اعمال رَسولان 26:4 - کتاب مقدس به زبان مازندرانی - گویش شرقی

⁴ «تِمومِ یَهودیون مِ زندگی ره جِوونیِ جِم دوندِنه، از هَمون اَوِّل که شه قومِ میون و اورشَلیم دِله زندگی کاردِمه.

گیله ماز

⁴ «تمام یَهودیِان می زندگی رِه جَوانی جی دانَن، هَمون اَوَّل جی که می قومِ مین و اورشلیمِ دِلِه زندگی کانِه بام.

کتاب مقدس به زبان مازندرانی - گویش غربی

⁴ «دِشتِه یَهودیِن می زندگی رِه از جَوونی دِنِنِه، از هَمون اَوَّل گه شی قومی میِن و اورشلیمی دِلِه زندگی کِردِمِه.

اعمال رَسولان 26:4 Iomraidhean Croise

اعمال رَسولان 22:3

«مِن یَهو‌دی مَردیمه، کیلیکیهِ تارسوسِ شَهرِ دِله دِنیا بییَمومه ولی اورشَلیمِ شَهرِ دِله گَت بَیمه. شه اَجدادِ شَریعتِ کاملاً، گامالائیلِ دَسِ بِن یاد بَییتِمه و خِدائه وِسه غیرت داشتِمه، هَمون طی که شِما همه اَمروز دارنِنی.

اعمال رَسولان 24:14

ولی شِمه پَلی اِعتراف کامبه که طبقِ طَریقت که وِشون وه ره یِتا فِرقه دوندِنه، شه پییِرونِ خِدا ره پَرَسِش کامبه و هر اونچی هم که تورات و پیغمبِرونِ نوِشتهِ دِله بَنوِشته بَییه ره اعتقاد دارمه.

غَلاطیان 1:13

چوون که شِما مِ قدیمی زندگیِ تعریفِ اون مووقه که یهودی بیمه بِشنُسینی، که چی طی خِدائه کلیسا ره آزار اذیّت کاردِمه و تَقِلّا کاردِمه اونِ نابود هاکانِم.

فیلیپیان 3:5

هشتمین روزِ دِله ختنه‌بَیِّن، اِسرائیلِ قومِ جِم، بِنیامینِ ایل و تبار جِم، عبرانی وچه، عبرانی پییِر مارِ جِم؛ طبقِ شَریعَت، فَریسی؛

دوم تیموتائوس 3:10

ولی تِ، مِ تَعلیم و مِ رِفتار و مِ هدف و مِ ایمون و مِ صَبر و مِ مِحَبَّت و مِ طاقتِ از نزدیک شاهد بیئی