اعمال رَسولان 4:9 - کتاب مقدس به زبان مازندرانی - گویش شرقی

⁹ اگه اَمروز این خوارِ کارِ خاطِری که چِلِخِ مَردیِ وِسه هاکاردیمی، اَمه جِم بازخواس بونه و سِئال کاندینی وه چی طی شِفا بَییته،

گیله ماز

⁹ اَگه امروز این خُجیرِه کارِ خاطِری که علیلِ مَردای یه وَسین هَکردیم اَمِی جی بازخواس بونِه، و پُرسِنین اون چِطور شَفا بِیتِه،

کتاب مقدس به زبان مازندرانی - گویش غربی

⁹ اگه اَمرِز هَین خِبِ کاری خاطری گه علیلِ مَردی ای سِه هاکِردِمی اَمِه جا بازخواس وونِه، و سوال کِنِنی وی چِتی شَفا بَیتِه،

اعمال رَسولان 4:9 Iomraidhean Croise

اِنجیلِ یوحنا 10:32

عیسی وِشونِ بااوته: «پییِرِ طَرِفِ جِم خَله خوارِ کارا شِما ره سِراغ هِدامه. کِدوم یِتائه وِسه خوانِنی مِ ره سَنگسار هاکانین؟»

اِنجیلِ یوحنا 7:23

اگه یِتا آدِم مِقدَّسِ شنبهِ دِله خَتِنِه بونه تا موسیِ شَریعَت نِشکِنه، پَس چه، وَختی یِتا آدِمِ مِقدَّسِ شنبهِ دِله کاملِ سِلامتی دِمبه، مِ جِم عَصِبانینی؟

اعمال رَسولان 25:26

ولی نَدومبه اِمپراطورِ وِسه چی بَنویسِم، اینِ وِسه وه ره شِمه پَلی بیاردِمه، مخصوصاً شِمه پَلی، ای آگْریپاسِ پادشاه، تا وه جِم بازخواس هاکانیم و مِن یه چی بَنوِشتِنِ وِسه دارِم.

اعمال رَسولان 3:7

بعد پِطرُس اون مَردیِ راسِ دَسِ بَییته و وه ره بِلِند هاکارده. هَمون مووقه وه لینگ و زانو قِوَّت بَییته

اول پِطرُس 4:14

اگه مَسیحِ اِسمِ خاطِری شِما ره فحش هادِن، خِشا به حال شِما، چوون جِلالِ روح که خِدائه روحِ شِمه سَرقِرار گِرنه .