اعمال رَسولان 26:28 - کتاب مقدس به زبان مازندرانی - گویش شرقی

²⁸ آگْریپاس پولُسِ بااوته: «اَنده زود خوانی مِ ره قانع هاکانی مسیحی بَووِم؟»

گیله ماز

²⁸ آگْریپاس پولُسِ باگوتِه: «اینقدر زود خَنی مَرِه قانع هَکُنی مسیحی هَبوم؟»

کتاب مقدس به زبان مازندرانی - گویش غربی

²⁸ آگْریپاس پولُسِ بُتِه: «اَنّی زود خواینی مِنِه قانع هاکِنی مسیحی بَووم؟»

اعمال رَسولان 26:28 Iomraidhean Croise

اِنجیلِ مَتّی 10:18

و شِما ره مِ خاطِری، فرموندارون و پادِشاهونِ پَلی وَرنِنه تا وِشون و غیر یَهودیونِ پَلی گِواهی هادین.

مَرقُس 6:20

چوون هیرودیس یحییِ جِم تَرسیه، چوون که دونِسه یحیی صالح و مِقدَّسِ مَردیه، اینِ وِسه بییه که وه جِم محافظت کارده. هر وَخت یحییِ گَبِ اِشنُسه، خَله پریشون بونِسه. ولی هَمتی هم خِشالیِ هِمراه وه گَب ها ره گوش دائه.

اعمال رَسولان 11:26

و وَختی وه ره پی دا هاکارده، وه ره اَنطاکیه بیارده. وِشون اونجه یَک سالِ تِموم، کلیسائه آدِمونِ هِمراه جَمع بونِسِنه و یِتا گَتِ جَمیَّتِ تَعلیم دانه. اَنطاکیهِ دِله بییه که اَوِّلین کَش عیسیِ شاگِردونِ «مَسیحی» بااوتِنه.

اعمال رَسولان 24:25

وَختی پولُس؛ صالح بییَن و پرهیزگاری و آیندهِ داوِریِ جِم گَب میون بیارده، فِلیکْس هَراسون بَییه و بااوته: «فعلاً وَسّه! توندی بُوری. اَی اَت کَش دییه تِ ره شه پَلی صدا کامبه.»

اعمال رَسولان 26:27

ای آگْریپاسِ پادشاه، تِ پیغمبِرونِ اعتقاد دارنی؟ دومبه که دارنی.»

اعمال رَسولان 26:29

پولُس وه جِواب بااوته: خِدائه جِم خوامبه که دیر یا زود، نا فِقَط شِما، بلکه تِمومِ کِسایی که اَمروز مِ گَبِ اِشنُنِنه، مِ واری بَووِن، البته نا زنجیلِ دِله!»

دوّمین نامه قرنتیانِ وَسین 4:2

بلکه جا هِدا و شرم آور راه هائه جِم دوری هاکاردیمی و حِقّه بازیِ هِمراه رِفتار نَکامبی و خِدائه کِلامِ دَسکاری نَکامبی، بلکه حَییقتِ، آشکارا گامبی و تَقِلّا کامبی خِدائه حِضور، همهِ وجدانِ پَلی، تایید بَوویم.

اول پِطرُس 4:16

با این وجود، اگه مسیحی بییَنِ خاطِری عِذاب کَشِنه، شرمنده نَبوئه، بلکه اون اسمِ دِله خِدا ره جِلال هاده.