اعمال رَسولان 28:17 - کتاب مقدس به زبان مازندرانی - گویش شرقی

¹⁷ سه روز دییه، پولُس یَهودِ گَت گَتِ ره شه پَلی دَعوِت هاکارده. وَختی جَمع بَینه، وِشونِ بااوته: «ای بِرارون، با این که مِن کاری شه قوم یا شه پییِرونِ رَسم و رسومِ علیه نَکارده بیمه، با این حال مِ ره اورشَلیمِ دِله دستگیر هاکاردِنه و رومیونِ تحویل هِدانه.

گیله ماز

¹⁷ بَعدِ سِه روز، پولُس یهودِ گَتِه شان رِه خودِشِه وَر دُخوانِسِّه. وَختِی جَم هَبان، اوشانِه باگوتِه: «اِی آداشان، با اونکه مَن کاری عَلیِه می قوم یا می پیَرانِ رَسم و رُسوم نَکُردِه بام، مَرِه اورشلیمِ دِلِه دَسگیر هَکُردَن و رومیانِ تَحویل هَدَن.

کتاب مقدس به زبان مازندرانی - گویش غربی

¹⁷ سِه روز دییَر، پولُس یهودی گَت گَتِه رِه شی کَفا بَخونِسِه. وختی جَم بَوِنِه، وِشونِه بُتِه: «اِی بِرارِن، با اونگه مِن کاری شی قوم یا شی پیرِنی رَسم و رُسومی علِیه نَکِرد وِمِه، مِنِه اورشلیمی دِلِه هَماسینِه و رومیِنی تَحویل هادانِه.

اعمال رَسولان 28:17 Iomraidhean Croise

اعمال رَسولان 13:50

ولی یَهودیون، متعصب و سَرشناس زَن ها و شَهرِ مَردا که رَهبِر بینه ره تحریک هاکاردِنه و وِشون، پولُس و بَرنابا ره آزار اذیّت هاکاردِنه. پَس پولُس و بَرنابا ره اون مَنطقهِ جِم بیرون هاکاردِنه.

اعمال رَسولان 22:5

کاهِنِ اَعظِم و تِمومِ یَهودِ اعضائه شورا، توندِنه این کارِ وِسه شِهادت هادِن، چوون وِشونِ جِم نامه‌هایی بِرارونِ وِسه که دَمشقِ دِله دَرِنه بَییتِمه تا اونجه بُورِم و این اَهلِ طَریقَتِ دسگیر هاکانِم و مِجازاتِ وِسه اورشَلیم بیارِم.

اعمال رَسولان 23:33

وَختی سِواره‌ سَربازون قیصریهِ شَهر بَرِسینه، اون نامه ره فرموندارِ تَحویل هِدانه و پولُسِ هم وه پَلی بیاردِنه.

اعمال رَسولان 25:10

پولُس جِواب هِدا: «مِن اَلان اِمپراطورِ محکمهِ دِله اِیست هاکاردِمه که اونِ دِله وِنه محاکمه بَووِم. شِما شه خوار دوندِنی که مِن نسبت به یَهود هیچ خطایی نَکاردِمه .

اعمال رَسولان 25:2

اونجه گَت گَتِ کاهِنون و یَهودِ قومِ گَت گَتِ وه روب رو حاضر بَینه و شه شکایتِ پولُسِ علیه بااوتِنه.

اعمال رَسولان 25:8

پولُس شه جِم دِفاع هاکارده، و بااوته: «مِن نا علیه یَهودِ شَریعَت خطایی هاکاردِمه نا علیه مَعبِد نا علیه امپراطور.»

اعمال رَسولان 6:14

چوون اِما شه بِشنُسیمی که گاته این عیسیِ ناصری این مَعبِدِ له دِنه و رَسم و رَسومی ره که موسی اِما ره هِدا ره عَوِض کانده.»