اعمال رَسولان 4:1 - کتاب مقدس به زبان مازندرانی - گویش شرقی

¹ پِطرُس و یوحنا هَمتی دَینه مَردِمِ هِمراه گَب زونه که مَعبِدِ کاهِنون و مَعبِدِ نگهوونونِ فَرمونده و عُلِمائه فِرقه صَدوقی سَر بَرِسینه.

گیله ماز

¹ پِطرُس و یوحنا هَلَه دَبان مَردُمِ هَمرهَ گَب بَزِنِن که مَعبدِ کاهِنان و معبدِ نِگَهبانان فَرماندِه و عُلَمای فِرقِه صَدوقی سَر بَرِسیَن.

کتاب مقدس به زبان مازندرانی - گویش غربی

¹ پِطرُس و یوحنا حَلا دِ مَردِنی هَمرا گَب زووِنِه گه مَعبدی کاهنِن و معبدی نِگَهوونِنی فَرموندِه و عِلَمای فِرقِه صَدوقی سَر بَرِسینِه.

اعمال رَسولان 4:1 Iomraidhean Croise

اِنجیلِ مَتّی 16:12

اون وَخت شاگِردون بِفَهمِسِنه که عیسی، فَریسیون و صَدوقیونِ تَعلیم هِدائِنِ خَوِری، هِشدار دِنه، نا نونِ خَمیرمایهِ جِم.

اِنجیلِ مَتّی 22:16

وِشون شه شاگِردونِ هیرودیسِ هِوادارونِ هِمراه، عیسی پَلی بَفرِسینه و بااوتِنه: «اِسّا، اِما دومبی که تِ راسگوِ مَردی ای و خِدائه راهِ دِرِسیِ هِمراه یاد دِنی و تِ وِسه مُهم نییه مَردِم چی گانِنه، چوون که ظاهرِ گولِ نَخارنی.

اِنجیلِ مَتّی 27:20

ولی گَت گَتِ کاهِنون و مَشایخ، قومِ قانِع هاکاردِنه که پیلاتُسِ جِم بَخوان بارْاباسِ آزاد هاکانه و عیسی ره بَکوشه.

اِنجیلِ مَتّی 27:41

گَت گَتِ کاهِنون و توراتِ مَلِّمون و قومِ مَشایخ وه ره مَسخره کاردِنه، گاتِنه:

اِنجیلِ مَتّی 3:7

وَختی یحیی بَدیئه خَله از عُلِمائه فِرقه فَریسی و عُلِمائه فِرقه صَدوقی تَعمید بَئیتِنِ وِسه بییَمونه، وِشونِ بااوته: «اِی مَرها، کی شِما ره گوشزَد هاکارده تا اون غَضِبی که دَره اِنهِ جِم دَر بُورین؟

لوقا 20:1

یِتا روز که عیسی مَعبِدِ دِله مَردِمِ تَعلیم دائه و خَوِرِ خِشِ اِعلام کارده، مَعبِدِ گَت گَتِ کاهِنون و توراتِ مَلِّمون و قومِ مشایخ وه پَلی بییَمونه

لوقا 22:4

یَهودا مَعبِدِ گَت گَتِ کاهِنون و مَعبِدِ نگهوونونِ پَلی بُورده و وِشونِ هِمراه صُحبِت هاکارده که چی طی عیسی ره وِشونِ تَسلیم هاکانه.

اِنجیلِ یوحنا 15:20

کِلامی که شِما ره بااوتِمه ره شه یاد دارین: ”غِلام شه اربابِ جِم گَت تِر نییه.“ اگه مِ ره آزار اَذیِّت هاکاردِنه، شِما ره هم آزار اَذیِّت کاندِنه؛ و اگه مِ کلامِ عَمِل هاکاردِنه، شِمه کِلامِ هَم عَمِل کاندِنه.

اِنجیلِ یوحنا 18:3

پَس یَهودا یه دَسه از سربازون و مَعبِدِ گَت گَتِ کاهِنون و عُلِمائه فِرقه فریسیِ مامورونِ بَییته، اونجه بییَمو. وِشون فانوس و مَشعل و سِلاحِ هِمراه اونجه بَرِسینه.

اعمال رَسولان 4:6

این مجلسِ دِله، کاهِن اَعظم حَنّا و قیافا و یوحنا و اِسکندر و تِمومِ کاهِنِ اعظمِ خانواده دَینه.

اعمال رَسولان 5:17

ولی کاهِنِ اَعظِم و تِمومِ اونایی که وه هِمراه دَینه یعنی صَدّوقیونِ فِرقه بِلِند بَینه و حَسودیِ جِم دَس به‌کار بَینه

اعمال رَسولان 5:24

وَختی مَعبدِ نگهوونونِ فَرمونده و گَت گَتِ کاهِنون این خَوِرِ بِشنُسِنه هاج و واج بَمونِسنه، فِکرِ دِله بُوردِنه که «این کارِ عاقبت چی بونه؟»

اعمال رَسولان 5:26

پَس مَعبِدِ نگهوونونِ فَرمونده، مأمورونِ هِمراه بُوردِنه و رسولونِ بیاردِنه، ولی نا زور زوری، چوون تَرسینه مَردِم وِشونِ سَنگسار هاکانِن.

اعمال رَسولان 6:12

وِشون مَردِم و مشایخ و توراتِ مَلّمونِ، استیفانِ علیه پِر هاکاردِنه و اونا استیفانِ سَر دَکِتِنه، وه ره بییتِنه و شورائه پَلی بَوِردِنه.

اعمال رَسولان 6:7

پَس خِدائه کِلام همه جا اِعلام بونِسه و اورشَلیمِ دلهِ شاگِردون، یَته خَله بونِسنه و یَهودِ کاهِنونِ جِم یِتا گَتِ جَمیَّت، ایمون بیاردِنه.