اعمال رَسولان 3:19 - کتاب مقدس به زبان مازندرانی - گویش شرقی

¹⁹ پَس توبه هاکانین و خِدائه سَمت بَردَگِردین تا شِمه گِناهون پاک بَووه و خِداوندِ حِضور جِم شِمه وِسه وختایی بِیّه که شِما ره تازگی هاده،

گیله ماز

¹⁹ پَس توبِه هَکُنین و خُدای سَمت وَگِردین تا شِیمی گُناهان پاک هَبو و خداوند حضورِ جی شیمی وَسین وَختایی بیِه که شِمِرِه تازِگی هَدِه.

کتاب مقدس به زبان مازندرانی - گویش غربی

¹⁹ پَس توبِه هاکِنین و خِدایی سَمت دَگِردین تا شِمِه گِناهِن پاک بَوو و خِداوندی حِضوری جا شِمِسِه وَختایی بیِه گه شِمِارِ تازِگی هادِه.

اعمال رَسولان 3:19 Iomraidhean Croise

اِنجیلِ مَتّی 13:15

چوون این قومِ دِل، سَنگ بَییه، وِشونِ گوش کَتِل بَییه و شه چِشِ دَوِسِنه؛ تا نَکِنه شه چِشِ هِمراه بَوینِن و شه گوشِ هِمراه بِشنُئِن و شه دِلِ دِله بِفَهمِن و بَردَگِردِن و مِن وِشونِ شِفا هادِم.'

اِنجیلِ مَتّی 18:3

و بااوته: حَییقَتاً شِما ره گامبه، «تا عَوِض نَووین و کِچیکِ وَچِهِ واری نَووین، نَتوندِنی هیچ وَخت آسِمونِ پادشاهیِ دِله بُورین.

لوقا 1:16

خَیلیا ره اِسرائیلِ قوم جِم، خِداوندِ سَمت، وِشونِ خِدا بَرگِردِندِنه.

لوقا 22:57

ولی پِطرُس حاشا هاکارده و بااوته: «اِی زَن، مِن وه ره نِشناسِمبه.»

اعمال رَسولان 1:6

وَختی رَسولون دورِ هم جَمع بَییه بینه، عیسی جِم بَپِرسینه: «خِداوندا، وه مووقه اَلانِ که تِ اِسرائیلِ پادشاهی ره وه ره بَردِگاردِنی؟»

اعمال رَسولان 11:18

وَختی وِشون این گَب ها ره بِشنُسِنه، ساکت بَینه و خِدا ره جِلال هِدانه و بااوتِنه: «پَس خِدا غیر یَهودیونِ هم فِرصت هِدا تا وِشون هَم شه گِناهونِ جِم تووبه هاکانِن و اَبَدی زندگی ره به دَس بیارِن!»

اعمال رَسولان 11:21

خِداوندِ دَس هم وِشونِ هِمراه دَییه و خَیلیا ایمون بیاردِنه و خِداوندِ مِلحَق بَینه.

اعمال رَسولان 15:3

پَس کلیسا وِشونِ راهی هاکارده؛ وِشون وَختی دَینه فینیقیه و سامِرهِ جِم رَد بونِسِنه، اینِ خَوِری که چی طی غیرِ یَهودیون ایمون بیاردِنه، گَب بَزونه و تِمومِ بِرارون این خَوِرِ جِم خَله خِشالی هاکاردِنه.

اعمال رَسولان 17:26

وه تِمومِ مَردِمِ یِتا آدِمِ جِم به وجود بیارده تا تِمومِ زِمینِ دِله زندگی هاکانِن؛ و وِشونِ وِسه تعیین بَییه وَخت و وِشونِ زندگیِ مَحَلِ حَد و حدودِ تعیین هاکارده.

اعمال رَسولان 2:38

پِطرُس وِشونِ بااوته: «توبه هاکانین و هر کِدوم از شِما، عیسیِ مَسیحِ اسمِ هِمراه، شه گناهونِ آمِرزِشِ وسه غسلِ تَعمید بَیرین و روح‌القُدُسِ عطا ره گِرنِنی.

اعمال رَسولان 28:27

چوون این قومِ دِل، سَنگ بَییه؛ وِشونِ گوشا کَتِل بَییه، و شه چشا ره دَوِسِّنه، نَکِنه شه چِشائه هِمراه بَوینِن، و شه گوشائه هِمراه بشنُئِن، و شه دلهائه دِله بِفَهمِن و بَردَگِردِن و مِن وِشونِ شِفا هادِم.“

اعمال رَسولان 3:20

و تا خِدا، عیسی، یعنی هَمون مَسیحِ موعود که قبلتر شِمه وسه اِنتخاب بَییه بییه ره بَفرِسه،

اعمال رَسولان 3:21

که آسِمون وِنه وه ره قَبول هاکانه تا روزایی که همه چی طبقِ اونچی که خِدا از قدیم، تِمومِ شه مِقدَّسِ پِیغَمبِرونِ زِوونِ جِم بااوته، بَووه.

رومی ایشون 11:25

ای بِرارون، نِخوامبه این رازِ جِم بی خَوِر بوئین- نَکِنه شه ره حکیم بَدونین - که اِسرائیلِ یِتا قِسمِتِ سَنگ دلی بَییته، تا وِشونِ تعداد که قرارِ غیر یَهودیون میون، مَسیحِ ایمون بیارِن کامل بَووِن.

دوّم تِسالونیکیان 1:10

هَمون طی که وه، اون روزی دِله که اِنه، شه ایموندارونِ دِله جِلال گِرنه و تِمومِ اونایی که وه ره ایمون بیاردِنه، بِهت کاندِنه. و شِما هم وِشونِ هِمرانی، چوون اَمه شِهادتِ ایمون بیاردینی.

دوّم تِسالونیکیان 1:7

و شِما ره که عِذاب کَشِنِنی و همین طی، اِما ره هم راحتی دِنه. اون مووقه که خِداوند عیسی شه قِددارِ فرشته هائه هِمراه، آسمونِ جِم ظاهر بونه.

دوم تیموتائوس 2:25

وِنه اونایی که مخالفِنه ره نرمیِ هِمراه اِصلاح هاکانه، شاید خِدا وِشونِ تووبه عطا هاکانه تا حَییقَتِ بِشناسِن

نامِه مَسیحینی عبرانی نِژادی سِه 4:1

پَس با اینکه این وعدهِ بوردَن وه آسایشِ دِله هَمتی پابرجائه، تَرسِمبی که نَکِنه دیار بَووه که یه نَفِر شِمه جِم اون وعدهِ به دَس بیاردِنِ وِسه شکست بَخُره.

اول پِطرُس 2:25

چوون شِما گُسفِنایی واری بینی که شه راهِ گم هاکارده بینی، ولی اِسا چَپونُ، شه جان هائه ناظِرِ سَمت بَردَگِردِسینی.

پطرسی دِوّمین نامِه 3:8

ولی ای عزیزون، این حَییقتِ ندید نَیرین که خِداوندِ پَلی یِتا روز هزار سالِ و هزار سال یِتا روزِ واریِ.

یوحنایِ مکاشفه 21:4

وه، وِشونِ چِشائه جِم هر اَسری ره پاک کانده. و دییه مرگی دَنییه؛ و دییه هیچ شیون و هیچ برمه و هیچ دردی دَنیه، چوون اَوِّلین چیا از بین بوردِنه.»