اعمال رَسولان 7:25 - کتاب مقدس به زبان مازندرانی - گویش شرقی

²⁵ موسی گَمون کارده وه بِرارون فَهمِنِنه که خِدا خوانه وه دَسِ هِمراه وِشونِ نِجات هاده، ولی وِشون نِفَهمِسِنه.

گیله ماز

²⁵ موسی گمان هَکوردِه اونِه آداشان فَهمِنِن که خدا خَنِه اونِه دَس هَمرهَ اوشانِه نِجات هَدِه، وَلی اوشان نِفَهمِسَّن.

کتاب مقدس به زبان مازندرانی - گویش غربی

²⁵ موسی گِمون کِردِه وی بِرارِن فَهمِنِنِه گه خِدا خواینِه وی دَسی هَمرا وِشونِه نِجات هادا، ولی وِشون نِفَهمِسِنِه.

اعمال رَسولان 7:25 Iomraidhean Croise

مَرقُس 9:32

شاگِردون وه منظورِ نِفَهمِسِنه و تَرسینه وه جِم سِئال هاکانِن.

لوقا 18:34

شاگِردون وه گَبِ نِفَهمِسِنه. وه گَبِ مَعنی وِشونِ جِم پِنهون بییه و نِفَهمِسِنه چیِ خَوِری گَب زَنده.

لوقا 9:45

ولی وِشون وه منظورِ نِفَهمِسِنه؛ چوون وِشونِ جِم مَخفی بَمونِسه بییه تا اونِ نِفَهمِن؛ و تَرسینه اینِ خَوِری هم وه جِم سِئال هاکانِن.

اعمال رَسولان 14:27

وَختی پولُس و برنابا اونجه بَرِسینه، کلیسائه آدِمونِ جَمع هاکاردِنه، اَی وِشونِ وِسه بااوتِنه که خِدا وِشونِ هِمراه چیا هاکارده و چی طی، ایمونِ دَرِ، غیرِ یَهودیونِ وِسه واز هاکارده.

اعمال رَسولان 15:4

وَختی اورشَلیم بَرِسینه، کلیسا و رَسولون و مشایخ وِشونِ پیشواز بییَمونه. پولُس و بَرنابا هر اونچی خِدا وِشونِ دَسِ هِمراه هاکارده بییه ره وِشونِ بااوتِنه.

اعمال رَسولان 15:7

بعد از اینکه خَله بَحث هاکاردِنه، سَرآخِر پِطرُس بِلِند بَییه و وِشونِ بااوته: «ای بِرارون، شِما دوندِنی که اَوِّلین روزائه دِله، خِدا مِ ره شِمه میون انتخاب هاکارده تا غیرِ یَهودیون مِ زِوونِ جِم اِنجیلِ پیغومِ بشنُئِن و ایمون بیارِن.

اعمال رَسولان 21:19

پولُس وِشونِ سِلام هاکارده و اون چی که خِدا وه خِدمِتِ هِمراه، غیریَهودیونِ دِله هاکارده بییه ره یِتا یِتا توضیح هِدا.

اعمال رَسولان 7:24

وَختی بَدیئه یِتا مصری مَردی یِتا از وِشونِ ظِلم کانده، وه پِشتی در بییَمو و اون مصریِ بَکوشتِنِ هِمراه، اون مَظلومِ حَقِّ بَییته.

اعمال رَسولان 7:26

فردائه اون روز، دِ نَفِرِ بَدیئه که هَمدییهِ هِمراه دَعوا کاردِنه، این نیَّتِ هِمراه که وِشونِ آشتی‌ هاده، بااوته: ”ای مَردا، شِما بِرارِنی، چه هَمدییه ره بَدی کاندینی؟“

رومی ایشون 15:18

چوون جِرأت نَکامبه هیچیِ جِم گَب بَزِنِم، اِلّا اونچی که مَسیح مِ طریق اِنجام هِدا تا غیرِ یَهودیونِ، ایمونِ مطیع هاکانِم، شه گَب ها و کارهائه طَریقِ جِم

اوّلین نامِه قُرنتیانی سِه 15:10

ولی اونی که اَلان ویندِنی هَسِمه خِدائه فیضِ خاطِریِ، و وه فِیض مِ وِسه بی‌فایده نَییه. برعکس، مِن، تِمومِ وِشونِ جِم، سَخت‌تِر کار هاکاردِمه، ولی نا مِن، بلکه خِدائه فیضِ خاطِریِ که مِ هِمراه دَره.

اوّلین نامِه قُرنتیانی سِه 3:9

چوون اِما فِقَط خِدائه همکارونیمی. شِما خِدائه کِشت و کارِ زِمین و خِدائه ساختمونِنی.

دوّمین نامه قرنتیانِ وَسین 6:1

پَس اون چیِ دِله که خِدائه هِمراه همکاریمی، شِمه جِم خواهش دارمی که خِدائه فیضِ اَلِکی نَییت بوئین.

کولُسیان 1:29

اینِ وِسه ئه که مِن زَحمِت کَشِمبه و تِمومِ وه قِوَّتِ هِمراه که مِ دِله قِوَّتِ هِمراه کار کانده، تقِلّا کامبه.