اعمال رَسولان 28:4 - کتاب مقدس به زبان مازندرانی - گویش شرقی

⁴ اون جزیرهِ مَردِم وَختی بَدینه که مَر وه دَسِ جِم آویزونِ، هَمدییه ره بااوتِنه: «بی‌شک این مَردی قاتلِ، با اینکه دریائه جِم نِجات بَییته، عدالت نییِلنه زِنده بَمونه.»

گیله ماز

⁴ اون جزیره یه مَردم وَختِی بَدییَن که مار اونِه دَس جی آویزانِه، هَمدیگر باگوتِن: «بی شَک این مَردای قاتلِ، هر چَن دَریای جی نِجات بَیتِه، عِدالَت نُزارنه زندِه بُمانِه.»

کتاب مقدس به زبان مازندرانی - گویش غربی

⁴ هون جزیره ای مَردِن وختی بَئینِه گه مار وی دَسی جا آویزونِه، هَمدیَرِ بُتِنِه: «بی شَک هَین مَردی قاتلِ، هر چَن دَریایی جا نِجات بَیتِه، عِدالَت نِلنِه زینِّه بَمونِّه.»

اعمال رَسولان 28:4 Iomraidhean Croise

اِنجیلِ مَتّی 23:35

پَس بی گِناهِ مَردِمِ خون که دَشِندی بَییه، اَز صالحِ هابیل بَیر تا زَكریا، بَرخیائه ریکا، که وه ره مَعبِدِ دِله، قِروونگاه و عِبادَتگاهِ میون بَکوشتینی، شِمه گَردِن دَره

اِنجیلِ مَتّی 27:25

تِمومِ مَردِم جِواب هِدانه: «وه خون اَمه گَردِن و اَمه وَچونِ گَردِن دَووه!»

لوقا 13:2

عیسی وِشونِ جِواب بااوته: «گمون کاندینی چوون این جلیلیون به این روز دِچار بَینه، تِمومِ دییه جلیلیونِ جِم گِناهکارتَر بینه؟

لوقا 13:4

و یا گِمون کاندینی اون هیجده نَفِر که سْیلوآمِ برج وِشونِ سَر لِه بورده و وِشونِ بَکوشته، اورشَلیمِ دییه مَردِمِ جِم خِطاکارتر بینه؟

اِنجیلِ یوحنا 7:24

ظاهرِ جِم داوِری نَکِنین، بلکه به حَق داوِری هاکانین.»

اعمال رَسولان 28:2

اون جزیرهِ مَردِم اِما ره خَله مِحبِّت هاکاردِنه. وِشون اَمه وسه تَش رووشِن هاکاردِنه، چوون وارش وارِسه و هِوا سَرد بییه، و اَمه جِم ‌گرمیِ هِمراه پَذیرایی هاکاردِنه.

اعمال رَسولان 28:3

پولُس اَت کم هیمه جَمع هاکارده و وَختی اونِ تَشِ سَر اییِشته، تَشِ گَرمیِ وِسه، یِتا مَر وه جِم بیرون بییَمو و وه ‌دَسِ کَش بَچِسبِسه.

اعمال رَسولان 28:5

ولی پولُس مَرِ تشِ دِله دِم هِدا و شه هیچی نَییه.

یوحنایِ مکاشفه 21:8

ولی ترسوا و بی‌ایمونا و فاسدا و آدِم کشا و زِناکارا و جادوگرا و بِت‌پرسا و تِمومِ دِراغ زَن ها، وِشون همهِ نَصیب اَلوک بَکِشیه دریاچه، تَش و گوگردِ هِمرائه. این دِوّمین مَرگِ.