اعمال رَسولان 4:32 - کتاب مقدس به زبان مازندرانی - گویش شرقی

³² تِمومِ ایموندارونِ یَک دِل و یَک جان بییه و هیچ کَس شه امَوالِ شه وِسه نَدونِسه، بلکه همه چیِ دِله هَمدییهِ هِمراه شَریک بینه.

گیله ماز

³² تمام ایمانداران یکدِل و یِک جان بان و هیچکس خودِشِه اَموالِ خودِشه شی نِدانِسِّه، بَلکِه هَمِه چی یه دِلِه هَمدیگَرِ هَمرهَ شَریک بان.

کتاب مقدس به زبان مازندرانی - گویش غربی

³² دِشتِه ایموندارِن یَکدِل و یَک جان وِنِه و هیچکی شی اَموالِ شِنِه نَئونِسِه، بَلگی هَمه چی ای دِلِه هَمدیری هَمرا شَریک وِنِه.

اعمال رَسولان 4:32 Iomraidhean Croise

اِنجیلِ یوحنا 17:11

ویشتر از این دییه دِنیائه دِله نَموندِمبه، ولی وِشون دِنیائه دِله دَرِنه؛ مِن تِ پَلی اِمبه. ای قدّوسِ پییِر، اونایی که مِ ره هِدایی ره شه اسمِ هِمراه حِفظ هاکان، تا یِتا بَووِن، هَمون طی که اِما یِتا هَسیمی.

اعمال رَسولان 1:14

وِشون همه، زَن هائه هِمراه و مَریِم عیسیِ مار و وه بِرارونِ هِمراه، یَک دِل تِمومِ شه وَختِ دِعائه وِسه اییِشتِنه.

اعمال رَسولان 2:1

وَختی پِنتیکاستِ روز بَرِسیه، همه یَک دِل یه جا جَمع بینه

اعمال رَسولان 5:12

رَسولون هَمش قومِ دِله خَله نشونه ها و معجزات کاردِنه و تِمومِ ایموندارون یَک دِل سِلیمونِ رِفاق سَر جَمع بونِسِنه.

رومی ایشون 12:5

پَس اِما که خَیلیمی، مَسیحِ دِله یه تَنِ هَسیمی و هر کِدوم، تَک به تَک هَمدییهِ اعضامی.

اوّلین نامِه قُرنتیانی سِه 1:10

اِی بِرارون، اَمه خِداوند عیسی مَسیحِ اِسمِ هِمراه شِمه جِم خواهش کامبه که هَمدییه هِمراه یَک دِل بوئین و شِمه میون سیوایی دَنی بوئه، بلکه هم، فِکرِ دِله و هم، نظِرِ دِله یِتا بوئین.

دوّمین نامه قرنتیانِ وَسین 13:11

سرآخِر، ای بِرارون، خِشال بوئین. شِمه فکر این بوئه که اَی دِواره جان بَیرین و هَمدییه ره تَسِلّی هادین، هَمدییه هِمراه هم نَظِر بوئین؛ صِلح و سِلامتیِ دِله زندگی هاکانین؛ که خِدائه مِحَبَّت و صِلح و سِلامتی شِمه هِمراه موندِنه.

فیلیپیان 1:27

فِقَط بییِلین شِمه زندگی رَوش، مَسیحِ انجیلِ لایق بوئه، اون طی که چه بِیِّم و شِما ره بَوینِم و چه نَیِّم، شِمه جِم بِشنُئِم، که یِتا روحِ دِله پابرجانی و یِتا فِکرِ هِمراه، اِنجیلِ ایمونِ وِسه، دوش به دوش هم تَقِلّا کاندینی،

اول پِطرُس 3:8

سرآخر، شِما همه، همفکر و یَک دِل و بِرار دوس و دلسوز و فروتن بوئین.

اول پِطرُس 4:11

هر کس گَب زَنده، خِداوندِ واری گَب بَزِنه؛ و هر کس که خِدمِت کانده، اون قِوَّتِ هِمراه که خِدا دِنه خِدمِت هاکانه، تا همه چیِ دِله، خِدا عیسی مَسیحِ طَریقِ جِم جِلال بَیره. جِلال و سلطَنِت تا اَبد و تا اَبد وه هِمراه دَووه. آمین.