اعمال رَسولان 3:1 - کتاب مقدس به زبان مازندرانی - گویش شرقی

¹ یِتا روز ساعت سه بعد از ظِهر که دِعائه مووقه بییه، پِطرس و یوحنا مَعبِد شینه.

گیله ماز

¹ ایتا روز ساعت سه بعد از ظهر که دُعایِ موقِه با، پِطرُس و یوحَنا دَبان معبَد سَمت بوشون.

کتاب مقدس به زبان مازندرانی - گویش غربی

¹ یَتِه روز ساعتِ سِه بعد از ظِهر گه دِعایی موقِه وِه، پِطرُس و یوحَنا معبَدی سِه شیوِنِه.

اعمال رَسولان 3:1 Iomraidhean Croise

اِنجیلِ مَتّی 17:1

شیش روز بَعد عیسی، پِطرُس و یَعقوب و وه بِرار یوحَنا ره بَییته، وِشونِ یِتا بِلِندِ کوهِ سَر بَوِردِه تا اونجه تینا بوئِن.

اِنجیلِ مَتّی 26:37

بعد پِطرُس و زِبدیِ دِتا ریکا ره شه هِمراه بَوِرده، غُصِّه دار و پَریشون بَییه

اِنجیلِ مَتّی 27:45

اون روز اَز ظِهر تا ساعتِ سه بَعد از ظِهر ظِلِماد تِمومِ سَرزَمینِ بَیتِه.

لوقا 1:10

بُخور بَسوزوندِنِ مووقه، تِموم جَمیِّت بیرون اِیست هاکارده بینه و دَینه دِعا کاردِنه

لوقا 18:10

«دِ نَفِر عبادتِ وِسه مَعبِد بُوردِنه، یِتا عُلِمائه فریسیِ جِم و یِتا دییه خراجگیر.

لوقا 22:8

عیسی، پِطرُس و یوحنا ره بَفرِسیه و بااوته: «بُورین و پِسَخِ عیدِ شومِ اَمه وِسه تَهیّه بَوینین تا بَخُریم.»

لوقا 24:53

اونجه یه سَرِ مَعبِدِ دِله موندِسِنه و خِدا ره پَرسش کاردِنه.

اِنجیلِ یوحنا 21:7

اون شاگِردی که عیسی وه ره دوس داشته، پِطرُسِ بااوته: «خِداوندِ!» شَمعونِ پِطرُس وَختی بِشنُسه خِداوندِ، شه جِمه ره دَپوشیه - چوون جِمه ره کارِ وِسه شه تَن جِم دَر بیارده بییه - و شه ره دریائه دِله دِم هِدا بییه.

اعمال رَسولان 10:3

یِتا روز حدود ساعت سه بعد از ظِهر، رویا دِله واضح بَدیئه که خِدائه یِتا فرشته وه پَلی بییَمو و بااوته: «کُرنِلیوس!»

اعمال رَسولان 10:30

کُرنِلیوس جِواب هِدا: «چهار روز قبل هَمین مووقه، ساعت سه بَعد از ظِهر شه سِره دِله دَیمه دِعا کاردِمه که یِدَفه یِتا مَردی که یِتا نورانی جِمه داشته مِ پَلی ظاهر بَییه

اعمال رَسولان 2:46

وِشون هر روز، مَعبِدِ دِله جَمع بونِسِنه و هَمدییه هِمراه شه سِره دِله نونِ تیکه کاردِنه و خِشی و ساده دِلِ هِمراه غِذا خاردِنه

اعمال رَسولان 3:3

وَختی اون مَردی پِطرُس و یوحنا ره بَدیئه که خواننه معبِد دِله بورِن، وِشونِ جِم صَدِقه بَخواسه.

اعمال رَسولان 3:4

پِطرُس و یوحنا وه ره زِل بَزونه؛ پِطرُس بااوته: «اِما ره هارِش!»

اعمال رَسولان 4:13

وَختی وِشون پِطرُس و یوحنائه جِرأتِ بَدینه و بِفَهمِسِنه که وِشون بی سِواد و عادی هَسِنه، تَعجِب هاکاردِنه و بِفَهمِسِنه عیسیِ هِمراه دَینه.

اعمال رَسولان 5:25

هَمون مووقه، یه نَفِر بییَمو و وِشونِ خَوِر هِدا، بااوته: «اونایی که شِما وِشونِ زِندونی هاکارده بینی، اَلان مَعبِدِ دِله اِیست هاکاردِنه و دَره مَردِمِ تَعلیم دِنِنه.»

اعمال رَسولان 8:14

وَختی رَسولون اورشَلیمِ دِله خَوِردار بَینه که سامِریون خِدائه کِلامِ قبول هاکاردِنه، پِطرُس و یوحنا ره وِشونِ پَلی بَفرِسینه.

غَلاطیان 2:9

وَختی که یَعقوب و کیفا و یوحنا که به نظر اییَمو کلیسائه سِتون بینه، اون فیضی که مِ نَصیب بَییه بییه ره بَدینه، مِن و بَرنابائه هِمراه دَس رفاقت هِدانه تا اِما غیریَهودیونِ پَلی بوریم و وِشون یَهودیون پَلی بورِن.