اعمال رَسولان 3:16 - کتاب مقدس به زبان مازندرانی - گویش شرقی

¹⁶ عیسیِ اسمِ ایمونِ خاطِری، وه اسم، این مَردی ره قِوَّت هِدا، کِسی که ویندینی و اِشناسِنِنی ره. و اون ایمونِ که وه تِوَسُطِ، این مَردی ره شِما همهِ پَلی کاملاً شِفا هِدا.

گیله ماز

¹⁶ عیسی یه اِسمِ ایمانِ خاطِری، اونِه اِسم، این مَردای رِه قُوَّت هَدَه، کسی که دینین و اِشناسِنین رِه، وَ اون ایمانِی که اونه تَوَسطِ، این مَردای رِه شما هَمه یه وَر کامِلاً شفا هَدَه.

کتاب مقدس به زبان مازندرانی - گویش غربی

¹⁶ عیسایی اِسمی ایمونی خاطری، وی اِسم، هَین مَردی رِه قِوَّت هادا، کسی گه وینِنی و اِشناسِنِنی رِه، و هون ایمونی گه وی تَوَسِطِ، هَین مَردی رِه شِما هَمه ای وَر کامِلاً شفا هادا.

اعمال رَسولان 3:16 Iomraidhean Croise

اِنجیلِ مَتّی 14:29

عیسی بااوته: «بِرو.» اون وَخت ‌پِطرس لَتکا جِم جِر بییَمو و اوهِ سَر عیسیِ سَمت راه دَکِته.

اِنجیلِ مَتّی 9:22

عیسی بَردَگِردِسه اون زِنا ره هارِشیه، بااوته: «مِ کیجا، نَتِرس. تِ ایمون، تِ ره شِفا هِدا.» هَمون لَحظه وه شِفا بَییته.

اِنجیلِ یوحنا 14:12

«حَییقَتاً، شِما ره گامبه، اونی که مِ ره ایمون داره، وه هم کاراییِ که مِن کامبه ره کانده، و حَتَّی گَت تِر از اون کارا هم کانده، چوون که مِن پییِرِ پَلی شُومبه.

اِنجیلِ یوحنا 7:23

اگه یِتا آدِم مِقدَّسِ شنبهِ دِله خَتِنِه بونه تا موسیِ شَریعَت نِشکِنه، پَس چه، وَختی یِتا آدِمِ مِقدَّسِ شنبهِ دِله کاملِ سِلامتی دِمبه، مِ جِم عَصِبانینی؟

اعمال رَسولان 14:9

وَختی که پولُس گَب زوئه، وه گوش دائه. پولُس وه ره زِل بَزو و بَدیئه این ایمونِ دارنه که شِفا بَیره.

اعمال رَسولان 16:18

وه خَله روزا این طی کارده. سرآخِر پولُسِ صبر ‌سَر بییَمو و بَردَگِردِسه اون روحِ بااوته: «به اسمِ عیسیِ مَسیح تِ ره دَستور دِمبه این کیجائه جِم بیرون بِئی!» هَمون لَحظه، روح وه جِم بیرون بییَمو.

اعمال رَسولان 3:6

ولی پِطرُس وه ره بااوته: «مِن نا نِقره دارمه نا طِلا، ولی اونچی دارمه ره تِ ره دِمبه! به اسم عیسی مَسیحِ ناصری پِرِس و راه بور!»

اعمال رَسولان 3:8

شه جائه سَر بِلِند بَییه و شه لینگِ سَر اِیست هاکارده، راه دَکِته. بعد هَمون طی که پَرِسِّه وِشونِ هِمراه مَعبِدِ دِله بُورده و خِدا ره شُکر کارده.

اعمال رَسولان 4:10

پَس شِما همه و تِمومِ یَهودِ مَردِم بَدونین که عیسیِ مَسیحِ ناصریِ اسمِ هِمراهِ که این مَردی شِمهِ پَلی سالِم اِیست هاکارده، هَمونِ اسمِ هِمراه که شِما وه ره صلیبِ بَکِشینی، ولی خِدا وه ره مِرده هائه جِم زنده هاکارده.

اعمال رَسولان 4:30

و شه دَسِ هم، شِفا هِدائِنِ وِسه دراز هاکان و شه مِقَدَّسِ خادم عیسیِ اسمِ هِمراه نِشونه ها و معجزات هاکان.»

اعمال رَسولان 4:7

وِشون پِطرس و یوحنا ره شه پَلی بیاردِنه، وِشونِ جِم سِئال هاکاردِنه: «شِما کِنه قِدرَت و کِنه اسمِ هِمراه این کارِ هاکاردینی؟»

رومی ایشون 3:22

این صالحی که خِدائه جِم هَسه، عیسیِ مَسیحِ ایمونِ راهِ جِم هَسه و همهِ کِسائه نَصیب بونه که ایمون یارنِنه. چوون هیچ فرقی نییِلنه.

اوّلین نامِه قُرنتیانی سِه 13:2

اگه نَبِوّت هاکاردِنِ قِدرَتِ دارِم و بَتونِم تِمومِ رازها و مَعرفتِ بِفَهمِم، و اگه اون طی ایمونی دارِم که کامل بوئه، جوری که بَتونِم کوهها ره جا‌به‌جا هاکانِم، ولی مِحَبَّت نِدارِم، هیچِمه.