اعمال رَسولان 27:3 - کتاب مقدس به زبان مازندرانی - گویش شرقی

³ فِردائه اون روز صیدونِ شَهر بَرِسیمی. یولیوس، پولُسِ لِطف هاکارده، اِجازه هِدا شه رَفِقونِ پَلی بُوره تا وه احتیاجاتِ برطَرِف هاکانِن.

گیله ماز

³ فردَئی به صیدونِ شهر بَرِسییَیم. یولیوس پولُسِ لُطف هَکردِه، اِجازه هَدَه خودِشِه رَفیقِانِ وَر بوشو تا اونِه اِحتیاجان رِه برطرف هَکُنَن.

کتاب مقدس به زبان مازندرانی - گویش غربی

³ فردای هون روز صیدونی شهری سِه بَرِسیمی. یولیوس پولُسِ لِطف هاکِردِه، اِجازه هادا شی رَفِقِنی وَر بورِه تا وی اِحتیاجارِه برطرف هاکِنِن.

اعمال رَسولان 27:3 Iomraidhean Croise

اِنجیلِ مَتّی 11:21

بااوته:«وای بَر تِ اِی خورازین شَهر، وای بَر تِ اِی بیت‌صیدائه شَهر! اَگه معجِزِه هایی كه شِمه دِله اِنجام بَییه صور و صیدونِ شهرائه دِله اِنجام بونِسه، خَله قبل اَز این، پلاس‌ دَپوشیه و سَر تیل دَوِسه، تووبه کاردِنه.

اعمال رَسولان 12:20

هیرودیس صور و صیدونِ شَهرِ مَردِم هِمراه غیظ هاکارده بییه. وِشون بْلاستوس، پادشاهِ دربارِ خِدمِتکارِ راضی هاکاردِنه تا هیرودیسِ پَلی بِیّن تا آشتی هاکانِن، چوون وِشونِ خِراک و مایَحتاج، هیرودیسِ مِلکِ جِم فِراهم بونِسه.

اعمال رَسولان 24:23

بعد اَفسری که مسئول بییه ره دَستور هِدا تا پولُسِ زیر نَظِر بَیره، ولی اَت کم آزادی هم وه ره هاده و وه دَمِ نَیره که وه آشنایون وه احتیاجاتِ بَرطَرِف هاکانِن.

اعمال رَسولان 27:1

وَختی تَصمیم بَییتِنه که اِما، دریائه راهِ جِم ایتالیا بُوریم، پولُس و چَن تا دییه از زِندونیونِ، یِتا اَفسِر که وه اسم یولیوس و اِمپراطورِ گوردانِ جِم بییه، تحویل هِدانه.

اعمال رَسولان 27:43

ولی رومیِ اَفسِر که خواسه پولُسِ جانِ نِجات هاده، وِشونِ دَمِ بَییته و دَستور هِدا اَوِّل اونایی که توندِنه شِنا هاکانِن، شه ره دریائه دِله دِم هادِن و خِشکی بَرِسانِن.

اعمال رَسولان 28:16

وَختی روم بَرِسیمی، پولُسِ اِجازه هِدانه تا یِتا محافظِ سربازِ هِمراه شه سِره دِله بَمونه.