اعمال رَسولان 5:42 - کتاب مقدس به زبان مازندرانی - گویش شرقی

⁴² و هیچ روزی، چه مَعبِدِ دِله و چه سِره هائه دِله، تَعلیم و خَوِر خِش جِم دَس نَکِشینه که عیسی هَمون مَسیحِ موعودِ.

گیله ماز

⁴² وَ هیچ روزی، چه معبدِ دِلِه و چی سِرِه شان دِلِه، تَعلیم و خَبَرِ خوشِ جی دَس نَکِشییَن که عیسی هَمون مَسیحِ موعودِ.

کتاب مقدس به زبان مازندرانی - گویش غربی

⁴² و هیچ روزی، چی معبدی دِلِه و چی خِنِه خِنِه، تَعلیم و خَوَرِ خِشی جا دَس نَکِشینِه گه عیسی هَمون مَسیحِ موعودِ.

اعمال رَسولان 5:42 Iomraidhean Croise

لوقا 21:37

عیسی هر روز یَهودِ عِبادَتگاهِ دِله تَعلیم دائه و هر شو شَهرِ جِم بیرون شیه و زیتونِ کوهِ سَر شُو ره صِواحی کارده.

لوقا 22:53

مِن هر روز شِمه مَعبِدِ دلِه دَیمه ولی شِما مِ دَسگیریِ وِسه حَتّی شه دَسِ هم دراز نَکاردینی. ولی اَلان، شِمه وَختِ و ظِلِمادِ قِدرَتِ وَختِ.»

اعمال رَسولان 11:20

ولی وِشونِ میون چَن نَفِر قبرس و قیرَوانِ آدِمونِ جِم دَینه، وِشون وَختی اَنطاکیه بَرِسینه، یونانیونِ هِمراه هم گَب بَزونه و عیسیِ خِداوندِ، خَوَرِ خِشِ وِشونِ هِدانه.

اعمال رَسولان 13:32

«اِسا اِما این خَوِرِ خِشِ شِما ره دِمبی که خِدا اونچی که اَمه پییِرونِ وَعده هِدا بییه ره،

اعمال رَسولان 17:18

رَواقی و اپیکوریِ فیلسوفونِ جِم بعضیا هم وه هِمراه بحث کاردِنه. وِشونِ جِم بعضیا گاتِنه: «این مِفتِ گَب زَن چی خوانه باره؟» بَقیه گاتِنه: «انگاری غَریبِ خِدایونِ تبلیغ کانده.» چوون پولُس، عیسی و مِرده هائه زِنده بَیِّنِ خَوِری وِشونِ وِسه گَب زوئه.

اعمال رَسولان 17:3

و توضیح دائه و دلیل یارده که وِنه مَسیح عِذاب بَکِشه و مِرده هائه جِم زنده بَووه. وه گاته: «این عیسی که وه ره شِما ره اِعلام کامبه، هَمون مَسیحِ موعودِ.»

اعمال رَسولان 2:46

وِشون هر روز، مَعبِدِ دِله جَمع بونِسِنه و هَمدییه هِمراه شه سِره دِله نونِ تیکه کاردِنه و خِشی و ساده دِلِ هِمراه غِذا خاردِنه

اعمال رَسولان 20:20

دوندِنی که چی طی اون چی که ممکن بییه شِمه وِسه فایده داره ره هیچ دریغ نَکاردِمه، بلکه پِیغومِ شِمه وِسه اِعلام هاکاردِمه، چه جَمعِ دِله و چه سِره سِره شِما ره تَعلیم هِدامه.

اعمال رَسولان 4:20

چوون اِما نَتومبی اونچی بَدیمی و بِشنُسیمی ره ناریم.»

اعمال رَسولان 4:29

اِسا، ای خِداوند، وِشونِ تهدیدها ره هارِش و خادِمونِ لِطف هاکان تا تِمومِ شه جِرأتِ هِمراه تِ کِلامِ بارِن،

اعمال رَسولان 8:35

پَس فیلیپُس گَب بَزوئِنِ شِروع هاکارده و مِقَدَّسِ نوشتهِ هَمون قِسمِتِ جِم شِروع هاکارده و عیسی خَوِری، خَوِرِ خِش هِدا.

اعمال رَسولان 8:5

فیلیپُس هم، سامرهِ یِتا شَهرِ دِله بُورده و اونجه مَسیحِ پیغومِ، مَردِمِ تَعلیم دائه.

اعمال رَسولان 9:20

وه دَرجا یَهودیونِ عبادتگاه هائه دِله بُورده و این پیغومِ که عیسی، خدائه ریکا هَسه ره شروع هاکارده.

اوّلین نامِه قُرنتیانی سِه 2:2

چوون تَصمیم بَییته بیمه شِمه میون هیچی ره نَدونِم اِلّا عیسی مَسیح، اون هم مصلوب بَییه عیسی.

غَلاطیان 1:16

که شه ریکا ره مِ دِله ظاهر هاکانه تا اونِ غیریهودیونِ میون اِعلام هاکانِم، اون مووقه، جِسم و خونِ هِمراه مَشورت نَکاردِمه،

غَلاطیان 6:14

ولی نَکِنه که مِن هیچ وَخت یه چی ره به جِز، اَمه خِداوند عیسیِ مَسیحِ صَلیبِ اِفتخار هاکانِم، که وه طریق، دِنیا مِ وِسه مَصلوب بَییه و مِن دِنیائه وِسه مصلوب بَیمه.

دوم تیموتائوس 4:2

خِدائه کِلامِ اِعلام هاکان و وَخت و بی وَخت آماده باش و خَله صبر و کاملِ تعلیمِ هِمراه، اِصلاح و سَراکو و تَشویق هاکان.