اعمال رَسولان 28:9 - کتاب مقدس به زبان مازندرانی - گویش شرقی

⁹ بَعد از این اِتّفاق، بَقیهِ مَریضون که جزیرهِ دِله دَینه، اییَمونه و شِفا گِتِنه.

گیله ماز

⁹ بعدِ این اِتِفاق، بَقیِه مَریضان که جزیره یه دِلِه دَبان، هَنِه بان و شَفا گیرنِه بان.

کتاب مقدس به زبان مازندرانی - گویش غربی

⁹ بعد از هَین اِتِّفاق، بَقیِه مَریضِنی گه جزیره ای دِلِه دَوِنِه، ایمونِه و شَفا گیتِنِه.

اعمال رَسولان 28:9 Iomraidhean Croise

اِنجیلِ مَتّی 4:24

عیسیِ شِهرَت تِمومِ سوریهِ دِله دَپیته و تِمومِ اونایی که هَر جور دَرد و مَرِضِ دِچار بینه و اونایی که دِو بَزو بینه و غَشگری داشتِنه و چِلِخا ره وه پَلی یاردِنه و وه اونا ره شِفا دائه.

اعمال رَسولان 13:6

وِشون تِمومِ جزیره ره بَگِردِسِنه تا پافوسِ شَهر بَرِسینه. اونجه یِتا یَهودی مَردی که وه اسم بارْ‌یِشوع بییه ره بَدینه، که دِراغی پِیغَمبِر و جادوگر بییه.

اعمال رَسولان 28:10

وِشون اِما ره خَله اِحترام بییِشتِنه و وَختی خواسیمی اونجه جِم بوریم، هر چی لازم داشتیمی ره کشتیِ دِله اَمه وِسه بییِشتِنه.

اعمال رَسولان 28:8

اتّفاقا، پوبلیوسِ پییِر مَرِیض بییه و توو و اسهال داشته. پولُس وه پَلی بُورده و دِعا هاکارده، شه دَسِ وه سَر بییِشته و وه ره شِفا هِدا.

اعمال رَسولان 5:12

رَسولون هَمش قومِ دِله خَله نشونه ها و معجزات کاردِنه و تِمومِ ایموندارون یَک دِل سِلیمونِ رِفاق سَر جَمع بونِسِنه.

اعمال رَسولان 5:15

تا جایی که حَتَّی مَریضونِ شَهرِ میدونهائه سَر یاردِنه و وِشونِ تَخت و دوشِکِ سَر اییِشتِنه تا وَختی پِطرُس اونجه جِم رَد بونه، لااقل وه سایه بَعضیائه سَر دَکِفه و شِفا هاده.