اعمال رَسولان 7:8 - کتاب مقدس به زبان مازندرانی - گویش شرقی

⁸ و خِدا، خَتِنِه هاکاردِنِ عَهدِ ابراهیمِ هِدا. پَس اِبراهیم، اِسحاقِ پییِر بَییه و اِسحاقِ هَشتمین روزِ دِله خَتنه هاکارده. و اِسحاق هم یَعقوبِ پییِر بَییه، و یَعقوب هم دِوازده تا پاتریارخِ پییِر یعنی اَمه دوازده تائه گَتِ جَد بَییه.

گیله ماز

⁸ وَ خدا خَتنِه هَکُردَنِ عَهدِ ابراهیمِ هَدَه. پس ابراهیم اِسحاق پیَر هَبا، وَ اِسحاق رِه هَشتِمین روزِ دِلِه خَتنِه هَکردِه. وَ اِسحاق هم یَعقوب پیَر هَبا، وَ یَعقوب هم دوازدَه تا پاتریارخی یه پیَر، یَعنی اَمِی دوازدَه تایی گَتِ پیَرِ جَدّ هَبا.

کتاب مقدس به زبان مازندرانی - گویش غربی

⁸ و خِدا خَتنِه هاکِردَنی عَهدِ ابراهیمِ هادا. پس ابراهیم اِسحاقی پیر بَوِه، و اِسحاقِ هَشتِمین روزی دِلِه خَتنِه هاکِردِه. و اِسحاق هَم یَعقوبی پیر بَوِه، و یَعقوب هَم دِوازِه تا پاتریارخی پیر، یَعنی اَمِه دِوازِه تایی گَتِ جَدّ بَوِه.

اعمال رَسولان 7:8 Iomraidhean Croise

اِنجیلِ مَتّی 1:2

اِبراهیم، اِسحاقِ پییِر بییه، اِسحاق، یَعقوبِ پییِر، و یَعقوب، یَهودا و وه برارونِ پییِر بییه.

اِنجیلِ یوحنا 7:22

موسی، خَتِنه هاکاردِنِ حِکمِ شِما ره هِدا - البته این نا موسیِ جِم بلکه قومِ اجداد جِم بییه - اینِ وِسه، مِقدَّسِ شنبهِ دِله ریکائونِ خَتنه کاندینی.

اعمال رَسولان 2:29

«ای بِرارون، تومبه یَقینِ هِمراه شِما ره بارِم که اَمه جَد داوود بَمِرده و دَفن بَییه و وه مَقبره هم تا اَمروز اَمه وَر دَره

رومی ایشون 4:10

پَس چی طی وه وِسه این طی بِشمارِسه بَییه؟مووقه ای که وه خَتنه بَییه بییه، یا قبل از اون؟ البته قبل از خَتنه بَیِّن بییه نا بَعد از اون.

غَلاطیان 3:15

ای بِرارون، بییِلین روزمره زندگیِ جِم یِتا مثال بَزِنِم. هیچ‌کَس نَتونده یِتا عَهدِ که آدِمی رسمی هاکارده بوئه ره، باطل هاکانه یا یه چی اونِ اضافه هاکانه.

غَلاطیان 3:17

خوامبه اینِ بارِم که: شریعتی که چهارصد و سی سال بعد بییَمو، اون عهدی ره که خِدا قبلتر دَوِسه بییه ره باطِل نَکانده، جوری که وَعده هیچ بَووه.

نامِه مَسیحینی عبرانی نِژادی سِه 7:4

هارِشین که وه چَنده گَتِ آدِمی بییه که اِبراهیم، اِسرائیلِ قومِ پییِر، غنایمِ جِم وه ره ده یک‌ هِدا!