اعمال رَسولان 5:19 - کتاب مقدس به زبان مازندرانی - گویش شرقی

¹⁹ ولی شو، خِداوندِ یِتا فرشته زِندونِ دَرا ره واز هاکارده و وِشونِ بیرون بیارده

گیله ماز

¹⁹ وَلی شُو، خُداوند ایتا فِرِشتِه زندان دَرِشانِ واز هَکردِه و اوشانِه دِرگا بیاردِه

کتاب مقدس به زبان مازندرانی - گویش غربی

¹⁹ ولی شُو، خِداوندی یَتِه فِرِشتِه زیندونی دَریشونِه پِه هاکِردِه و وِشونِه دیرگا بیاردِه

اعمال رَسولان 5:19 Iomraidhean Croise

اِنجیلِ مَتّی 1:20

یوسِف هَمتی این فِکرائه دِله دَییه كه خِداوَندِ یِتا از فرشته ها، خوِ دِله وه ره ظاهر بَییه و بااوته: «اِی یوسِف داوودِ ریکا، اینِ جِم نَتِرس که مَریِمِ شه زِنا هاکانی، چوون اونچی وه اِشکِمِ دِله دَره، روح القدسِ جِم هَسه، هَمون خِدائه روح.

اِنجیلِ مَتّی 1:24

یوسِف، خوِ جِم بیدار بَییه و هَمون طی که خِداوندِ فِرِشته وه ره دَستور هِدا بییه، هاکارد و مَریِمِ به زَنی بَییته.

اِنجیلِ مَتّی 2:13

بَعد از اینکه عالمینِ ستاره شناس بوردِنه خِداوَندِ یِتا از فرِشته ها، خو دِله یوسِفِ ظاهر بَییه و بااوته: «پِرِس، وَچِه و وه مارِ بَیر و هَمین اِمشو مِصر فِرار هاکان و تا وَختی که تِ ره نااوتِمه اونجه بَمون، چوون هیرودیس نِنّه وَچِه ره پی دا هاکانه و وه ره بَکوشه.»

اِنجیلِ مَتّی 2:19

ولی وَختی هیرودیس بَمِرده، خِداوَندِ یِتا از فرشته ها مصرِ دِله یوسِفِ خوِ دِله ظاهر بَییه

اِنجیلِ مَتّی 28:2

یِهویی یِتا گَتِ زِمین لَرزِه دَکِته، خِدواندِ یِتا از فِرِشته ها آسِمونِ جِم جِر بییَمو، و مَقبَرهِ سَمت بورده و سَنگِ یِتا گوشه غَلت هِدا و وه سَر هِنیشته.

لوقا 1:11

یهویی خِداوندِ یِتا از فرشته ها که بُخورِ تشدونِ راسِ وَر اِیست هاکارده بییه زَکِریا ره ظاهر بَییه.

لوقا 2:9

یهویی خِداوندِ یِتا از فرشته ها وِشونِ ظاهر بَییه، و خِداوندِ جِلالِ نور وِشون دور بَتابِسه. چَپونون بَدجور بَتِرسینه،

اعمال رَسولان 10:3

یِتا روز حدود ساعت سه بعد از ظِهر، رویا دِله واضح بَدیئه که خِدائه یِتا فرشته وه پَلی بییَمو و بااوته: «کُرنِلیوس!»

اعمال رَسولان 12:23

دَرجا، خِداوندِ یِتا فرشته هیرودیسِ بَزو، اینِ وِسه که خِدا ره جِلال نِدا بییه. بعد کِرما وه تَنِ بَخُردِنه و وه بَمِرده.

اعمال رَسولان 16:26

که یِدَفه یِتا گَتِ زِمین‌لرزه‌ دَکِته، جوری که زِندونِ پِی، ‌لَرزه دَکِته و دَرجا زِندونِ دَرها واز بَییه و تِمومِ زنجیل ها واز بَینه.

اعمال رَسولان 27:23

چوون همین اَشون خِدائه یِتا فرشته، خدایی که وه جِم هَسِمه و وه ره خِدمِت کامبه، مه پَلی اِیست هاکارده

اعمال رَسولان 8:26

اون وَخت خِداوندِ یِتا فرشته فیلیپُسِ بااوته: «پِرِس و جِنوبِ سَمت بور، اون راهی که اورشَلیمِ جِم به غزه شونه.» این راه بیابونِ دِله بییه.