اعمال رَسولان 5:20 - کتاب مقدس به زبان مازندرانی - گویش شرقی

²⁰ و بااوته: «بُورین و مَعبِدِ دِله اِیست هاکانین و تِمومِ این زندگیِ پِیغومِ مَردِمِ بارین.»

گیله ماز

²⁰ و باگوتِه: «بیشین و مَعبدِ دِلِه بییَسید و تمام این زِندگی یه پیغامِ مَردمِ باگویید.»

کتاب مقدس به زبان مازندرانی - گویش غربی

²⁰ و بُتِه: «بورین و مَعبدی دِلِه هِرِسین و دِشتِه هَین زِندگی ای پیغِمِ مَردِنِ بُئین.»

اعمال رَسولان 5:20 Iomraidhean Croise

اِنجیلِ مَتّی 10:27

اونچی ره مِن ظِلِمادِ دِله شِما ره گامبه، وِنه رووشناییِ دِله اِعلام هاکانین و اونچی ره یواشکی اِشنُنِنی، وِنه سِرهِ بومِ سَر جار بَزِنین.

اِنجیلِ مَتّی 21:23

عیسی مَعبدِ دِله بورده و شِروع هاکارده، مَردِمِ تَعلیم هِدائِن. گَت گَتِ کاهِنون و قومِ مَشایخ وه پَلی بییَمونه، بااوتِنه: «به چه حَقّی این کارا ره کاندی؟ کی این اِختیارِ تِ ره هِدا؟»

اِنجیلِ یوحنا 12:50

و مِن دومبه که وه دَستور، اَبدی زندگیِ. پَس اونچی که مِن گامبه دِرِس هَمون چیِ که پییِر مِ ره بااوته.»

اِنجیلِ یوحنا 17:3

و اَبدی زندگی اینِ که تِ ره، تینا حَییقی خِدا، و عیسی مَسیح که تِ بَفرِسیِ ره بِشناسِن.

اِنجیلِ یوحنا 17:8

چوون کِلامی ره که مِ ره هِدایی، وِشونِ هِدامه، و وِشون اونِ قَبول هاکاردِنه و حَییقَتاً بِفَهمِسِنه که تِ طَرِفِ جِم بییَمومه، و باور هاکاردِنه که تِ مِ ره بَفرِسی ای.

اِنجیلِ یوحنا 18:20

عیسی جِواب هِدا: «مِن دِنیائه هِمراه عَلِنی گَب بَزومه و هَمِش عبادتگاه و مَعبِدِ دِله که تِمومِ یَهودیون جَمع بونِنه، تَعلیم هِدامه و خَلوتِ دِله هیچی نااوتِمه.

اِنجیلِ یوحنا 6:63

خِدائه روحِ که زنده کانده؛ تَن فایده‌ای نِدارنه. گَب هایی که مِن شِما ره بَزومه، روح و زندگیه.

اِنجیلِ یوحنا 6:68

شَمعونِ پِطرُس جِواب هِدا: «آقا، کِنه پَلی بُوریم؟ اَبدی زندگیِ کِلام، تِ پَلی دَره.

اعمال رَسولان 11:14

وه تِ وِسه یِتا پِیغوم یارنه که اونِ خاطِری تِ و تِ خانِواده نِجات گِرنِنی.“

اعمال رَسولان 13:26

«ای بِرارون، ای ابراهیمِ وَچونِ نَسل، و ای خِداترسونی که شِمه میون دَرِنه! این نِجاتِ پِیغوم، اَمه وسه بَفرِسی بَییه.