اعمال رَسولان 27:13 - کتاب مقدس به زبان مازندرانی - گویش شرقی

¹³ پَس وَختی یِواش یِواش جنوبِ وا دَکِته، وِشون گِمون هاکاردِنه شه مقصد بَرِسینه؛ لَنگرِ بَکِشینه و کرِتِ راسه، دریالوِ نَزیکی پیش بُوردِنه.

گیله ماز

¹³ پس وَختِی یَواش یَواش جنوبی وا وَرِسَه، اوشان گمان هَکُردَن به خودِشانِه مَقصَد بَرِسیَن؛ لَعبَرِ بَکِشیَن و کْرِت راسِه، دَریاکِنار نَزیکی پِیش بَشَن.

کتاب مقدس به زبان مازندرانی - گویش غربی

¹³ پس وختی یَواش یَواش جِنوبی وا دَکِتِه، وِشون گِمون هاکِردِنِه شی مَقصَدی سِه بَرِسینِه؛ لَنگر بَکِشینِه و کْرِتی راسِه، دَریالُویی نَزیکی پِش بوردِنِه.

اعمال رَسولان 27:13 Iomraidhean Croise

لوقا 12:55

وَختی وا جِنوبِ جِم زَنده، گانِنی: ”هِوا گَرم بونه،“ و هَمون طی هم بونه.

اعمال رَسولان 2:11

هم یَهودی و هم اونایی که یَهودِ دینِ قبول هاکاردِنه؛ و همین طی کْرت و عربِستانِ مَردِم - همه اِشنُمبی که اینا اَمه زِوون، خِدائه قِوَّت و عجیبِ کارائه جِم گَب زَندِنه.»

اعمال رَسولان 27:12

چوون اون بندر زِمسونِ سَر هاکاردِنِ وِسه خوار نَییه، اینِ خاطِری، ویشترِ اون آدِمون تَصمیم بَییتِنه که شه سَفِرِ ادامه هادیم، این امیدِ هِمراه که فینیکسِ بندِرِ بَرِسیم و زمسونِ اونجه سَر هاکانیم. این بندر کْرِتِ دِله بییه و وه دیم هم جِنوب غربی و هم شِمال غربیِ سَمت بییه.

اعمال رَسولان 27:21

از اونجه که خَله وَخت بییه که غِذا نَخُرده بینه، پولُس وِشونِ میون اِیست هاکارده و بااوته: «آقایون، شِما مِ گَبا ره وِنه قَبول کاردینی و کْرِتِ جِم بیرون نییَمونی تا اَنده ضرر و زیان نَویندِسینی.

اعمال رَسولان 27:8

سَختیِ هِمراه دریالوِ جِم بُگذِشتیمی و یه جا که وه اسم ’قَشنگِ بَندرها‘ بییه بَرِسیمی که لاسائیهِ شَهرِ نَزیکی بییه.

تیتوس 1:12

شه یِتا از وِشونِ پِیغَمبِرون بااوته: «کْرتِ مَردِم همه دِراغ زَنِنه و شَرورِ وحشیِ حیوونون و اِشکم​پیس و تنبَلِنه.»

تیتوس 1:5

اینِ وِسه تِ ره کْرتِ جزیرهِ دِله سَر اییِشتِمه تا نصف و نیمه کارا ره سَرسامون هادی و هَمون‌ طی که تِ ره بااوتِمه، هر شهری دِله مشایخی ره بییِلی.