اعمال رَسولان 6:3 - کتاب مقدس به زبان مازندرانی - گویش شرقی

³ ای بِرارون، اینِ وِسه، شه میون هَفت نَفِر که خِش نومِنه و خِدائه روح و حِکمتِ جِم پِرِنه ره انتخاب هاکانین تا وِشونِ این کارِ سَر بییِلیم

گیله ماز

³ اِی آداشان، اینه وَسین شیمی میِن هَفت نَفَر که خُش نامَن و خُدای روح و حکمتِ جی پُرِن رِه دوجین هَکُنین تا اوشانِ این کارِ سَر بَنیم.

کتاب مقدس به زبان مازندرانی - گویش غربی

³ اِی بِرارِن، هَینِسه شی میِن هَفت نَفَر گه خِش نومِنِه و خِدایی روح و حکمتی جا پِرِنِه رِه انتخاب هاکِنین تا وِشونِه هَین کاری سَر بِلیم.

اعمال رَسولان 6:3 Iomraidhean Croise

اِنجیلِ مَتّی 23:8

ولی نییِلین شِما ره 'اِسّا' بارِن، چوون که شِما فِقَط یِتا اِسّا دارنِنی و شِما هَمدییِهِ هِمراه بِرارِنی.

اِنجیلِ یوحنا 21:23

پَس این گَب، بِرارونِ دِله دَپیته که اون شاگرد نَمیرنه، در صورتی که عیسی پِطرُسِ نااوته که وه نَمیرنه، بلکه بااوته «اگه بِخوائم تا مِ بَردَگِردِسِنِ مووقه زِنده بَمونه، تِ ره چیه؟»

اعمال رَسولان 1:15

یِتا از اون روزا، پِطرُس، بِرارونِ میون که حدود صد و بیست نَفِر بینه، اِیست هاکارده

اعمال رَسولان 1:21

پَس لازمِ یه نَفِر که هَمِش اون مووقه ای که عیسیِ خِداوند اَمه هِمراه دَییه، اَمه جَمعِ دِله بِییه،

اعمال رَسولان 10:22

وِشون بااوتِنه: «اِما ره رومِ فَرمونده کُرنِلیوس بَفرِسیه. وه دِرِسکار و خِداترسِ آدِمِ و تِمومِ یَهودِ قوم وه خواری ره گانِنه.‌ وه یِتا مِقَدَّسِ فِرشتهِ جِم دَستور بَییته که تِ دِمبال بَفرِسه و تِ ره شه سِره دَعوِت هاکانه و تِ گَبِ بِشنُئه.»

اعمال رَسولان 15:23

بعد یِتا نامه ‌وِشونِ دَس هِدانه، که بنوشته بَییه: اِما بِرارونِ طَرِف جِم هم رَسولون و هم مشایخ، غیریهودِ بِرارونِ وِسه که اَنطاکیه، سوریه و کیلیکیهِ دِله دَرِنی، سِلام!

اعمال رَسولان 16:2

لِستْره و قونیهِ دلهِ، بِرارون وه خواری ره گاتِنه.

اعمال رَسولان 2:4

بعد همه روح‌القُدُسِ جِم پِر بَینه و هَمون طی که روح، وِشونِ گَب بَزوئِنِ قِوَّتِ دائه، دییه زِوون هائه هِمراه گَب بَزوئِنِ شِروع هاکاردِنه.

اعمال رَسولان 22:12

«دَمشق دِله، یِتا دیندارِ مَردی که وه اسم حَنانیا بییه و شَریعتِ اِنجام هِدائِنِ دِله غیرت داشته، زندگی کارده، وه تِمومِ یَهودیونِ دِله، خِشنوم بییه.

اعمال رَسولان 28:14

اِما چَن تا بِرار اونجه پی دا هاکاردیمی که اَمه جِم دَعوِت هاکاردِنه هَفت روز‌ وِشونِ هِمراه بَمونیم. سرآخِر رومِ شَهر بَرِسیمی.

اعمال رَسولان 6:2

پَس اون دِوازَه رَسول، تِمومِ شاگردونِ شه پَلی صدا هاکاردِنه و بااوتِنه: «دِرِس نییه که اِما مَردِمِ غِذا هِدائِن وِسه، خِدائه کِلامِ تَعلیم هِدائِنِ وِل هاکانیم.

اعمال رَسولان 6:5

اونچی که رسولون بااوتِنه همه نَظِر خوار بییَمو و این آدِمونِ انتخاب هاکاردِنه: اِستیفان، مَردی که روح‌القُدُس و ایمونِ جِم پِر بییه، فیلیپُس، پْروخُروس، نیکانُر، تیمُن، پارمِناس و نیکُلائوس که اَنطاکیهِ دِله یَهودی بَییه بییه.

اعمال رَسولان 6:6

این مَردا ره رسولونِ پَلی بیاردِنه و رسولون وِشونِ وِسه دِعا هاکاردِنه و وِشونِ سَر دَس بییِشتِنه و اونا ره این خِدمتِ سَر بییِشتِنه .

اعمال رَسولان 9:30

وَختی بِرارون این جَریانِ جِم خَوِردار بَینه، شائولِ قیصریه شَهر بَوِردِنه و اونجه جِم، تارسوسِ شَهر، راهی هاکاردِنه.

اوّلین نامِه قُرنتیانی سِه 12:8

چوون که یه نَفِرِ خِدائه روحِ طریق حِکمتِ کِلام هِدا بونه، یِتا دییه ره هَمون روحِ طریق، مَعرفتِ کِلام هِدا بونه،

اوّلین نامِه قُرنتیانی سِه 16:3

وَختی بییَمومه، اون آدِمایی که شِما وِشونِ اِطمینان دارنِنی ره مَعرفی نامه هایی دِمبه و وِشونِ شِمه هدایائه هِمراه اورشَلیمِ شَهر فِرِسِندِمبه.

اِفِسُسیان 5:18

شِرابِ جِم مَست نَووین، که شِما ره بَدِ کارائه سَمت کَشِنه؛ بلکه خِدائه روحِ جِم پِر بَووین.

اول تیموتائوس 5:10

و خوارِ کارائه اِنجام هِدائِنِ دِله معروف بوئه، یعنی شه وَچونِ گَت هاکارده بوئه، غریب‌نواز بوئه، مقدّسینِ لینگا ره بَشُسه بوئه، دَردمَندون جِم مِراقبت هاکارده بوئه، و شه ره هر جور خوارِ کارِ وِسه وَقف هاکارده بوئه.

یعقوبِ نامه 1:17

هر خوارِ هَدیه و هر کاملِ هَدیه، آسِمونِ جِم هَسه، نورهائه پییِرِ طَرِفِ جِم اِنه که وه دِله هیچ تغییری دَنییه و نا هیچ سایه ای که تغییرِ جِم به وجود بییَمو بوئه.

سوّم یوحنا 1:12

همه دیمیتریوسِ خَوِری خوار گِواهی دِنِنه، حَتَّی خِدِ حَییقت. اِما هَم این طی گِواهی دِمبی و دوندی که اَمه گِواهی راسِ.