه بِرار و خِدائه همکار، مَسیحِ انجیلِ کارِ دِله هَسه ره شِمه پَلی بَفرِسیمی تا شِما ره شِمه ایمونِ دِله تقویت و تَشویق هاکانه،

دوّم تِسالونیکیان 2:10

و تِمومِ شَرورِ حیله هائه هِمراه، اونایی که هلاکتِ راهِ دِله دَرِنه، چوون وِشون نِخواسِنه حَییقَتِ دوس دارِن تا نِجات بَیرِن.