اعمال رَسولان 7:60 - کتاب مقدس به زبان مازندرانی - گویش شرقی

⁶⁰ بعد زانو بَزو و بِلِندِ صِدائه هِمراه بااوته «خِداوندا، این گِناه ره وِشونِ حِساب نیار.» اینِ بااوته و جان هِدا.

گیله ماز

⁶⁰ ایما زانو بَزه و بلَندِ صدای هَمرهَ باگوتِه که «خُداوندا، این گناهِ اوشانِ حِساب نیار.» اینه باگوتِه و جان هَدَه.

کتاب مقدس به زبان مازندرانی - گویش غربی

⁶⁰ اَزما زِنی بَزو و بِلَنِ اَوازی هَمرا بُتِه گه «خِداوندا، هَین گِناهِ وِشونی حِساب نیار.» هَینِه بُتِه و جان هادا.

اعمال رَسولان 7:60 Iomraidhean Croise

اِنجیلِ مَتّی 27:52

قَبرا هم واز بَینه و یَته خَله مِقَدَّسون که بَمِرده بینه، زِنده بَینه.

اِنجیلِ مَتّی 5:44

ولی مِن شِما ره گامبه شه دِشمِنونِ دوس دارین و اونایی که شِما ره ظِلم رِسِندِنه، وِشونِ وِسه دِعائه خِیر هاکانین.

لوقا 22:41

بعد یِتا سَنگ دِم هِدائِنِ اِندا، وِشونِ جِم دور بَییه و زانو بَزُو و این طی دِعا هاکارده:

لوقا 23:34

عیسی بااوته: «ای پییِر، اینا ره بِبَخش، چوون نَدوندِنه چی کاندنه.» بعد سربازون قِرعه دم هِدانه تا وه لِواسِ شه میون رَسِد هاکانِن.

لوقا 6:28

هر کی شِما ره نَفرین کانده وِشونِ وِسه دعائه بَرکَت هاکانین، و هر کی شِما ره آزار دِنه وه وِسه دِعائه خیر هاکانین.

اِنجیلِ یوحنا 11:11

بَعدِ از این گَب ها عیسی، شاگردونِ بااوته: «اَمه رَفِق ایلعازَر بَخواته، ولی شومبه تا وه ره بیدار هاکانِم.»

اعمال رَسولان 13:36

«داوود بعد از اون که خِدائه ارادهِ هِمراه شه دورهِ مَردِمِ خِدمِت هاکارده، بَمرده و شه اَجدادِ مِلحق بَییه و فسادِ بَدیئه.

اعمال رَسولان 20:36

پولُس وَختی شه گَبا ره تِموم هاکارده، زانو بَزو و همهِ هِمراه دِعا هاکارده.

اعمال رَسولان 21:5

وَختی اَمه بَمونِسِنِ فرصت تِموم بَییه، سَفِرِ وِسه راهی بَیمی. تِمومِ شاگِردون شه زَن ها و وَچونِ هِمراه تا شَهرِ بیرون اِما ره بَدرقه هاکاردِنه. اونجه دریالو زانو بَزومی و دِعا هاکاردیمی.

اعمال رَسولان 9:40

ولی پِطرُس همه ره اتاقِ جِم بیرون هاکارده و زانو بَزو و دِعا هاکارده. بعد جنازه ره هارِشیه و بااوته: «طابیتا، پِرِس!» طابیتا شه چشا ره واز هاکارده و وَختی پِطرُسِ بَدیئه هِنیشته.

اوّلین نامِه قُرنتیانی سِه 11:30

اینِ وِسه ئه که شِمه جِم خَیلیا ضَعیف و مَریضِنه و بَعضیا هم بَمِردِنه.

اوّلین نامِه قُرنتیانی سِه 15:18

پَس اونایی که مَسیحِ ایمون داشتِنه، بَمِردِنه و هِلاک بَینه.

اوّلین نامِه قُرنتیانی سِه 15:20

ولی حَییقَتِن مَسیح مِرده هائه جِم زِنده بَییه و اَوِّلین نَفِریِ که مِرده هائه جِم زنده بَییه.

اوّلین نامِه قُرنتیانی سِه 15:51

گوش هادین! یِتا راز شِما ره گامبه: اِما همه نَمییِرمی، بلکه همه تبدیل بومبی.

اوّلین نامِه قُرنتیانی سِه 15:6

بعد، اَت کَش ویشتَر از پونصد نَفِر بِرارونِ ظاهر بَییه که وِشونِ جِم خَیلیا هَمتی زنده نه، هر چَن بَعضیا بَمِردِنه.

اوّل تِسالونیکیان 5:10

وه که اَمه وِسه بَمِرده، تا چه بیدار بوئیم و چه بَخواته، وه هِمراه زندگی هاکانیم.

دوم تیموتائوس 4:16

مِ اَوِّلین دفاعِ دِله، هیچ کی مِ پِشت دَر نییَمو، بلکه همه مِ ره وِل هاکاردِنه. نَکِنه این، وِشونِ حِساب بَنوِشته بَووه.

پطرسی دِوّمین نامِه 3:4

گانِنه: «پَس وه بییَموئِن وَعده چی بَییه؟ چوون از وَختی که اَمه پییِرون بَمِردِنه، همه چی هَمون‌ طیِ که از اَوِّلِ دِنیا بییه»