اعمال رَسولان 27:12 - کتاب مقدس به زبان مازندرانی - گویش شرقی

¹² چوون اون بندر زِمسونِ سَر هاکاردِنِ وِسه خوار نَییه، اینِ خاطِری، ویشترِ اون آدِمون تَصمیم بَییتِنه که شه سَفِرِ ادامه هادیم، این امیدِ هِمراه که فینیکسِ بندِرِ بَرِسیم و زمسونِ اونجه سَر هاکانیم. این بندر کْرِتِ دِله بییه و وه دیم هم جِنوب غربی و هم شِمال غربیِ سَمت بییه.

گیله ماز

¹² چون اون بَندر زِمِسّان سَر هَکوردَنِ وَسین خوب نَبا، اینه خاطری بیشترِ این آدَمان تصمیم بِیتَن که اَمی سَفرِ اِدامِه هَدیم، این امیدِ هَمرهَ که به فینیکس بَندر بَرِسیم و زِمِسّانِ اوجِه سَر هَکونیم. این بندر کْرِت دِلِه با و اونِه دیم هَم جِنوب غربی و هَم شمالِ غربی یه سَمت با.

کتاب مقدس به زبان مازندرانی - گویش غربی

¹² چون هون بَندر زِمِسِنی سَر هاکِردنی سِه خِب نَوِه، هَینی خاطری ویشترِ هَین آدَمِن تصمیم بَیتِنِه گه شی سَفرِ اِدامِه هادیم، هَین اِمیدی هَمرا گه فینیکسی بَندری سِه بَرِسیم و زِمِسِنِ اوجِه سَر هاکِنیم. هَین بندر کْرِتی دِلِه وِه و وی دیم هَم جِنوب غربی و هَم شِمالِ غربی ای سَمت وِه.

اعمال رَسولان 27:12 Iomraidhean Croise

اعمال رَسولان 2:11

هم یَهودی و هم اونایی که یَهودِ دینِ قبول هاکاردِنه؛ و همین طی کْرت و عربِستانِ مَردِم - همه اِشنُمبی که اینا اَمه زِوون، خِدائه قِوَّت و عجیبِ کارائه جِم گَب زَندِنه.»

اعمال رَسولان 27:13

پَس وَختی یِواش یِواش جنوبِ وا دَکِته، وِشون گِمون هاکاردِنه شه مقصد بَرِسینه؛ لَنگرِ بَکِشینه و کرِتِ راسه، دریالوِ نَزیکی پیش بُوردِنه.

اعمال رَسولان 27:21

از اونجه که خَله وَخت بییه که غِذا نَخُرده بینه، پولُس وِشونِ میون اِیست هاکارده و بااوته: «آقایون، شِما مِ گَبا ره وِنه قَبول کاردینی و کْرِتِ جِم بیرون نییَمونی تا اَنده ضرر و زیان نَویندِسینی.

اعمال رَسولان 27:7

چَن روز یواش یواش بُوردیمی و سَختیِ هِمراه کْنیدوسِ دریالو بَرِسیمی. ولی وا اَنده توش داشته که مجبور بَیمی شه مسیرِ عَوِض هاکانیم و کْرِتِ جزیره اون وَرِ جِم که وا نَزو بییه بوریم، تا سالمونیِ شَهرِ پَلی پیش بوردیمی.

اعمال رَسولان 27:8

سَختیِ هِمراه دریالوِ جِم بُگذِشتیمی و یه جا که وه اسم ’قَشنگِ بَندرها‘ بییه بَرِسیمی که لاسائیهِ شَهرِ نَزیکی بییه.

تیتوس 1:12

شه یِتا از وِشونِ پِیغَمبِرون بااوته: «کْرتِ مَردِم همه دِراغ زَنِنه و شَرورِ وحشیِ حیوونون و اِشکم​پیس و تنبَلِنه.»

تیتوس 1:5

اینِ وِسه تِ ره کْرتِ جزیرهِ دِله سَر اییِشتِمه تا نصف و نیمه کارا ره سَرسامون هادی و هَمون‌ طی که تِ ره بااوتِمه، هر شهری دِله مشایخی ره بییِلی.