اعمال رَسولان 28:15 - کتاب مقدس به زبان مازندرانی - گویش شرقی

¹⁵ اونجهِ بِرارون بِشنُسه بینه که راه دِله دَرِمبی، پَس تا آپیوس و «سه مِیخِانهِ» بازارِ دِله بییَمونه تا اَمه پیشواز بِیّن. پولُس وَختی وِشونِ بَدیئه، خِدا ره شکر هاکارده و وه دِل قِوَّت بَییته.

گیله ماز

¹⁵ اوجِه یه آداشان وَختِی بِشنَوِسِّه بان که راهِ دِلِه دَریم، تا آپیوس و ’سِه میخِانه یه‘ بازارِ دِلِه بومَن تا اَمِی پِشواز بیئِن. پولُس وَختِی اوشانِه بَدییِه خدا رِه شُکر هَکردِه و اونِه دِل قُوَّت بِیتِه.

کتاب مقدس به زبان مازندرانی - گویش غربی

¹⁵ اوجِه ای بِرارِن وختی بِشنُس وِنِه گه راهی دِلِه دَرمی، تا آپیوس و ’سِه میخِنِه ای‘ بازاری دِلِه بیمونِه تا اَمِه پِشواز بیئِن. پولُس وختی وِشونِه بَئیه خِدارِه شِکر هاکِردِه و وی دِل قِوَّت بَیتِه.

اعمال رَسولان 28:15 Iomraidhean Croise

اِنجیلِ یوحنا 12:13

نَخلِ چِله ها ره شه دَسِ دِله بَییته و وه پیشواز بُوردِنه. وِشون دادِ هِمراه گاتِنه: «نِجات هاده! مِوارکِ اونی که خِداوندِ اسمِ هِمراه اِنه، مِوارکِ اِسرائیلِ پادشاه!»

اعمال رَسولان 1:15

یِتا از اون روزا، پِطرُس، بِرارونِ میون که حدود صد و بیست نَفِر بینه، اِیست هاکارده

اعمال رَسولان 10:23

پَس پِطرُس وِشونِ سِرهِ دِله بَوِرده تا وه مِهمون بوئِن. فِردائه اون روز پِطرُس بِلِند بَییه و وِشونِ هِمراه راه دَکِته. چَن تا یافائه شَهرِ بِرارون هم وه هِمراه بُوردِنه.

اعمال رَسولان 10:25

وَختی پِطرُس سِره دِله بییَمو، کُرنِلیوس وه پیشواز بورده و وه لینگ دَکِته، وه ره پَرَسِش هاکارده.

اعمال رَسولان 11:1

رَسولون و بِرارون تِمومِ یَهودیهِ مَنطقهِ دِله بِشنُسِنه که غیریهودیون هم خِدائه کِلامِ قبول هاکاردِنه.

اعمال رَسولان 11:12

خِدائه روح مِ ره بااوته وِشون هِمراه بورِم و فرق نییِلِّم. این شیش تا بِرار هَم مِ هِمراه بییَمونه، و اِما اون مَردیِ سِره بُوردیمی.

اعمال رَسولان 12:17

پِطرُس شه دَسِ هِمراه اشاره هاکارده که ساکت بوئِن و تَعریف هاکارده که چی طی خِداوند وه ره زِندونِ جِم بیرون بیارده. بعد بااوته: «یَعقوب و بَقیه بِرارونِ این جَریانِ جِم باخَوِر هاکانین.» بعد یه جا دییه بُورده.

اعمال رَسولان 21:5

وَختی اَمه بَمونِسِنِ فرصت تِموم بَییه، سَفِرِ وِسه راهی بَیمی. تِمومِ شاگِردون شه زَن ها و وَچونِ هِمراه تا شَهرِ بیرون اِما ره بَدرقه هاکاردِنه. اونجه دریالو زانو بَزومی و دِعا هاکاردیمی.

اعمال رَسولان 28:14

اِما چَن تا بِرار اونجه پی دا هاکاردیمی که اَمه جِم دَعوِت هاکاردِنه هَفت روز‌ وِشونِ هِمراه بَمونیم. سرآخِر رومِ شَهر بَرِسیمی.

رومی ایشون 15:24

امید دارمه که وَختی دَره اسپانیا شومبه، شه راهِ سَر شِما ره بَوینِم تا بَعدِ از اون که اَت کم شِما ره بَدیمه، مِ ره اونجه ئه سَفِرِ دِله، کُمِک هاکانین.

دوّمین نامه قرنتیانِ وَسین 2:14

ولی خِدا ره شِکر کامبه که هَمِش مَسیحِ دِله، وه شه پیروزیِ دِله اِما ره راهنِمایی کانده و شه مَعرفتِ عطرِ، اَمه طریق همه جا پَخش کانده.

غَلاطیان 4:14

و هَر چَن مِ وضع و اوضاع شِمه وِسه یِتا آزمود بییه، مِ ره بی حِرمت و کِچیک نَکاردینی. بلکه مِ ره خِدائه فِرشتهِ واری قبول هاکاردینی‌، اِنگار که مَسیحْ عیسی ره قبول کاندینی.

اوّل تِسالونیکیان 3:7

اِی بِرارون اینِ وِسه، تِمومِ اَمه سَختی ها و مِصیبت هائه دِله شِمه جِم و شِمه ایمونِ طریق تسلّی بَییتیمی.

نامِه مَسیحینی عبرانی نِژادی سِه 13:3

اونایی ره که زِندونِ دِله دَرِنه ره شه‌یاد دارین، جوری که اِنگاری شِما هم وِشونِ هِمراه زِندونِ دِله دَرِنی؛ و اونایی که عِذاب کَشِنِنه ره شه یاد بیارین، چوون شِما هم تَنِ دِله عِذاب کَشِنِنی.