اعمال رَسولان 8:12 - کتاب مقدس به زبان مازندرانی - گویش شرقی

¹² ولی وَختی مَردِم فیلیپُسِ پیغومِ هِمراه، که خِدائه پادشاهیِ خَوِرِ خِش و عیسی مَسیحِ اِسمِ خَوِری بییه ره ایمون بیاردِنه، همه، چه مَردی و چه زِنا، غسل تَعمید بَییتِنه.

گیله ماز

¹² وَلی وَختِی مَردم فیلپُسِ پِیغامِ هَمرهَ که خُدای پادشاهی یه خَبَرِ خُش و عیسی یه مسیحِ اِسمِ بارِه با رِه ایمان بیاردِن، همه، چه زَن و چه مَرد غسلِ تَعمید بِیتَن.

کتاب مقدس به زبان مازندرانی - گویش غربی

¹² ولی وختی مَردِن فیلیپُسی پِیغِمی هَمرا گه خِدایی پادشاهی ای خَوِرِخِش و عیسای مسیحی اِسمی خَوَری وِه رِه ایمون بیاردِنِه، هَمه، چی زَن و چی مَرد غِسلِ تَعمید بَیتِنِه.

اعمال رَسولان 8:12 Iomraidhean Croise

اِنجیلِ مَتّی 28:19

پَس بُورین و تِمومِ قومِ شاگِرد بَسازین و وِشونِ به اسمِ پییِر، و ریکا و روح القدس غسلِ تَعمید هادین

لوقا 9:2

و وِشونِ بَفرِسیه تا خِدائه پادشاهیِ خَوِرِ خِشِ اِعلام هاکانِن و مَریضونِ شِفا هادِن.

لوقا 9:60

عیسی وه ره بااوته: «بییِل مِرده ها، شه مِرده ها ره خاک بِسپارِن؛ تِ وِنه بُوری و خِدائه پادشاهیِ خَوِرِ اِعلام هاکانی.»

اعمال رَسولان 1:3

عیسی بعد از اینکه زَجر بَکِشیه، شه ره رسولونِ سِراغ هِدا و خَله کارائه هِمراه ثابت هاکارده که زِنده بَییه. پَس چهل روزِ اِندا شه ره وِشونِ ظاهر کارده و خِدائه پادشاهیِ خَوِری وِشونِ هِمراه گَب زوئه.

اعمال رَسولان 11:20

ولی وِشونِ میون چَن نَفِر قبرس و قیرَوانِ آدِمونِ جِم دَینه، وِشون وَختی اَنطاکیه بَرِسینه، یونانیونِ هِمراه هم گَب بَزونه و عیسیِ خِداوندِ، خَوَرِ خِشِ وِشونِ هِدانه.

اعمال رَسولان 18:8

ولی عبادتگاه رئیس کْریسپوس، تِمومِ شه خانوادهِ هِمراه خِداوندِ ایمون بیاردِنه. همین طی هم قُرِنتُسِ اَهالیِ جِم خَیلیا وَختی پیغومِ بِشنُسِنه، ایمون بیاردِنه و غسل تَعمید بَییتِنه.

اعمال رَسولان 19:5

وِشون وَختی اینِ بِشنُسِنه، به اسم عیسیِ خِداوند تَعمید بییتِنه.

اعمال رَسولان 2:38

پِطرُس وِشونِ بااوته: «توبه هاکانین و هر کِدوم از شِما، عیسیِ مَسیحِ اسمِ هِمراه، شه گناهونِ آمِرزِشِ وسه غسلِ تَعمید بَیرین و روح‌القُدُسِ عطا ره گِرنِنی.

اعمال رَسولان 2:41

پَس اونایی که پطرسِ پِیغومِ قبول هاکاردِنه، تَعمید بَییتِنه. هَمون روز حدود سه هزار نَفِر، وِشونِ مِلحَق بَینه.

اعمال رَسولان 20:21

هم یَهودیون و هم یونانیونِ اِعلام هاکاردِمه که وِنه تووبهِ هِمراه خِدائه سَمت بَردَگِردِن و اَمه خِداوند عیسیِ مَسیحِ ایمون بیارِن.

اعمال رَسولان 20:25

«اِسا دومبه هیچ‌ کِدوم از شِما که مِن شِمه میون بَگِردِسِمه و خِدائه پادشاهی ره اِعلام هاکاردِمه، دییه مِ ره نَوینده.

اعمال رَسولان 28:31

پولُس خِدائه پادشاهی ره اِعلام کارده و تِمومِ جرأتِ هِمراه و بدونِ اینکه کِسی وه دَمِ بَیره خِداوند، عیسیِ مَسیحِ خَوِری تَعلیم دائه.

اعمال رَسولان 5:14

خَله از مَردا و زَن ها ایمون یاردِنه و خِداوندِ مِلحَق بونِسِنه،

اعمال رَسولان 8:4

ولی اون ایموندارونی که آزار اذیّتِ خاطِری پَخش و پِلا بَییه بینه، هر جا که شینه، خِدائه کِلامِ خَوِرِ خِشِ دانه.

رومی ایشون 10:10

چوون دلِ همراهِ که آدِم ایمون یارنه و صالح بِشمارِسه بونه، و زِوونِ هِمراهِ که اِعتراف کانده و نِجات گِرنه.

اوّلین نامِه قُرنتیانی سِه 11:11

با این وجود، خِداوندِ دِله، نا زَن مَردِ جِم سیوائه، نا مَرد زِنِ جِم.

غَلاطیان 3:28

دییه نا یَهودی مَعنی دارنه نا یونانی، نا نوکِر نا آزاد، نا مَردی نا زِنا، چوون شِما همه مَسیحْ عیسی دِله یِتا هَسینی.

اول پِطرُس 3:21

و این اوه غسلِ تعمیدِ نِمونه ئه که اَلان شِما ره نِجات دِنه، یِتا تَعمید که تَنِ کثیفیِ وِسه نییه، بلکه یِتا پاکِ وجدانِ آرزوئه که خوانه خِدا ره بَوینه. این تَعمید عیسی مَسیحِ زِنده بَیِّن طَریقِ جِم شِما ره نِجات دِنه،