اعمال رَسولان 5:24 - کتاب مقدس به زبان مازندرانی - گویش شرقی

²⁴ وَختی مَعبدِ نگهوونونِ فَرمونده و گَت گَتِ کاهِنون این خَوِرِ بِشنُسِنه هاج و واج بَمونِسنه، فِکرِ دِله بُوردِنه که «این کارِ عاقبت چی بونه؟»

گیله ماز

²⁴ وَختِی مَعبدِ نِگَهبانان فَرماندِه و گَتِه کاهِنان این خَبَرِ بِشنَوِسَّن هاج و واج بُمانِسِّن، فکِرِ دِلِه بَشَن که «این کارِ عاقبت چی بونِه؟»

کتاب مقدس به زبان مازندرانی - گویش غربی

²⁴ وختی مَعبدی نِگَهوونِنی فَرموندِه و گَت گَتِه کاهنِن هَین خَوَرِ بِشنُسِنِه هاج و واج بَمونِسِنِه، فکِری دِلِه بوردِنِه گه «هَین کاری عاقبت چی وونِه؟»

اعمال رَسولان 5:24 Iomraidhean Croise

لوقا 22:4

یَهودا مَعبِدِ گَت گَتِ کاهِنون و مَعبِدِ نگهوونونِ پَلی بُورده و وِشونِ هِمراه صُحبِت هاکارده که چی طی عیسی ره وِشونِ تَسلیم هاکانه.

لوقا 22:52

بعد مَعبِدِ گَت گَتِ کاهِنون و مَعبِدِ نِگهوونون و مشایخی که وه بَییتِنِ وِسه بییَمو بینه ره بااوته: «مَگه مِن راهزنِمه که دَسِ چو و شَمشیرِ هِمراه مِ سِراغ بییَمونی؟

اِنجیلِ یوحنا 12:19

پَس عُلِمائه فِرقه فریسی هَمدییه ره بااوتِنه: «ویندِنی دییه اَمه دَس کاری بَر نِنّه؛ هارِشین تِمومِ دِنیا وه دِمبال بُوردِنه.»

اعمال رَسولان 2:12

پَس همه حیرون و سَرگردون هَمدییه ره گاتِنه: «این اتّفاقِ مَعنی چیه؟»

اعمال رَسولان 4:1

پِطرُس و یوحنا هَمتی دَینه مَردِمِ هِمراه گَب زونه که مَعبِدِ کاهِنون و مَعبِدِ نگهوونونِ فَرمونده و عُلِمائه فِرقه صَدوقی سَر بَرِسینه.

اعمال رَسولان 4:21

شورائه آدِمون بعد از این که پِطرُس و یوحنا ره خَله تهدید هاکاردِنه، وِشونِ وِل هاکاردِنه چوون راهی پی دا نَکاردِنه تا وِشونِ مِجازات هاکانِن، چوون تِمومِ مَردِم اونچیِ وِسه که اتِّفاق دَکِته بییه، خِدا ره حمد و ثناء کاردِنه.

اعمال رَسولان 5:23

«اِما بَدیمی زِندونِ درها قایم دَوِسه بییه و نگهوونون هم دَرائه پِشت اِیست هاکارده بینه. ولی وَختی درها ره واز هاکاردیمی، هیچ کی ره زِندونِ دِله پی دا نَکاردیمی.»

اعمال رَسولان 5:25

هَمون مووقه، یه نَفِر بییَمو و وِشونِ خَوِر هِدا، بااوته: «اونایی که شِما وِشونِ زِندونی هاکارده بینی، اَلان مَعبِدِ دِله اِیست هاکاردِنه و دَره مَردِمِ تَعلیم دِنِنه.»

اعمال رَسولان 5:26

پَس مَعبِدِ نگهوونونِ فَرمونده، مأمورونِ هِمراه بُوردِنه و رسولونِ بیاردِنه، ولی نا زور زوری، چوون تَرسینه مَردِم وِشونِ سَنگسار هاکانِن.