اعمال رَسولان 6:9 - کتاب مقدس به زبان مازندرانی - گویش شرقی

⁹ اون مووقه چَن نَفِر، یِتا عبادتگاه جِم، که اونِ اسم «آزاد بَییه هائه عبادتگاه» بییه، که قیرَوانِ یَهودیونِ جِم و اسکندریه و کیلیکیه و آسیائه مَنطقهِ جِم هم بینه، استیفانِ هِمراه بَحث هاکاردِنه.

گیله ماز

⁹ اون موقِه چَن نفر ایتا عبادتگاهِ جی که اونه اِسم ’آزاد هَبوسِّه شانه عبادتگاه‘ با، که قیرَوانی یَهودیِان جی و اسکندریِه و کیلیکیه و آسیایه منطقه یه جی هَم بان، اِستیفانِ هَمرهَ بَحث هَکُردَن.

کتاب مقدس به زبان مازندرانی - گویش غربی

⁹ هون موقِه چَن نفر یَتِه عبادتگاهی جا گه اونی اِسم ’آزاد بَوِه ایشونی عبادتگاه‘ وِه، گه قیرَوانی یَهودیِنی جا و اِسکندریِه و کیلیکیه و آسیایی مَنطقِه ای جا هَم وِنِه، اِستیفانی هَمرا بَحث هاکِردِنِه.

اعمال رَسولان 6:9 Iomraidhean Croise

اِنجیلِ مَتّی 10:17

شِمه حِواس، مَردِمِ بوئه، چوون وِشون شِما ره مَحکَمِه تَحویل دِنِنه و شِما ره شه عِبادَتگاهِ دِله فَلِک وَندِنه و شِلاق زَندِنه

اِنجیلِ مَتّی 23:34

چوون که مِن پِیغَمبِرون و حَکیمون و مَلِّمونِ شِمه وِسه فِرِسِندِمبه، ولی شِما بَعضیا ره کُشِنِنی و مَصلوب کاندینی، بَعضیا ره هم شه عبادتگاه هائه دِله شِلّاق زَندِنی و شَهر به شَهر شونِنی و وِشونِ عِذاب دِنِنی.

اِنجیلِ مَتّی 27:32

اون مووقه که بیرون شینه، یِتا مَردی که وه اسم شَمعون و قیرَوانِ جِم بییه ره بر بَخُردِنه و وه ره وادار هاکاردِنه عیسیِ صَلیبِ بَوِره.

مَرقُس 13:9

«ولی شِما شه مواظب بوئین، چوون شِما ره مَحکمهِ تحویل دِنِنه و عبادتگاه هائه دِله زَندنه و مِ خاطِری فرموندارون و پادشاهونِ پَلی اِیست کاندینی تا وِشونِ روب رو شِهادِت هادین.

لوقا 21:12

«ولی قبل از این اِتّفاق، شِما ره گِرنِنه، اذیّت کاندِنه، و محاکمهِ وِسه عبادتگاه هائه دِله وَرنِنه و زِندون هائه دِله دِم دِنِنه، و مِ اسمِ خاطِری، شِما ره پادشاهون و فرموندارون پَلی وَرنِنه

اعمال رَسولان 11:20

ولی وِشونِ میون چَن نَفِر قبرس و قیرَوانِ آدِمونِ جِم دَینه، وِشون وَختی اَنطاکیه بَرِسینه، یونانیونِ هِمراه هم گَب بَزونه و عیسیِ خِداوندِ، خَوَرِ خِشِ وِشونِ هِدانه.

اعمال رَسولان 13:1

اَنطاکیهِ کلیسائه دِله پِیغَمبِرون و مَلِّمون دَینه: بَرنابا، شَمعونِ مَعروف به نیجِر، لوکیوسِ قیرَوانی، مَنائِن که هیرودیسِ حاکمِ ناتَنی بِرار بییه و شائول.

اعمال رَسولان 13:45

ولی وَختی یَهودیون جَمیِّتِ ها ره بَدینه، حَسودیِ جِم پِر بَینه و بی‌ حِرمتیِ هِمراه هر چی پولُس گاته ره مخالفت هاکاردِنه.

اعمال رَسولان 15:23

بعد یِتا نامه ‌وِشونِ دَس هِدانه، که بنوشته بَییه: اِما بِرارونِ طَرِف جِم هم رَسولون و هم مشایخ، غیریهودِ بِرارونِ وِسه که اَنطاکیه، سوریه و کیلیکیهِ دِله دَرِنی، سِلام!

اعمال رَسولان 15:41

پولُس وَختی دَییه سوریه و کیلیکیهِ جِم رَد بونِسه، کلیساها ره تَقویت کارده.

اعمال رَسولان 16:6

بعد، وِشون فْریجیه و غَلاطیهِ مَنطقهِ سراسرِ چرخ بَزونه، چوون روح القُدُس وِشونِ از اینکه کِلامِ، آسیائه مَنطقهِ دِله بَرِسونِن مَنع هاکارده بییه.

اعمال رَسولان 18:24

اون روزا، یِتا یَهودی، که وه اسم آپولُس واِسکندریهِ جِم بییه، اَفِسُس بییَمو. وه سُخنرانی هاکاردِنِ دِله اِسّا بییه و مِقَدَّسِ نوِشته هائه ره خَله دونِسه؛

اعمال رَسولان 19:10

دِ سال همین طی بُگذِشته و این مُدّتِ دِله، تِمومِ آسیائه مَنطقهِ مَردِم، چه یهودی و چه یونانی، خِداوندِ کِلامِ بِشنُسِنه.

اعمال رَسولان 19:26

ولی هَمون طی که ویندِنی و اِشنُنِنی، این پولُس نا فِقَط اَفِسُسِ دِله، بلکه تِمومِ آسیائه مَنطقهِ دِله، یَته خَله مَردِمِ قانع و گُمراه هاکارده. وه گانه خِدایونی که آدِمی دَسِ جِم بِساته بونِنه، خِدایون نینه.

اعمال رَسولان 21:27

چیزی نَموندِسه بییه تطهیرِ هَفت روز تِموم بَووه که چَن تا یهودی، آسیائه مَنطقه جِم، پولُسِ، مَعبِدِ دِله بَدینه. وِشون تِمومِ جَمیِّتِ تحریک هاکاردِنه و وه ره بَییتِنه،

اعمال رَسولان 21:39

پولُس جِواب هِدا: «مِن یَهودیمه و کیلیکیهِ تارسوسِ ‌جِم هَسِمه، شهری که بی‌نام و نِشون نییه. خواهش کامبه اِجازه هادین مَردِمِ هِمراه گَب بَزِنِم.»

اعمال رَسولان 22:19

«مِن بااوتِمه: ”خِداوندا، وِشون شه دوندِنه که مِن عبادتگاه هائه دِله شیمه و اونایی ره که تِ ره ایمون داشتِنه ره زِندونِ دِله دِم دامه و زومه.

اعمال رَسولان 22:3

«مِن یَهو‌دی مَردیمه، کیلیکیهِ تارسوسِ شَهرِ دِله دِنیا بییَمومه ولی اورشَلیمِ شَهرِ دِله گَت بَیمه. شه اَجدادِ شَریعتِ کاملاً، گامالائیلِ دَسِ بِن یاد بَییتِمه و خِدائه وِسه غیرت داشتِمه، هَمون طی که شِما همه اَمروز دارنِنی.

اعمال رَسولان 23:34

فرموندار نامه ره بَخوندِسه و پولُسِ جِم بَپِرسیه کِجائیه. وَختی بِفَهمِسه کیلیکیهِ مَنطقهِ جِم هَسه،

اعمال رَسولان 24:18

در حالی که دَیمه اینِ به جا یاردِمه مِ ره مووقه ای که پاک بیمه، مَعبِدِ دِله پیدا هاکاردِنه. نا جَمیِّتی در کار بییه و نا بَلوایی بییه.

اعمال رَسولان 26:11

خَله وختا وِشونِ مِجازاتِ وِسه، عبادتگاه هائه دِله شیمه و تَقِلّا کاردِمه و وِشونِ مجبور کاردِمه کفر بارِن. مِ خَشم اَنده بییه که حَتّی تا غریبه هائه شهرها هم وِشونِ تعقیب کاردِمه.

اعمال رَسولان 6:10

ولی استیفان اون حِکمَت و خِدائه روحِ هِمراه که گَب زوئه، هیچ کَس نَتونِسه وه روب رو اِیست هاکانه.

اوّلین نامِه قُرنتیانی سِه 1:20

حَکیمِ آدِم کِجه دَره؟ توراتِ مَلِّم کِجه دَره؟ اونی که این زمونه دِله نَظِر دِنه کِجه دَره؟ مَگه خِدا، دِنیائه حِکمتِ نادونی نَکارده؟

غَلاطیان 1:21

بعد از اون، سوریه و کیلیکیهِ مَنطقه بوردِمه.