اعمال رَسولان 28:7 - کتاب مقدس به زبان مازندرانی - گویش شرقی

⁷ اون نَزیکی، زمینهایی دَییه که جزیرهِ رَئیسِ بییه؛ که وه اِسم پوبلیوس بییه. وه اِما ره شه سِره دَعوِت هاکارده و سه روز اَمه جِم ‌گرمیِ هِمراه پذیرایی هاکارده.

گیله ماز

⁷ اون نَزیکی زَمینایی دَبا که جزیره یه رَئیسِ شی با که اونِه اِسم پوبلیوس با. اون اَمَرِه خودِشِه سِرِه دَعوَت هَکردِه و سِه روز اَمِی جی گرمی یه هَمرهَ پَذیرایی هَکردِه.

کتاب مقدس به زبان مازندرانی - گویش غربی

⁷ هون نَزیکی زَمینایی دَوِه گه جزیره ای رَئیسی وِه گه وی اِسم پوبلیوس وِه. وی اَمارِه شی خِنِه دَعوَت هاکِردِه و سِه روز اَمِه جا گرمی ای هَمرا پَذیرایی هاکِردِه.

اعمال رَسولان 28:7 Iomraidhean Croise

اعمال رَسولان 13:7

وه رومِ فرموندار ’سِرگیوس پولُسِ‘ رَفِق بییه. فَرموندار که عاقلِ مَردی بییه، بَرنابا و شائولِ شه ‌پَلی دَعوِت هاکارده، چوون خواسه خِدائه کِلامِ بِشنُئه.

اعمال رَسولان 18:12

ولی اون مووقه که گالیو، اَخائیهِ مَنطقه حاکم بییه، یَهودیون هَمدَس بَینه، پولُسِ سَر دَکِتِنه و وه ره مَحکمه بیاردِنه،

اعمال رَسولان 23:24

پولُسِ وِسه هم یِتا اسب فِراهم هاکانین و وه ره صحیح سالم، فِلیکْسِ فرموندارِ تحویل هادین.»

اعمال رَسولان 28:2

اون جزیرهِ مَردِم اِما ره خَله مِحبِّت هاکاردِنه. وِشون اَمه وسه تَش رووشِن هاکاردِنه، چوون وارش وارِسه و هِوا سَرد بییه، و اَمه جِم ‌گرمیِ هِمراه پَذیرایی هاکاردِنه.

اعمال رَسولان 28:6

مَردِم اِنتِظار داشتِنه وه تَن باد هاکانه یا اینکه یِدَفه دَکِفه و بَمیره. ولی بعد از اینکه خَله اِنتِظار بَکِشینه، وَختی بَدینه که وه هیچی نَییه، وِشونِ فکر عَوِض بَییه و بااوتِنه وه یِتا از خِدایونِ.

اعمال رَسولان 28:8

اتّفاقا، پوبلیوسِ پییِر مَرِیض بییه و توو و اسهال داشته. پولُس وه پَلی بُورده و دِعا هاکارده، شه دَسِ وه سَر بییِشته و وه ره شِفا هِدا.

اول تیموتائوس 5:10

و خوارِ کارائه اِنجام هِدائِنِ دِله معروف بوئه، یعنی شه وَچونِ گَت هاکارده بوئه، غریب‌نواز بوئه، مقدّسینِ لینگا ره بَشُسه بوئه، دَردمَندون جِم مِراقبت هاکارده بوئه، و شه ره هر جور خوارِ کارِ وِسه وَقف هاکارده بوئه.

نامِه مَسیحینی عبرانی نِژادی سِه 13:2

از این که نسبت به غریبه ها مهمون نِواز بوئین غافل نَبوئین، چوون این کارِ هِمراه، بَعضیا بی اینکه بَدونِن، فرشته هائه جِم پذیرایی هاکاردِنه.