اعمال رَسولان 28:30 - کتاب مقدس به زبان مازندرانی - گویش شرقی

³⁰ این طی پولُس دِ سال تِموم شه سِره دِله که اِجاره هاکارده بییه، دَییه و هر کی که وه پَلی اییَمو ره قبول کارده.

گیله ماز

³⁰ اینجوری پولُس دو سال تَمام خودِشِه سِرِه یه دِلِه که اِجارِه هَکُردِه با دَبا و هَر کی که اونِه وَر هَنِه با رِه، قبول کانِه با.

کتاب مقدس به زبان مازندرانی - گویش غربی

³⁰ هَینجوری پولُس دِ سال تِموم شی خِنِه ای دِلِه گه اِجارِه هاکِرد وِه دَوِه و هر کی گه وی وَر ایمو رِه، قَبول کِردِه.

اعمال رَسولان 28:30 Iomraidhean Croise

اِنجیلِ یوحنا 1:39

عیسی وِشونِ بااوته: «بِئین و بَوینین.» پَس اون دِتا شاگرد بُوردِنه و بَدینه وه کجه موندِنه و اون روزِ وه هِمراه سَر هاکاردِنه، چوون که حدوداً ساعت چهارِ بَعد اَز ظِهر بییه.

اعمال رَسولان 19:21

بعد از این اتفاقا، پولُس خِدائه روحِ هِمراه هِدایت بَییه که مقدونیه و اَخائیهِ مَنطقهِ راهِ جِم، اورشَلیم بَردَگِرده. پولُس گاته: «بعد از اینکه اونجه بُوردِمه، وِنه رومِ شَهرِ جِم هم دیدَن هاکانِم.»

اعمال رَسولان 24:27

دِ سال دییه، پورکیوس فِستوس، فِلیکْسِ جانشین بَییه. ولی فِلیکْس، اینِ وِسه که یَهودیونِ سَر مِنّت بییِلّه، پولُسِ هَمون طی زِندونِ دِله داشته.

اعمال رَسولان 28:16

وَختی روم بَرِسیمی، پولُسِ اِجازه هِدانه تا یِتا محافظِ سربازِ هِمراه شه سِره دِله بَمونه.

اعمال رَسولان 28:29

بعد از اون که پولس اینِ بااوته، یَهودیون هَمون طی که هَمدییهِ هِمراه جرِّ بحث کاردِنه، اونجه جِم بوردِنه.]

اعمال رَسولان 28:31

پولُس خِدائه پادشاهی ره اِعلام کارده و تِمومِ جرأتِ هِمراه و بدونِ اینکه کِسی وه دَمِ بَیره خِداوند، عیسیِ مَسیحِ خَوِری تَعلیم دائه.

رومی ایشون 15:32

بعد اگه خِدا بِخوائه، ذوقِ هِمراه شِمه پَلی بِیِّم تا شِمه پَلی، مِ جان تازه بَووه.

دوّمین نامه قرنتیانِ وَسین 11:23

اونا مَسیحِ نوکرونِنه؟ مِن ویشتر هَسِمه! خِل هائه واری گَب زَمبه - همهِ جِم سخت‌تِر کار هاکاردِمه، خَله ویشتر زندون دِله دَکِتِمه، همهِ جِم ویشتر کُتِک بَخُردِمه، ویشترِ وختا نزدیک بییه بَمیرِم.

دوّمین نامه قرنتیانِ وَسین 6:5

کتک بَخُردَن هائه مووقه، زندونهائه دِله، بَلواهائه دِله، سختِ کارهائه دِله، شوِ نَخواتِن ها دِله، و وِشنایی هائه دِله؛ سِراغ دامی که خِدائه نوکِرون هَسیمی.

فیلیپیان 1:13

اون طی که تِمومِ سلطنتِ کاخِ نگهوونون و همهِ وِسه مَعلوم بَییه که مِن مَسیحِ خاطِری زِندونِ دِله دَرِمبه؛

دوم تیموتائوس 1:17

بلکه وَختی رومِ شَهر بییَمو، مِ دِمبال بَگِردِسه تا سَر آخِر مِ ره پی دا هاکارده.

دوم تیموتائوس 4:2

خِدائه کِلامِ اِعلام هاکان و وَخت و بی وَخت آماده باش و خَله صبر و کاملِ تعلیمِ هِمراه، اِصلاح و سَراکو و تَشویق هاکان.