اعمال رَسولان 27:2 - کتاب مقدس به زبان مازندرانی - گویش شرقی

² پَس کَشتی ای که اَدرامیتینوسِ شَهرِ جِم بییَمو بییه و آسیائه مَنطقهِ بندرها شییه ره، سِوار بَیمی و راه دَکِتیمی. آریستارخوسِ مَقدونی، که تِسالونیکیِ جِم بییه هم اَمه هِمراه دَییه.

گیله ماز

² پَس کَشتی ایی که اَدرامیتینوسِ شهرِ جی بوما با و آسیای منطقه بَندران رِه شونِه با سَوار هَبَیم و رادَکِتِیم. آریستارخوسِ مَقدونی، که تِسالونیکی یه جی با هَم اَمِی هَمرهَ دَبا.

کتاب مقدس به زبان مازندرانی - گویش غربی

² پَس کَشتی ای گه اَدرامیتینوسی شهری جا بیمو وِه و آسیایی مَنطقِه ای بَندرا رِه شیوِه سِوار بَوِمی و راه دَکِتِمی. آریستارخوسِ مَقدونی، گه تِسالونیکی ای جا وِه هَم اَمِه هَمرا دَوِه.

اعمال رَسولان 27:2 Iomraidhean Croise

لوقا 8:22

یِتا روز عیسی شه شاگِردونِ هِمراه یِتا لَتکا سِوار بَییه و وِشونِ بااوته: «دریائه اون دَس بُوریم.»

اعمال رَسولان 16:17

وه اِما و پولُسِ دِمبال اییَمو و دادِ هِمراه گاته: «این مَردا، خِدائه مِتعالِ خادِمِنه و نِجاتِ راهِ شِما ره اِعلام کاندِنه.»

اعمال رَسولان 17:1

پولُس و سیلاس آمْفیپولیس و آپولونیائه شهرائه جِم بُگذِشتِنه و تِسالونیکیِ شَهر بییَمونه، که اونجه یَهودیونِ عبادتگاه بییه.

اعمال رَسولان 19:19

خَیلیا هم که قبل از اون جادوگری کاردِنه، شه کتاب ها ره بیاردِنه و همهِ چِشِ پَلی بَسوزِندینه. وَختی کتاب هائه قیمتِ حِساب هاکاردِنه، پِنجاه هزار تا نِقره سِکّه بییه.

اعمال رَسولان 19:29

تِمومِ شَهرِ دِله بَلوا بَییه! تِمومِ مَردِم هَمدَس بَینه و مسابقاتِ میدونِ سَمت هجوم بَوِردِنه. وِشون گایوس و آریستارخُسِ که اَهلِ مَقدونیه و پولُسِ هِمراهون بینه ره کَشینه و شه هِمراه وَردِنه.

اعمال رَسولان 2:9

پارتها و مادها و عیلامیون، بین‌النهرینِ مَردِم و یهودیه و کاپادوکیه و پونتوس و آسیائه مَنطقهِ امپراطوری

اعمال رَسولان 21:5

وَختی اَمه بَمونِسِنِ فرصت تِموم بَییه، سَفِرِ وِسه راهی بَیمی. تِمومِ شاگِردون شه زَن ها و وَچونِ هِمراه تا شَهرِ بیرون اِما ره بَدرقه هاکاردِنه. اونجه دریالو زانو بَزومی و دِعا هاکاردیمی.

اعمال رَسولان 28:10

وِشون اِما ره خَله اِحترام بییِشتِنه و وَختی خواسیمی اونجه جِم بوریم، هر چی لازم داشتیمی ره کشتیِ دِله اَمه وِسه بییِشتِنه.

اعمال رَسولان 28:12

سیراکوزِ بَرِسیمی، لنگر دِم هِدامی و سه روز اونجه بَمونسیمی.

اعمال رَسولان 28:16

وَختی روم بَرِسیمی، پولُسِ اِجازه هِدانه تا یِتا محافظِ سربازِ هِمراه شه سِره دِله بَمونه.

اعمال رَسولان 28:2

اون جزیرهِ مَردِم اِما ره خَله مِحبِّت هاکاردِنه. وِشون اَمه وسه تَش رووشِن هاکاردِنه، چوون وارش وارِسه و هِوا سَرد بییه، و اَمه جِم ‌گرمیِ هِمراه پَذیرایی هاکاردِنه.

کولُسیان 4:10

آریستارخوس که مِ هِمراه زِندونِ دِله دَره، شِمه وِسه سِلام رِسِندِنه؛ همین طی هم مَرقُس، بَرنابائه عمو پِسِر، شِمه وِسه سِلام دارنه. که قبلاً وه خَوِری شِما ره سفارش هاکاردِمه که هر وَخت شِمه پَلی بِیّه، گرمیِ هِمراه وه ره قبول هاکانین.

فیلیمون 1:24

همین طی مِ همکارون، مَرقُس، آریستارخوس، دیماس و لوقا تِ وِسه سِلام رِسِندِنِنه.